《病港》: 《病港》番外篇──聖誕特輯【警告：跟主線故事無關，請不要多疑】

聖誕，原是普天同慶的日子。

但今年，香港再沒有奢華奪目的燈飾，人來人往的街道、歡樂的歌聲。

冷清的街道上，只有徘徊不斷的「病者」。

它們臉上的笑容，彷彿告訴人類自己才是地球真正的主人。

而人類，只能被迫困在那小小的倖存區之中，苟且偷安。





寶琳倖存區。

「聖誕老人‧‧‧我希望，今年可以過一個平安嘅聖誕‧‧‧」一個小女孩在一顆松樹前擦眼睛。

忽然，半空上亮出閃爍的藍光，空間彷彿扭曲了一般，地面發生了微弱的震盪令小女孩嚇到了。「咿嗖嗖──」一陣迷幻的聲音傳出，一個全身包滿繃帶的男人，從天而降到小女孩面前‧‧‧‧‧‧


「‧‧‧」他落到地面，有點暈眩的望住周圍：「呢到就係‧‧‧‧‧‧第二個時空啊？」






「哇‧‧‧！」小女孩被憑空出現的男人嚇到。


「啊‧‧‧俾人發現到。」那男人愣住。


「你‧‧‧你‧‧‧‧‧‧你係聖誕老人！？」小女孩問。






「‧‧‧我？」那男人數數手指，想了想：「啊‧‧‧係‧‧‧我選擇咗降落依個時空嘅聖誕節。」


「‧‧‧」


「我‧‧‧我係啊！哈佬‧‧‧‧‧‧哈哈。」自稱聖誕老人的男人答。

他心中暗想，這是掩飾自己身份的好籍口。

「聖誕老人！真係出現啊！」小女孩想上前擁抱住對方。

這位聲音跟外表看上去都很年輕的聖誕老人馬上後退：「你‧‧‧你唔掂得我啊！」

「吓‧‧‧？」小女孩愕住。





「因為‧‧‧聖誕老人我‧‧‧‧‧‧」聖誕老人望住自己滿身的繃帶，說：「總之你唔可以掂我啦。」

「咁聖誕老人，你出現喺呢到做咩啊？」小女孩問。

「我‧‧‧呵呵呵！」聖誕老人的招牌笑聲：「我係嚟探訪呢到嘅人！」

「咩‧‧‧意思啊？」

「小朋友，聽講‧‧‧呢個時空‧‧‧啊！唔係，係呢個地方，好似有好多怪物徘徊喎？」聖誕老人說。

「係‧‧‧係啊！聖誕老人！」

「佢哋喺邊到出現？」





「喺呢個倖存區嘅出面。」小女孩指住外面，灰沉的天空。

「倖存‧‧‧區？你帶我周圍睇下好冇，哈哈。」

「可以啊！聖誕老人！」


之後，小女孩便帶住聖誕老人遊走寶琳的生還者倖存區，雖然整條街道都人來人往，但這裡的人都沒有笑容。小女孩先把聖誕老人帶到不太寒冷的商場之中，商場裡頭也是倖存區的一部份，入面的商鋪真的有人在擺賣。


因為，這裡是一個會實行「貨幣政策」的倖存區。

「都幾熱鬧‧‧‧‧‧‧」聖誕老人說。

「係啊，咩都有賣。」小女孩突然問起：「係呢，聖誕老人！點解你要把住兩把遮行嘅？」





「喔，我個邊大雪啊嘛，呵呵呵。」


聖誕老人在小女孩的帶路下，品嚐了這裡獨有的美食──冬節限定新彊羊肉捲餅。

「好似幾好食咁‧‧‧」聖誕老人望住那店子。

「好貴嫁，聖誕老人。」小女孩說。

「貴？」

「要35個艾幣先買得起。」

「艾幣‧‧‧‧‧‧係呢個倖存區嘅貨幣？」





「唔！」

「咁啊‧‧‧」聖誕老人十分猶豫：「有咩方法賺到艾幣？」

「你可以做好多唔同工作嫁，我爸爸媽媽就係幫國王做紡織嚟賺艾幣！」

「呢到居然仲有國王‧‧‧」

「仲有呢？有冇啲‧‧‧‧‧‧打打殺殺之類嘅嘢可以做？」聖誕老人抓頭苦笑。

「有啊，你可以對付出面嘅病者‧‧‧‧‧‧」

「病者‧‧‧？」

「即係喺倖存區外面走嚟走去，成日對住人微笑‧‧‧滿身紅點嘅怪物‧‧‧‧‧‧殺一隻就會有十幾艾幣嫁啦‧‧‧」小女孩低沉地說：「不過‧‧‧佢哋都好恐怖‧‧‧‧‧‧」

「喔~？放心交俾我。」聖誕老人點點頭，步出安全區：「病者‧‧‧‧‧‧」

「聖誕老人！」小女孩惆悵地，望住他的背影。

兩小時之後。

那個時空旅‧‧‧不，那個聖誕老人，他為寶琳倖存區帶來了一份好大的禮物。

「邊‧‧‧邊個做嫁！」、「無‧‧‧無可能！無可能！！」、「神蹟啊‧‧‧‧‧‧」、「呢到至少有三十隻以上嘅病者屍體‧‧‧‧‧‧」一堆看守住倖存區邊境圍牆的守衛，震警地望住外面。

那裡，堆疊住屍山。

不同的是，並不是人類堆砌出來的屍山。

而是由病者堆疊出來的屍山‧‧‧‧‧‧

「真係估唔到‧‧‧‧‧‧有人會研究出呢種複雜到‧‧‧我都可能要諗幾年時間先做得出病毒‧‧‧無可能係由自然嘅因素造成。」那個聖誕老人，則站在屍山一旁，嘆氣：「真係個可悲嘅時空‧‧‧‧‧‧」

事後，聖誕老人獲得百多元的艾幣，真的陪了小女孩吃那新彊羊肉捲餅。

但聰明的聖誕老人吃一口，就覺得味道怪異：「根本係狗肉‧‧‧」

「唔？」小女孩望住聖誕老人。

「冇‧‧‧冇。」聖誕老人望住小女孩，說：「細路女，送俾你。」

「你送把遮俾我‧‧‧？」小女孩接過一個漆黑的傘子。

「佢叫夜行傘‧‧‧當你有危險，就用佢嚟對付敵人。」聖誕老人微笑：「佢有你以想唔到嘅強大力量，就當‧‧‧‧‧‧係我送俾你嘅聖誕禮物。」

「多‧‧‧多謝‧‧‧‧‧‧」小女孩接過傘子，感覺比起一般輕身的傘子還要重上幾倍。

「好啦，我係時候要走。」聖誕老人跟她道別：「下次再見，今日都未參觀夠。」

「好！下次再見！聖誕老人！」小女孩歡愉地，跟聖誕老人道別。

然後，他就在這個時空‧‧‧‧‧‧消失了。

小女孩回家後，把今天的奇遇告訴家人，家人就是說她傻了。

她不甘心，想要聖誕老人再次回來，便把那傘子插在當初遇到聖誕老人的松樹下許願：


「希望下次再見到你啦！」‧‧‧