《病港》: 64

「老師！」公仔和娃娃都在我身後，十分驚恐。


我握緊雨傘想要將它從嘴部拉出，卻如同深入泥漿一樣緊緊貼住，任我多大力也無用。


「老‧‧‧老師‧‧‧我呢到，有把刀‧‧‧」公仔突然從衣袋中，取出一把小軍刀給我。


「點解你‧‧‧」我有點愕然，但還是立即接過公仔手上的小軍刀，往病嘴身上狂刺！






可任我刺得多深，傷害都完全沒有用，病嘴它嘴巴依然啜緊住雨傘的前端，對人亂揮亂抓。


然後我又用利用軍刀從右刺入它的臉頰之中，這一刺後，又被它吸收了武器般，軍刀再也扯不出來。



「唔好再同佢糾纏，我哋上去。」我對身後的公仔娃娃說。






如果病者的生成之中也有失敗品的話，病嘴肯定就是其中一個，因為嘴巴一旦啜舔住的東西，就要花費很大的力才扯得出來。


我才沒有時間去拉出它正舔住的武器‧‧‧‧‧‧


現在我手上只餘下發著光的電筒，上回到G層之後，我第一件事便是先跑回去瑜小六他們四人所在的辦公室，可去到那處的時候‧‧‧‧‧‧他們都已經不見蹤影。






「啊呀呀！！！」


「射佢啊，阿文！釘槍啊！」


「小六‧‧‧跑呀走啊走啊！！」


「啊啊啊啊！！！！」


「‧‧‧我講咗啦！我早知同你哋講‧‧‧‧‧‧我見到佢！！」






樓上發出他們四人的叫聲，及奔跑聲。


「佢哋點解唔跑出醫院‧‧‧反而跑去樓上‧‧‧‧‧‧」公仔望向醫院外面，心中極是渴望逃出。


「隻大眼‧‧‧應該係喺出面行入嚟，之後發現埋大堂辦公室嘅佢哋‧‧‧‧‧‧最後尖叫。」我推測。


「咁我哋‧‧‧走？」公仔問。


「我唔迫你，如果你想走，就依家帶你個妹‧‧‧」我望住公仔空無一人的後方，心中一寒：「公仔‧‧‧‧‧‧你個妹去咗邊。」






「妹‧‧‧妹？」公仔立馬轉身，十分愣然：「娃娃！！？」


「佢唔見咗！？」


「肯定係我哋跑太快，周圍又黑又多障礙物‧‧‧佢跟唔上嚟‧‧‧」公仔握緊拳頭。


「咁‧‧‧」


「搵返我個妹先‧‧‧！！老師‧‧‧求下你！」公仔望住我。







「‧‧‧」我合上雙眼，思考幾秒，說：「嗯，我哋返轉頭。」



只希望，小六會帶領到他們脫離危險吧‧‧‧‧‧‧