[真人真事][校園][純愛]《婚宴上的重遇》: 第一章

大家好,
我叫做呀行
今年廿六歲,
個個都咁係叫我
由讀書到出嚟做野都係
原來唔經唔覺,
出左嚟社會都已經幾年
諗返起,
最鍾意都係以前中學生活
好掛住嗰種無憂無慮,




好真摯咁樣識朋友嘅感覺
啱傾就frd
唔啱傾就唔同堆
大家各有各玩,
落堂走去睇女
呢啲咁典型會喺中學出現嘅情節
原來不經不覺之間,
已經過左好耐
即使上到去大學,
都唔會再有機會搵得返呢啲野




更加唔好講出到嚟社會
我曾經聽過有人講,
話中學生活係被人過度美化
我唔會完全否認呢點
畢竟唔係每一個人個中學生活都係咁美好
有啲可能恨不得嗱嗱聲畢業
上大學食女又好
盡快出嚟搵錢亦好
但係喺我個立場,
最鍾意都係中學生涯




因為,
喺嗰度,
我識到一班最好嘅朋友
而且,
我有幸接觸到一個好難忘嘅中學生活
點解我咁難忘
係因為,
喺我嘅中學生活入面,
出現左一個我一生都唔會忘記嘅女仔
有時唔係每一個人,
都可以遇到一個自己好鍾意嘅人
我就好好彩咁樣遇到喇

首先將時間去返2008年先
當時嘅我,




係一個會考生
話說我間學校係band2(同樂仔,丁仔同一間)
會考之後要上返原校個要求唔算好高,
學校set個分數唔高
加上本身小弟平時都有刨書
當然啦,
叻就唔叻架喇
係叫做懶唔晒
所以一向啲成績都係中規中矩
當時我嘅願望就係升返原校讀中六
因為我唔想重新適應
你知啦,
如果升唔返原校,
而身邊嘅朋友升得返,
代表你中六中七要一個新嘅地方返學




要認識一班新嘅朋友,
全部野都要重新嚟過
老實講我就唔想咁啦
所以嗰陣我都係有生以來最勤力嘅一次(唔計後來嘅A-Level)
喺嗰排真係好少打機,
唔好話打機,
丁都少打左
有時臨瞓前都係記住嗰啲考試重點
務求令自己記得清楚啲
講起溫書,
其實我就鍾意喺屋企溫書多啲
因為我屋企唔算好嘈
即使我喺屋企,
都唔會因環境狀況而令我溫唔到書
我知你地一定鬧我點解咁死蠢




咁都唔落去自修室
嗰度咁多女
容乜易識返件
我都知
但係一嚟自修室離我屋企談不上好近,
我又真係有少少懶
唔想行,
二嚟其實我都係毒勁一名
咁大個仔都未拍過拖
讀小學,中學嗰陣,
唔係冇試過鍾意女仔,
但礙於我自己係一個毒勁
所以好少同鍾意嘅女仔交流
唔好話交流,
有時面對面見到都淆到震




講野甚至肢體動作亦唔自然
我都唔想咁架,
但事實上就係咁
所以話,
自修室啲女邊輪到我丫
毒勁最忌就係幻想太多
算啦,
都係溫書算啦
話說有一日,
當時已經考晒主科同埋物理,化學,
差生物未考
小弟係理科人
咁我溫溫下生物溫到好肚餓,
咁就落左去老麥買脆辣雞腿包
話說小弟係極度鍾意食脆辣雞腿包
基本上去到老麥,
十次有十次都係食脆辣雞腿包
有時寧願唔食新包
都要食脆辣雞腿包
就知我幾鍾意啦,
講開又講,
依家脆辣雞腿包冇以前咁大個咯
唉,
不過都仲係堅持食佢
因為我覺得真係好好食
而當我一去到麥當勞,
就好似平時咁樣,
行去櫃面買脆辣雞腿包餐
呢個時候我就呆左一呆.