《病港》: 137

「好！就‧‧‧‧‧‧整杯紅酒嚟試下。」王達尼又再問了問：「等等，紅酒唔會係一般個啲紅酒？我想飲嘅係雞尾酒個款‧‧‧」


「喔，紅酒都係個稱呼嚟姐，佢都係雞尾酒一種，真名叫「血酒」，不過好似幾嘔心，唔係咁好聽，所以我改名叫做「紅酒」，呵呵。」老闆一邊解釋一邊準備著調酒。


「明白明白～其實我哋都係第一次嚟。」王達尼淺淺地笑。


「咁就要好好參觀下啦，話雖呢條村仔都冇乜好參觀。」老闆說。






我橫視這間幽暗的店子一眼，這裡的客人不是優閒地玩牌，就是談笑風生的喝酒。也許我應該要放下經常疑神疑鬼的心情，好好讓自己放鬆一小段時間。


「你朋友個面具真係型喎。」胡子老闆輕輕地笑。


「你件牛仔背心同帽都入型入格啦。」王達尼淺淡而笑。






我戴住面具的優點之處，就是不需要像王達尼一樣，跟人溝通問情報時要笑口常開。


世上哪有這麼多東西值得我笑？


「你哋呢到最搶手嘅貨品係咩啊？等我都趁機買返啲啊嘛～」王達尼擺明就是要得到商業情報。

「呃‧‧‧‧‧‧關於病者嘅藝術品囉？呢條村好興盛買呢啲，你咪當手信囉，呵呵。」胡子老闆開始放著配料到酒中。


「同絕對禁止病者相關產物嘅寶琳倖存區，好大分別。」此時，我才開第一句腔。


「係咩？我冇出過去呢條村喎，唔知出面情況點。」


「咁你哋係點搵資源？」我又問。


「喔，我哋翠林邨呢到可以經山行衛奕信徑３段，大概三十分鐘路程左右？就會去到大牛湖，個到有好胡淨嘅湖水俾我哋燒嚟飲，只要做簡單過濾就得。之後再行一個鐘路程就會到井欄樹村、心朗村、炭山村、龍窩村、白石窩村，個到都係啲郊外嘅村屋地，附近都有好多原居民開墾過嘅泥田，我哋喺個到有大規模咁種植，啲菜真係又新鮮又甜。」






「原來係自給自足‧‧‧‧‧‧」我佩服地點頭：「你哋比想像中厲害得多。」


領導他們的人，應該也很了不起吧。


「呵，地理環境唔錯姐，終於有個遠離城市嘅好處。」胡子老闆得意地淺笑，把精心調配的血酒放到王達尼面前：「以前翠林邨俾人喻為最麻煩嘅地方架嘛，每日返工放工都要上山落山。」


「為翠林邨致敬！」王達尼握起血酒，打算與我碰杯。


料不知他碰過空，使得有點血酒濺到了我的黑袍上。






「我未叫嘢飲‧‧‧」我盯住他：「點致敬。」


我叫的不同，是果汁酒。


喝下去的瞬間，舌尖的味蕾徹底衝擊了我的思想，斷絕了我對外界事物的感覺，那甜溢的香果味在口腔至到胃腹都繞徊著一樣，這一口的味道令我愣了足足好幾十秒。


「喂，你做咩呆住咗咁。」王達尼在我面前揮揮手。


「無‧‧‧」我閉上雙眼，說：「只係突然覺得，人生在世‧‧‧‧‧‧能夠飲到美味嘅飲料，好幸福。」






我在大本營得到的「乾麵包恐懼症」，恐怕只有這杯飲料能真正地拯救到我早已枯死的味蕾。


「呢杯血酒仲正，包你飲完叫三聲，或者阿媽都唔認得！」王達尼把血酒放到我嘴邊。


既然一場來到，我就讓自己舌頭能好好享受一下美酒。


血酒‧‧‧‧‧‧


「唔‧‧‧」味道雖然‧‧‧有種說不出的鮮甜，和難以形容像「鐵」的味道：「飲一、兩啖冇乜嘢，但係飲飲下‧‧‧‧‧‧會有令人飲上癮嘅感覺。」






這是我給予的評價。


「正呢，呵呵呵呵。」胡子老闆高興地和笑。


有美味的飲料配襯，我也希望有開心的暢談時間，所以都打開心扉和他們談些有的沒的，算是大吐苦水吧。


下至自己興趣，上至社會風氣，我們都有分別談論過。王達尼說了些商業的事情、我說了些關於病者的事情、胡子老闆則說了些酒類的事情。


我能從談話中得悉，原來這個倖存區對於病者並沒那麼的抗拒，因為曾經發生過某些事情。


普遍村民都主張人類與病者和平共處的理念，這一點跟以前不良人遇過的班尼相同。但我心中自知，這是一件不可能發生的事情。


除非，每一隻病者都有大BOSS般的智慧和個性。


人禽之別，在於人類智慧高得有善惡，這種無形的觀念。


其實並不是不可能，只是相比起殺害彼此讓一方獨存，更為不可能。


「多謝你美酒招待，老闆。」王達尼把喝光的血酒鐵杯子放下。


「真係不得了‧‧‧‧‧‧」我也喝光了他調的水果酒了。


「你哋要走啦？呵呵。」胡子老闆說。


「走之前，想問下你‧‧‧呢兩日有冇發生過咩特別事？」我問。


「呃‧‧‧‧‧‧諗唔到。」老闆答。


「王達尼，相機啲相俾老闆睇睇。」南愚北賢，到底還在這兒嗎。


於是乎，王達尼把相機的照片都展現給老闆觀看：「你識唔識呢兩個人，或者有冇見過佢哋？」


「呢兩條友‧‧‧」老闆回憶當中：「呵‧‧‧！我記得，佢哋一日前係嚟過飲酒，同你一樣點咗最受歡迎嘅血酒。」


「你唔識佢哋？」


「唔識，佢哋邊個嚟？」


「我朋友‧‧‧」我編個籍口，又問：「咁你知唔知佢哋去向‧‧‧‧‧‧？」


「唔太清楚！不過，佢兩個都係熟客，但係同我唔熟，每幾星期就會嚟呢條村一次，我諗佢哋嚟係諗住參加聽晚嘅「共歡日」？」老闆摸著胡子說。


「共歡日？」


「係一個人類與病者共歡嘅慶典日子，到時候條村會有好多美酒美食同節目供應，大家都好開心。」老闆說。


「唔‧‧‧」我低頭思考一下。


「呢條小村居然有呢種慶典‧‧‧‧‧‧同大本營差唔多。」王達尼點點頭。


「寧靜太落都要狂歡一下啊嘛，呵呵，你唔覺呢到平時好靜架咩。」老闆又說。


「咁又係，中和下係應該。」王達尼認同。


「係聽晚？」我再問一次。


「係。」


「王達尼‧‧‧」我轉身，向他低語：「要唔要喺到過番晚。」


「你為咗調查呢兩條友？睇嚟你嘅好奇心又發作啦喎，兄弟。」王達尼嘆一口氣，說：「不過無所謂啦～呢到唔係話好難頂，幾舒服。」


總覺得，有些事情需要問到他們。


「老闆，收唔收艾幣啊？」王達尼打算結帳了。


「今日傾得咁開心，唔收你哋錢啦～呵。」老闆搖搖頭，說：「呢到啲人咁靜，好耐冇傾過計。」


「咁多謝先，下次見。」


離開酒館後，我跟王達尼找了間旅館來住。


還好老闆是個會遠出的商人，所以接受我們的艾幣付款。


「雙人大床‧‧‧」一入房，王達尼便立即仰跳到大床上躺著：「正！」


「有個窗口可以望到外面‧‧‧‧‧‧」我走到窗邊，俯視外面：「啱啱好。」


「話說‧‧‧」毫不檢點，大刺刺地躺在床上的王達尼，問：「點解你一定要搵到嗰兩個人？」


「佢哋係情報家，我多少都有啲嘢想問佢哋。」我心中黯然：「而且，最令我在意嘅係‧‧‧‧‧‧點解雨川要拍攝佢哋。」


身為人類的他們，不應該是被拍攝的對象。


除非‧‧‧‧‧‧


他們是病者。


「你諗得真係複雜啊，我淨係諗錢就得啦。」王達尼嘆氣。


「咁樣得閒出下嚟，都唔錯。」我望住風和日麗的天空。


「嚟呢到係唔錯‧‧‧‧‧‧」王達尼又回憶起不安的畫面，說：「不過你咁快唔記得咗啲鈴鐺聲？」


我冷笑自嘲：「證明快樂係可以掩蓋畏懼。」



「休息先，今晚或者一陣晏就先再睇下食啲乜。」王達尼很快便合上了眼皮。


這敞休息，直至傍晚才結束。


從窗外望去，太陽落山了。


暮色從遠山外暗暗襲來，山色一刻兒深赭。


「你醒未？」我說。


「醒啦～出去搵啲嘢食啦。」王達尼伸了個極長的懶腰，並把自己土色的長衣外套穿回：「哇‧‧‧‧‧‧你企足半日啊？」


我戴回鳥嘴面具，說：「你覺得？」


早上美酒過後，醒來就食慾欲來。


「要食啲咩？好似有燒魚燒蝦喎‧‧‧‧‧‧」王達尼跟我逛到晚上的食市中心。


位置在翠林新城下的地鋪，食物種類也算得上多，陣陣香味傳來令人胃口更盛。


「嚟啦！兩位靚仔！好味嘅鹽燒焗魚，仲有古法蒸蝦！全部喺大牛湖到即日捉番嚟，保證新鮮啊。」燒海鮮店的大嬸不斷向我們推薦。


「呢到啊！」另一家店子的大叔也高喊：「香燒豬仔脾！肉汁豐富又好味，埋嚟睇啦喂！」


「好似好多嘢揀‧‧‧‧‧‧」我說。


「揀間最平嘅～？」王達尼問。


「‧‧‧‧‧‧」我環視全條街道，有哪家食店最值得我們入去。


「先生！要唔要入嚟試下，有二人套餐喎。」一位年輕的女侍應，從一間看起來很高級的西餐廳走過來介紹著：「我哋餐廳仲有酒品、甜點供應，仲有現場結他歌手演奏。」


「二人套餐？」王達尼回覆。


「就係咁嘅‧‧‧」女侍應把他帶到餐廳前，拿著自製餐牌介紹著：「優惠嘅「情侶二人套餐」！睇你哋應該係外地人？我哋接受艾幣架！只係舊５００個艾幣，就可以享有以下餐飲服務。」


王達尼已經全神地注視著餐牌的內容，自言自語：「真係唔錯喎，有錢就應該輕鬆下～俾自己享受下‧‧‧‧‧‧」


「小姐，你覺得點？」年輕的女侍應問我意見。


正當我想答「我只係長頭髮，唔係女人」的時候，王達尼突然用手握住我的面具的鳥嘴，彷彿要禁止我說話一般。


「好啊，就嚟份「情侶二人套餐」！」王達尼豪爽地說。


「‧‧‧」這傢伙，為了省點錢居然‧‧‧‧‧‧


「好嘅！兩位請入嚟。」女侍應為我們領路。


「忍耐下‧‧‧」王達尼轉身，向我單眼、低語：「性價比極高啊！」


這不是問題‧‧‧‧‧‧問題是，就算如此我都想做男方，不想被人叫小姐！


「請你兩個等等，即刻為你哋準備餐飲。」女侍應把一個白色的金屬燭放到桌的中央，燃點起溫和的小火光：「請兩位稍等。」


坐下後我望望周圍，地方十分寬闊、位子又多、佈置又浪漫，如果王達尼跟愛紗可能求婚也辦得到。


而演奏樂隊，是兩個結他手、一個鼓手和一個女主唱，她見我們進來之後，便說即將要唱P!nk的《Who Knew》。


女侍應離開後，我才開口說：「真係‧‧‧‧‧‧你下次應該帶番愛紗嚟，我覺得今日係人生黑歷史。」


「嘿，咁你下次都要帶番條女嚟。」王達尼享受著歌曲帶來的舒適。


「我只會自己一個嚟，自己食二人套餐。」我說。


「唉～哈，真係頂唔順你呢種孤僻。」


首先上盤的，是前菜──鮮果蝦沙律。


「幾啖都食得哂‧‧‧」我搖搖頭。


「前菜嚟，仲有嘅。」王達尼邊吃邊說。


之後，又來了碗熱菜湯。

而這裡的菜湯真的不是說笑，海鮮的味道使得整碗湯都都又濃又香。


「九分。」我喝了幾口後，說。


「七點五分啦，喺肉面前菜只會顯得渺小。」王達尼說。


「主菜，烤蔥香豬排配薯菜。」女侍應放下主菜餐點。


「唔～～～」我們一口把肉咬入口，就不禁發出讚嘆的聲音。


是天上的美食，那肉質的口感完美得不能吐話，因為滿嘴都充滿了生命，每一顆細胞都在跳動感受著。


「呢一啖已經回哂本～」王達尼搖頭讚賞。


「我開始覺得我扮女人係物超所值‧‧‧‧‧‧」這口肉十分結實可口，令我實實在在地感覺到有食物落肚。


原像寶琳倖存區某些店子，特意用一大層炸粉使得豬排看起來十分大件。


「呢到，酒品係血酒，仲有自家製小甜品草莓小派。」女侍應把餘下餐飲的都上桌了。


飽餐一頓的我們，打算坐多一會才走。


「如果要我揀最開心嘅時光，肯定係賺大錢個陣、見愛紗個陣、同呢一刻。」


我望住王達尼，淺淺一笑：「都差唔多要走。」


「嘿，埋單！」王達尼舉起手。


付帳之後，我們步出了西餐廳，出到街外發現有個中年大叔跪在地上，一面痛苦的向逐家食店哀求著什麼。


我倆都望住了他，心想這大叔到底什麼一回事。


「仲有咩做？」王達尼吹著口哨問。


「訓完、食完，係時候做正經嘢。」我伸出手，說：「部相機？」


「喺到。」王達尼把它交給我。


「去問問有冇人見過南愚北賢。」我說。


我們拿著相機到處去問街上的人，有沒有見過相機中的二人，一般人都答沒有或者有點印象。而提問的全程，基本上我一個在做，王達尼只是跟在身後。


「睇嚟好多人都冇見過。」王達尼說。


「唯有問下嗰個大叔，」我望住那位不斷跪地哀求食店的大叔：「佢喺附近跪足咁耐，應該都有印象。」


「個大叔好似好肚餓‧‧‧係咁求啲食鋪老闆俾嘢食佢。」王達尼凝視住他。


「喂，大叔。」我走過去，那跪地的光頭大叔面前：「你識唔識呢兩個人。」


「嗚‧‧‧你‧‧‧你哋係‧‧‧‧‧‧？」他抬頭問。


「你唔好理，總之有冇見過。」我說。


「呢兩個人‧‧‧‧‧‧有啲印象‧‧‧」光頭大叔突然敲敲自己腦袋，說：「哎吔！我個腦突然唔記得咗啦，肯定餓得濟！」


「嚟啦嚟啦～我就知有呢啲小把戲。」王達尼無奈地搖搖頭。


「所以，你點先記番起？」我問。


「食嘢！我要醫飽個肚先得！」光頭大叔說。


「你要食啲乜？」我又問。


「基本上高熱量，又有口感嘅嘢就得！」光頭大叔舉起食指，說：「我對食啊，有一份執著。」


「求其喺外面搵啲垃圾俾佢食吧！呢條街買就太貴。」王達尼在我耳邊說。


「好。」我點頭。


「點啊？接唔接受！？我好似就快諗到嫁啦‧‧‧‧‧‧」光頭大叔奸笑。


「你跪喺到等我哋，一陣會帶嘢食返嚟。」說著，我們兩個便轉身離去。


「好，」光頭大叔繼續保持跪著的姿勢一會兒，才恍然大悟地站起來：「等陣‧‧‧！點解我要聽佢哋講跪喺到等！」



我們離開了昂貴的食市區，走到相較便宜的偏僻食店附近，那裡有些專賣狗肉的，肉早已被風乾，只售一艾幣一塊。


經討論後，我們買了五塊再另加三艾幣買了一小片狗脂肪，然後向店家借來爐火稍為烤烤，把脂肪與狗肉乾混和在一起，形成高熱量的美食，散發著淡淡的脂肪香。


「你又會識得咁整？」其實，這都是王達尼的主意。


「愛紗教嘅，好飽肚又唔會話入唔到口。」王達尼握住那塊手掌大小的脂肪狗肉乾。


做好之後，我們回去把食物帶給饑餓難耐的光頭大叔。


果然，他一接到食物之後便張口大咬，一點細心品嚐的心態也沒有，不需一會已經吃得渣也沒有。


「哇‧‧‧老兄，呢啲人間美食係咩嚟？」光頭大叔啜起手指來。


「你答我先，佢兩個喺邊？做人要有口齒。」我把相機的照片展現給他看。


「我知～我做人好有口齒！呢兩條友啊‧‧‧‧‧‧呃，我今朝喺社區會堂見過！」光頭大叔說。


「社區會堂？」


「無錯，個到係我哋村長之類嘅重要人物做事商議嘅地方，閒雜人都係唔好過去啦。」光頭大叔說。


「咁點解你會過去‧‧‧‧‧‧」我還是忍不住要吐糟一句。


「無聊啊嘛，哈哈哈！」


我沒笑間陪這個大叔繼續開玩笑，所以就立即前往位於最北面，有點兒偏僻的社區會堂出發。


「等‧‧‧等等！！你啱啱係咪串我係閒雜人啊！」光頭大叔突然恍然大悟，望住我們背影大吼。


社區會堂。


這裡，算是村中最為夜靜的地方之一。


辦公的社區中心入面，只有少量的燈火正亮著。


「唔通個南愚北賢，係呢到嘅重要人物？」王達尼托住下鄂。


「入去睇下，可能就喺入面。」我正想把門推開時，才發現上鎖了。


「夜媽媽‧‧‧‧‧‧」王達尼帶我用第二種方法進入：「緊係用啲鬼鼠啲嘅方法。」


「鬼鼠？」


王達尼走到社區會堂後方一望，大概打量了它的結構：「見唔見到三樓‧‧‧個窗打開咗小小，可以由個到入去。」


「爬‧‧‧爬上去？」我怔著。


「當然，唔通你爆門入去？係人都知有賊入去。」


「我哋唔係做賊。」


「照爬吧，話唔定你又會發現啲咩驚天大陰謀呢‧‧‧‧‧‧哈哈哈哈哈。」王達尼已經徑自透過外露的水管、冷氣機糟等爬上去三樓。


既為同伴，我無法拋下王達尼自己一個上去，因此我只得跟著上。直至爬到三樓後，他伸手去把那窗戶開得更大，才溜到去內部裡頭。


「黑媽媽‧‧‧」我試圖找出門的位置：「不過由外面照射入嚟嘅光都有少少‧‧‧‧‧‧」


「睇落真係似一般辦公室‧‧‧‧‧‧」王達尼環視周圍的辦公桌。


「喂，我搵到門‧‧‧」我知會他一聲，便輕輕力地把門打開了。


我先探頭出去觀察，走廊外空無一人。


「三樓係最高？」我低聲問。


「係。」王達尼無聊得揭著人家的帳簿。


我使用潛步去到走廊外時，無意間給我聽到，一間位於盡頭的辦公室正發出著談天的聲音。


「哈哈哈哈哈，感謝你你‧‧‧們‧‧‧提供‧‧‧情報俾‧‧‧我哋。」一把，很怪異的聲音。

「互相幫助係應該，特別係你哋。」是北賢的聲音！

「你哋‧‧‧聽日共‧‧‧共共共‧‧‧共歡會‧‧‧會留喺‧‧‧到？嘛‧‧‧？」另一把，像電音的模糊人聲。

「呵呵呵～當然會，我哋會好好享受你哋嘅人類美酒。」這笑聲，是南愚‧‧‧

「血‧‧‧血酒！嘎‧‧‧」這次聲音更為難聽，像原始人說話一樣。


被怪異的聲音弄得心也寒寒的我，眼見他們的討論快要結束，就馬上回到剛才的辦公室之中叫王達尼躲藏好。


「喀──」不久，傳來開門聲了。


「搭‧‧‧搭‧‧‧搭‧‧‧搭‧‧‧‧‧‧搭‧‧‧‧‧‧搭‧‧‧」人類腳步有序行走的聲音。


「咩料‧‧‧」王達尼低聲問。


「唔好理住‧‧‧」我心中又開始泛出那種感覺，強烈的不安感。


待腳步聲離開三樓後，我又再探身去到走廊，去偷聽剛才盡頭辦公室那三把怪異的聲音，有沒有事後的討論。


「哈‧‧‧哈哈哈哈‧‧‧嘿嘿‧‧‧」讓人毛骨悚然的笑聲，那把電音續說：「人類‧‧‧美美酒，今晚要抽抽抽，取更多，如果唔係‧‧‧聽聽日唔夠用啊。」


「喺康林‧‧‧樓，嘅確認足夠供應？」那把原始人學說話的聲音。


「唔夠‧‧‧就捉更更更多，嘿哈哈哈‧‧‧嗤。」最後一把怪聲。


那間辦公室裡頭，明顯就只餘下這三個怪聲人，因為南愚北賢的聲音都不在了。


「王達尼‧‧‧‧‧‧即刻跳落去，一陣門口出嚟嗰兩個人係南愚同北賢嚟，跟蹤佢哋。」我轉身，說。


「呢‧‧‧家！？咁突然？！」王達尼有點手足無措地望向樓下。


「快！」


「好！」他這才開始向下爬。


待王達尼離開後，我繼續期待他們會在辦公室裡說些什麼，但已經陷入死寂一片，很久都沒有聲音再傳出來。


我本來有股衝動把辦公室的門打開，看看是什麼一回事的情況，但從他們剛才的話語得知，康林樓似乎有著什麼不能說的秘密。


重點是，不知為何‧‧‧‧‧‧


我沒有把門推開的勇氣。


把真相揭開的勇氣。


所以放棄了那個念頭，而選擇爬回到地面，出發去康林樓且看過究竟。


其實我心中，多少都有點疑惑‧‧‧‧‧‧那三個說話詭異的，不是人。


而是，病腦。


所以，我沒有把門推開的勇氣，同時我亦知道三隻病腦躲藏在人類村莊，是一件很不合常理的事。


「康林樓‧‧‧‧‧‧」我到達那裡，只見到一群孔武有力的村民正站守在大堂外。