《病港》: 135

「救‧‧‧救番我個仔！求下你！！！」昨晚失去兒女的家屬，都跪了在皇政府總部前哭訴，但顯然沒什麼用途。


因為根本，就沒人有能力把他們救回來。


「每次病翼一來襲，都總有呢啲失去咗家人嘅倖存者，你好快會習慣呢啲哀喊聲。」王達尼對我說。


「病翼一捉走咗，啲細路就返唔到嚟？」我望住那群悲慘的家屬。






「嗯，冇一個返到嚟。」


突然，一位衣著光鮮的青年人走到他們面前，他嘴角總是揚住自傲的笑容，說：「真係慘～拎去用吧。」那青年人向天一灑，數十多塊艾幣便落下。


地上發出「叮‧‧‧叮叮‧‧‧叮叮叮‧‧‧叮‧‧‧」的金屬聲音。






「哇‧‧‧」那幾十名失去親人的家屬見到如雨水落下的艾幣，悲痛的心情就突然收下，隨而代之是一張驚愕的臉，接著便專心的伏下撿錢。


「呢個人‧‧‧」王達尼望向他。


我的視線亦移到那富有的青年人臉上，是貴華‧‧‧‧‧‧那個跟我做第一宗不法交易的寶琳貴族。

「繼續執！繼續執吧～！要好好忘記傷痛。」貴華繼續灑起艾幣到天上，任由傷心的家屬去撿錢。


「‧‧‧真係慷慨。」我望住貴華。


「嘛～資本主義下，總有呢啲嫌錢多嘅二世祖。」王達尼向我解釋。


在貴華開始地灑錢的同時，他無意地察覺到一旁觀看著的我，原本面上炫富的滿足表情瞬間轉變，變得帶住‧‧‧‧‧‧畏怕？


「喂‧‧‧你識佢？」王達尼笑著問：「定係你個面具太恐怖，點解佢好似好驚你咁。」






「識佢，仲做過一啲走私交易。」我答。


「喔？真係？」王達尼雖然疑惑，但也很好奇：「你舊客睇落幾富貴。」


「嗯‧‧‧大概。」


王達尼忽然自作主張地上前，向貴華握手：「你好！先生。」

他打算做什麼？


「你‧‧‧你好。」貴華仍然有點畏怯的望住後面的我，再望向王達尼：「佢係你朋友？」







「我生意伙伴姐，哈哈哈哈‧‧‧‧‧‧」王達尼反問：「咁你呢？」


貴華低頭，顯然有住不可告人的秘密。


對，我之間才知道的秘密。


「睇落你哋都好似識咁，就一齊去附近飲杯咖啡喇！」王達尼擅自搭住貴華的肩，並對我招手：「一齊去！」






「唔‧‧‧唔洗啦！」貴華的腔調十分震顫。


「要嘅要嘅，我一直好想識貴華先生你呢啲咁慷慨、大方、有善、無私嘅富人。」王達尼已經半強制地搭住貴華前進。


而我，則抱住雙手跟在後面。


那年輕的胖子好像有點害怕我。


「你平時興趣係啲咩？」王達尼就像捉到了商機一樣，對貴華死握不放。






「係‧‧‧係‧‧‧‧‧‧打木球‧‧‧仲‧‧‧仲有玩下高爾夫球咁‧‧‧」貴華盡量保持鎮靜的答。


「真係高尚嘅興趣呢。」


「我都係走先‧‧‧‧‧‧」貴華十分害怕。


「唔好走，有嘢益你。」王達尼向他單眼。


轉眼間，我們已到達位於新都城三期的一間咖啡廳。入面裝修及格局都十分通明，不過店子沒有坐滿顧客，估計是價格太過昂貴的關係。


「嚟，我要杯即溶咖啡，你要咩？」王達尼一坐下軟軟的沙發上，就問我。


「熱茶。」我答。


「老闆你呢？」王達尼又問貴華。


「我‧‧‧呃‧‧‧」


「就要件蛋糕。」王達尼幫他下了主意。


「蛋糕‧‧‧」我望望價目表，蛋糕在寶琳倖存區中簡直是天價‧‧‧‧‧‧


一件就需要上三、四百艾幣。


王達尼左手兩手，各牽住我們：「可能你哋當中有啲誤會，不過我都想你哋忘記。」他到底在打什麼主意。


「我‧‧‧我忘記唔到‧‧‧‧‧‧」貴華瞳孔開始收縮，彷彿回憶起什麼。


「其實叫貴華先生你嚟，我係想同你傾下生意，或者可以講做認識下你。」王達尼向貴華說。


「有咩傾？我以後唔會再信外面嘅商家‧‧‧‧‧‧」貴華說。


「你每日咁遊手好閒周圍行，肯定好想做出一番大事吧。」王達尼說。


「嘻‧‧‧」貴華彷彿忘了我帶來的影響般，自傲的神色又再回來：「其實我有時候都諗過嘅～例如起間好似咁嘅咖啡廳，睇落都唔錯！最近我睇緊一啲關於成功創業嘅書。」


「你都鐘意睇書？」我意想不到，會看那種重口味東西的人居然也有清淡的喜好。


「‧‧‧‧‧‧」貴華不敢直視我，繼續望住王達尼：「俗語有話，一日不讀書言語乏味，三日不讀書面目可憎啊嘛，嘻嘻。」


「你仲鐘意睇咩書？」王達尼繼續問。


「未病變之前‧‧‧‧‧‧我都幾鐘意一個作者，佢有一本書叫《背叛者》都幾好睇！」貴華說得開心：「可惜～皇政府已經列入做禁書名單之一，因為含有煽動政權嘅意味喺入面。」


「你想睇？我哋可以幫你搵到。」王達尼淺淺地笑著。


「係違禁品嚟！唔洗幫我搵！」貴華急說。


「交喺我哋身上吧，絕對幫到你搵個到想睇嘅小說。」王達尼拍拍貴華的膊。


「犯法嘢，我身為貴族絕對唔會做！」貴華斬釘截鐵地說。


王達尼靠到我耳邊，低語：「幫下口，生意係咁嚟。」


「你唔覺得與別不同嘅貴族好型？」於是我開腔。


「吓？」


「你係唯一做犯法嘢，睇犯法書嘅貴族，你唔覺得咁樣好酷炫咩！？」我反問。


「酷‧‧‧酷炫！！？」貴華大驚。


「唔，講得冇錯。」王達尼點頭附和：「我一向覺得犯法嘅人係型到核爆，無畏咁挑戰政權，呢種男人萬中無一。」


「只係睇一本書渣喎‧‧‧‧‧‧」貴華低聲說。


「已經好有型，連睇閱讀都要睇禁書，呢種叛逆嘅生活態度無人能及。」王達尼說。


「壞壞又帶點帥氣，呢種生活方式嘅男人係最型。」我說。


在你一言，我一語下，貴華的價值觀好像受到衝擊一樣，苦惱地細思著：「真係型咩‧‧‧‧‧‧」


「當然。」我跟王達尼異口同聲地說，且舉起了姆指。


「咁‧‧‧你哋搵唔搵到‧‧‧‧‧‧《哈姆雷特》英文版俾我？」貴華身子傾前，低聲地問：「睇《哈姆雷特》好似比較高尚啲‧‧‧」


「冇問題～冇問題，重點係要支付訂金先。」王達尼高興地攤出手掌。


「‧‧‧要幾多艾幣？」


「二千吧！」


「二‧‧‧二千！！？？」貴華又吃了一驚：「好似太貴！」


「你去一轉倖存區嘅木球會玩，都要洗百幾艾幣啦～少少錢老闆你唔會俾唔起呱。」


「蛋糕、熱茶仲有即溶咖啡，請慢用。」侍應把我們點的東西都拿來了。


「你連食件蛋糕都要洗成三、四百，睇一本書都差唔多。」


不能讓貴華有思考冷靜的空間，於是我又說：「先交訂金一千。」


「呃‧‧‧」貴華慢慢地掏出一千艾幣，好像想要快點脫險：「噫‧‧‧好啦好啦‧‧‧‧‧‧」


「好！多謝你貴華先生，書一到手我哋會派專人通知你。」王達尼急急喝完即溶咖啡，就拉住我走。


一場突如其來的交易，就這麼結束了。


出去之後，我才有空對王達尼發問：「點解？點解要搵呢條友做生意。」


「佢咁鐘意炫富，應該都係個種覺得自己與別不同嘅人嚟，況且‧‧‧‧‧‧搵呢啲貴族嘅水魚生意，仲好過出倖存區搵命搏。」王達尼雙手托在後腦：「喺倖存區做生意頂多會遇到守衛阻撓，但出到去就有機會遇到病者同惡意倖存者。」


「之後落嚟，係時候教下你走私嘅技巧，呢次就當係個經驗。」王達尼對我說。


「好。」我相信王達尼的經驗總比我高，應該會學到有用的東西。


他教我，走私非法貿易品的第一步就是剛才的行為，洞悉商機。例如先找一個適當的客戶，評估貿易品可尋的程度。


像《哈姆雷特》這種著名的外國文學書籍，是很容易找到的，可能只需去其他倖存區的賣書商人或荒廢的書局找找。


接下來，就要評估外出搜索目標物品的路線及風險。這一方面，王達尼在「詭區」的倉庫中，有個人是專家，她能好好規劃好一切。


「介紹你識，」王達尼把我帶到去「詭區」的貨品倉庫，介紹一個人我認識：「佢叫小老鼠寶拉。」


王達尼指住倉庫中，正點算著貨品的一位女生。她矮矮的、穿住黑色的冬季大衣並戴住了冷帽，感覺好凍的樣子。


「寶拉，我新拍擋。」王達尼想想如何介紹我：「就叫佢‧‧‧‧‧‧黑鴉。」


「‧‧‧」她望了望我，繼續點算貨品。


「咁我哋依家要做嘅，就係調查邊到有《哈姆雷特》？」我問。


「係，先搵下區內嘅書局先。」


說這麼多廢話，還是要直接去調查。


寶琳倖存區有住大大小小的書局，而且人流也不少，相信閱讀已經變成了亂世中的一種娛樂，或是心靈寄託。


如我們所料，一般書局都沒有販賣這本外國名著，因為屬違法的。


「應該要出去搵。」跟我找了一整天的王達尼，無奈地搖頭。


「新都城一期個間「哈姆雷特」，會唔會有。」我說。


「個間雖然係乜都有得買嘅雜貨鋪，但係都只會賣正常嘅嘢。」


「我係指，佢個名‧‧‧‧‧‧咁啱都叫哈姆雷特。」


「係喎，可以去睇睇。」


「我自己去交涉吧。」對方是病者平權組織的背後支助人。


「你？」


「要信得過我。」說罷，我就徑自前去哈姆雷特。


「哈姆雷特」四字的霓虹燈，總能大刺刺地掛在店舖上。


大概，是跟瓦安身份地位有關吧。


「我要見你哋老闆，瓦安。」我入去之後，的第一句。


「見‧‧‧老闆？佢去咗打木球，你等等‧‧‧‧‧‧」職員禮貌地說。


於是，我在哈姆雷特中逛了一會兒，直至瓦安回來。


那時，已經是下午時分了。


「老闆‧‧‧今朝有位客人搵你。」職員向回來的瓦安說。


「邊個！？」一貫咬住雪茄形象的瓦安，有點粗獷地問。


「就係佢‧‧‧」職員指住我。


「喔‧‧‧‧‧‧呵呵呵，係啊，後生仔。」瓦安似乎認得我。


「我有啲嘢想問你買。」


「哦～？」瓦安有點好奇，指住辦公室：「有咩入去先講～」「我生意伙伴姐，哈哈哈哈‧‧‧‧‧‧」王達尼反問：「咁你呢？」


貴華低頭，顯然有住不可告人的秘密。


對，我之間才知道的秘密。


「睇落你哋都好似識咁，就一齊去附近飲杯咖啡喇！」王達尼擅自搭住貴華的肩，並對我招手：「一齊去！」


「唔‧‧‧唔洗啦！」貴華的腔調十分震顫。


「要嘅要嘅，我一直好想識貴華先生你呢啲咁慷慨、大方、有善、無私嘅富人。」王達尼已經半強制地搭住貴華前進。


而我，則抱住雙手跟在後面。


那年輕的胖子好像有點害怕我。


「你平時興趣係啲咩？」王達尼就像捉到了商機一樣，對貴華死握不放。


「係‧‧‧係‧‧‧‧‧‧打木球‧‧‧仲‧‧‧仲有玩下高爾夫球咁‧‧‧」貴華盡量保持鎮靜的答。


「真係高尚嘅興趣呢。」「我生意伙伴姐，哈哈哈哈‧‧‧‧‧‧」王達尼反問：「咁你呢？」


貴華低頭，顯然有住不可告人的秘密。


對，我之間才知道的秘密。


「睇落你哋都好似識咁，就一齊去附近飲杯咖啡喇！」王達尼擅自搭住貴華的肩，並對我招手：「一齊去！」


「唔‧‧‧唔洗啦！」貴華的腔調十分震顫。


「要嘅要嘅，我一直好想識貴華先生你呢啲咁慷慨、大方、有善、無私嘅富人。」王達尼已經半強制地搭住貴華前進。


而我，則抱住雙手跟在後面。


那年輕的胖子好像有點害怕我。


「你平時興趣係啲咩？」王達尼就像捉到了商機一樣，對貴華死握不放。


「係‧‧‧係‧‧‧‧‧‧打木球‧‧‧仲‧‧‧仲有玩下高爾夫球咁‧‧‧」貴華盡量保持鎮靜的答。


「真係高尚嘅興趣呢。」