《病港》: 109

在我回答完後，街上掀起了一陣狂風，吹拂著我黑長的大袍和凌亂的黑髮。


我就這般，離他們兩個而去了。


時代，總不會讓人的步伐停下。


「佢哋返嚟‧‧‧‧‧‧」一進小學閘口，守門的不良人已經向裡面傳話。






我把病者平權組織成員夏當押到去操場中央，左右兩邊各站住了行動結束後回來的不良人，他們不屑地打量著我帶回來的夏當，並討論著。


「佢係邊個？」身為不破尚秘書的凱銘，第一個上前問。


「佢係病者平權組織嘅成員，喺街市發現‧‧‧」我說下去：「佢同一隻病腦喺入面到住。」






「明白，暫時送佢入監先。」銘凱「啪」一下手指，兩名手下隨即上前把夏當帶走。


而夏當基本上已經失去思考，眼神放空，口中不斷喃喃地說：「大廚‧‧‧大廚‧‧‧‧‧‧大廚‧‧‧你哋‧‧‧殺咗‧‧‧‧‧‧大廚‧‧‧」


「佢之後會點？」我向銘凱問。






「我哋會同佢玩啲小遊戲，喺佢嘴巴撬出一啲有用嘅情報。」銘凱托一托自身黑框的眼鏡。


「小遊戲？」


「一啲‧‧‧足以令到正常人精神崩潰，變傻大笑嘅遊戲。」


「明白～」


「點解得你一個返嚟？」銘凱望我周圍，也不見我的隊員。






「‧‧‧‧‧‧遇到病腦，全軍覆沒。」


銘凱稍為抬高了頭，盯住我：「得你一個，生存？」



「嗯。」


「跟我嚟，死咁多人‧‧‧‧‧‧要向不破尚佬大回報。」銘凱疑惑一陣後，跟我說。


如常地，不破尚只會待在小學的最高層，要見他也只有到這一層才有辦法。






喝住一樽陳舊威士忌的不破尚，沒有在意到我們，只閉住眼睛安坐在佛陀像上休息。


那是，回憶的神傷。


「今日出征情況點？」待我們來到面前，他才緩緩地問。


「一切正常，但鳥嘴老師個一組‧‧‧稍為出咗啲意外。」銘凱如實地回報。


「意外？」不破尚依然閉住眼睛。






蠟燭幽幽的火光映射在各人臉上，更顯悠意。


「佢哋遇到病腦同病者平權組織嘅成員，得番鳥嘴老師一個生還，另外捉咗個平權成員返嚟。」銘凱說。



不破尚倏然打開眼睛，望住散滿於地上的金幣紙鈔：「嗯？咁要去睇下。」


前去的路上，不破尚跟銘凱問起一些事情，跟在後面的我也一份兒聽了。


「銘凱，病者平權組織‧‧‧‧‧‧喺邊到嚟，好似聽講過。」不破尚說。






「係寶琳倖存區一帶嘅地下性組織，根據嗰一邊嘅諜報，佢哋主要以幫助病者獲得平權而聞名。」銘凱答。


諜報？原來那一邊，也有放置到間諜。


似乎不良人‧‧‧‧‧‧他們很拿手放置間諜到別人的倖存區之中。


「點解寶琳個班畜生會出現喺呢一帶～？」不破尚語氣中，隱約帶住不滿的情緒。


「暫時唔清楚，一陣可以盤問。」銘凱答。


夏當被人監禁的地方在四樓，入面原本的課室都被改裝成監獄般的地方，有住簡陋的鐵欄杆囚禁住俘虜，包括當初進攻大本營時所拐走的平民，如今都死餘四、五個。


要見夏當，就必須經過囚牢。


入面的俘虜幾乎都是骨瘦如柴、損手爛腳、目無神情，既得不到食物足夠的營養，又長時間受不良人的玩弄折磨，能等待的‧‧‧‧‧‧就只有死亡的那一天。


「鳥嘴老師‧‧‧」在前頭的不破尚，突然叫住我：「你知唔知，一個監獄對社會係有住一種意義，就算係我哋呢種小型據點。」


「權威？」我說。

監獄其實也只不過是當權者的武器之一。


「佢仲代表住尊嚴，同優越感。」不破尚無故地跟我搭起閒話：「俾喺呢種賤民，我哋更有尊嚴，可以喺佢哋身上拎到優越感‧‧‧‧‧‧同時，會警惕自己一言一行，否則都會變成同佢哋一樣嘅階下囚，失去原本應該有嘅嘢。」


「明白。」他，是在警告我嗎。



「已經到。」銘凱停下來，進入到一間課室內。


一間空空如也，四面是牆的課室。原本玻璃窗的位置，都被人用木板和釘子封住，使得關進去的人不見天日。


而被關進去一小時也沒有的夏當，還是保持住那呆滯的神情，喃喃自語：「大廚‧‧‧我朋友啊‧‧‧大廚‧‧‧‧‧‧你哋殺咗大廚‧‧‧」


「佢講緊乜。」不破尚望住抱腳縮在一角的夏當。


「大廚係嗰隻病腦嘅名。」我答。


「仲唔拷問？」不破尚冷淡地說。


「係。」答畢，銘凱叫了兩名不良人進來，幫忙進行逼供。


兩名不良人分別捉住夏當的左右兩臂，此舉似乎是為防他會掙扎亂動，然後銘凱踏前凝望夏當，先問出一條問題：

「你叫咩名？」


「大廚‧‧‧你哋殺‧‧‧咗大‧‧‧廚‧‧‧」


「你叫咩名？」銘凱再問一次。


「大‧‧‧廚‧‧‧唔好‧‧‧死‧‧‧唔‧‧‧呀啊啊啊啊啊！！！！」夏當說到一半，就瘋狂地大叫起來。


原來看似文質彬彬的銘凱，已經狠辣地徒手拗斷夏當的右手無名指，「格噠」清脆的斷指聲，令人隱隱作痛。


「呼啊呀呀！！！‧‧‧媽啊‧‧‧呀啊！」夏當的斷指，猶如僵直了般不能彎伸。


「第二隻。」銘凱這次對夏當的左手無名指用力一拗。


「格噠」，又是一下清脆的響亮聲。


夏當已經痛得眼水狂流，瘋狂慘叫‧‧‧‧‧‧


「所以，你叫咩名？」銘凱再問一次。


「夏‧‧‧夏當‧‧‧！！」他連站，也站不穩，要兩邊的不良人扶持住。


「你識跟住遊戲規則玩就好。」銘凱禮貌地微笑：「唔會太痛苦。」


「啊‧‧‧嗄‧‧‧呀‧‧‧嗄嗄！！唔好啊‧‧‧」夏當眼球在顫動。


銘凱捉住他的左手中指，說：「第二條問題，你嚟自邊個組織？」


「我‧‧‧我嚟‧‧‧嗄‧‧‧‧‧‧自‧‧‧病‧‧‧病者‧‧‧平平權組‧‧‧織‧‧‧」


「答得太慢～」



「格噠」


接下來，銘凱的拷問進度都以幾何級上升。

「第三條問題，你點解會嚟呢一區。」

「因為‧‧‧上頭先我哋‧‧‧搵‧‧‧‧‧‧搵一個‧‧‧可以令大廚‧‧‧安心做病窩嘅‧‧‧地方‧‧‧！」


「第四條問題，點解唔喺寶琳區內搵。」

「‧‧‧因為，有‧‧‧有個區內嘅病獵公會‧‧‧不斷狙擊我哋‧‧‧‧‧‧」


「第五條問題，你有冇同黨喺附近。」

「有‧‧‧有！」


「第六條問題，你同黨喺邊？」

「佢‧‧‧佢哋會喺‧‧‧附近一帶嘅教堂‧‧‧實際‧‧‧我‧‧‧我！真係唔知！！」


「第七條問題，」銘凱問這條時，稍稍停了停，像是思疑了幾秒才繼續問：「啱啱除咗你之外‧‧‧‧‧‧仲有冇人生存。」

「有‧‧‧有啊！！仲有佢！」夏當眼睛激瞪住我，說：「仲有一個男一個女嘅！！！」


「‧‧‧」面具下的我怔住了。


「一男一女？」銘凱選擇深入地問。


「係‧‧‧大約十六、十七歲左右‧‧‧‧‧‧五‧‧‧五觀好精‧‧‧緻！」夏當大喊。


銘凱轉身，望住了我。


就連同一直抱手，站在旁邊觀察的不破尚也斜瞧住我。


氣氛，一瞬間改變。



我‧‧‧當然不會像個白痴一樣，急著為自己解釋。


「點解我要咁做？」我反問。


「實‧‧‧實際原因‧‧‧我冇聽清楚‧‧‧‧‧‧」夏當以哀求的聲線說：「係真嫁！信我講嘅嘢！！」


「陷害人好簡單，相信人好難。」我淡然地說：「而且‧‧‧我冇理由要帶一個，見住公仔同娃娃都仲生還嘅戰俘番嚟。」


「你‧‧‧你打橫嚟講！」夏當馬上反駁。


銘凱點頭，亦開始同意我的觀點。


「鳥嘴老師～對於自己友軍同敵軍嘅說話，我哋當然要無條件相信你嘅說話，因為相信自己人係理所當然。」不破尚終於開腔，說：「但係一個跪喺痛楚同求生之下嘅人，都好難會有心意去構建出一個謊言。」


「所以‧‧‧‧‧‧你選擇相信嘅係？」我望向不破尚。


不破尚合上眼睛：「呢段時間，我觀察你好耐‧‧‧我始終望唔透，你面具底下嘅渴求。」


「‧‧‧」


「喺亂世之下，每個人都總會有自己嘅目的‧‧‧‧‧‧唯獨係你。」不破尚走到面前，凝望住我近乎要貫穿我的靈魂：「或者，係你嘅鎖心術太過厲害？」


「你嘅讀心術，總有一日會讀得到。」我說。


不破尚依然凝望住我，不過這次比以往更為長久、更為深入，並即將做出一件令自己後悔的事情。


「我已經唔想再猜疑你嘅心思，」不破尚的眼神卸下了戒備，說：「你可以正式加入不良人，即使你同滿天一樣‧‧‧‧‧‧係一隻我控制唔到嘅棋。」


「啊‧‧‧嗄‧‧‧」夏當望住這情景，不敢吐出任何一句。


「不破尚大人，你選擇相信嘅係鳥嘴老師？」銘凱問。


不破尚繼續走到一旁背靠黑板，閉眼、點頭。


「噠格‧‧‧」斷指聲。


「‧‧‧哇呀呀呀呀啊！！！！」夏當痛苦地慘叫。


「講大話嘅懲罰。」銘凱又拗斷了夏當一隻手指。


「我‧‧‧我咳‧‧‧我冇呀！！」夏當苦苦哀叫。


「又講？」


最終，對夏當的拷問以斷了七隻手指作結。


痛楚已經混入他神經的每一處，就算拷問結束了還是不停地痛叫著，聲音慘絕人寰。


離開四樓後，銘凱說我已經通過不破尚的觀察，因此能夠成為正式的不良人一份子。


他把我帶到一樓的紋身室對我說，正式的不良人並不是代表一般我見到在大閘守門、在外面搜索、在前線戰鬥的那一種不良人。


而是具有才能、智慧、實力或是技術，且對不破尚極為忠心，通常他試驗和觀察的人，才能當上。


「我哋一般會用紋身嚟做標記，一般同正式嘅不良人分別。」銘凱手持紋身工具，對準我右臂：「好似我哋呢種正式嘅不良人成員，一般喺外面遇到困難我哋都會派出支援去幫你、對政策有提出建議嘅權利，但一切由不破尚大人作定倫，而且有槍械使用權。」


我說：「難怪‧‧‧‧‧‧之前有不良人遇害，你哋都唔派人幫佢。」王白蛋就是最好的例子。


「我哋冇時間，冇資源去救一啲無用嘅人。」銘凱開始在我右臂上紋個標記。


「而且你記住，」銘凱提醒我，說：「一旦紋咗之後，你就會係所有倖存區嘅公敵，隱藏好自己嘅標記。」


「某程度上嚟講‧‧‧呢個標記，就係代表不良人嘅幹部？」我望住自己右臂逐漸成形的標記。


「你可以咁理解。」銘凱說下去：「一般‧‧‧貼身看守住不破尚、提出政策建議、去其他倖存區做間諜、侵略指揮呢種工作，都係由呢啲人勝任。」


「‧‧‧咁，你認得一個叫馬德梵嘅人？」我想起他，被不良人派來大本營的間諜。


「認得，佢同佢老婆對不破尚大人，都有住極其瘋狂嘅狂熱同忠誠。」銘凱訴說著：「所以，當初被派去大本營做間諜。」


一會兒後，在我右臂上一刺一刺的痛感消失了，意味住紋身已經結束。我走到鏡前凝望自己臂上，正式不良人的標記。


我把深黑的袖袍拉下，將其掩蓋住。


離成功，又近一步了。