一個遇上女神，再忘記她的故事: Chapter 61

「喂，Tracy，我係Henry呀。」我致電給Tracy。
 
「嗯你好嗎?」Tracy語帶尴尬地回答。
 
「多謝你嗰日剔左我個名，我想正式約你去街。」
 
「好呀，星期六晚吖。」
 
「好，你想去邊度?」
 




「去一處充滿住我對愛情幻想既地方，如果你真係同我有緣，你應該估到喺邊，如果連咁都估唔到，就當我地咁多年之後都係有緣無份。」racy說完便掛斷了線。
 
一處充滿愛情的幻想的地方，會是那裡?
 
Tracy一直幻想著我可以成為她人生中最後一個男人，將全副心力放在我身上，但我卻不爭氣的讓她離我而去，那充滿幻想的地方，會是那裡?
 
星期六晚，一個在平常人眼中十分尋常的星期六，卻似乎影響著我的一生。我來到這個地方，一個我令Tracy從新相信愛情的地方，她當日在這裡攬著我，告訴我她對我的心跡，而且亦勇敢地表達愛，以及教曉我甚麼是愛，我又怎會不知道這地方就是尖東海傍?
 
雖然不用估，只要憑我認識Tracy，我已經知道相會的地點，但此刻我卻忐忑不安。畢竟我跟Tracy分手，已有六年的時間，能否利用這個機會去修補我兩的關係，實在是未知之數。
 




但如果一個最愛我的人，第一次在我手中讓她溜走，而上天再給我多一個機會，我會不緊緊捉著她嗎?
 
如果當日我在APM肯不顧一切捉緊Tracy，好好說清楚，或許今天我們已經成了夫妻，已經開始計劃生一個小朋友，又或者一齊為供樓而甜蜜地節衣縮食，又或…後悔二字便不會刻在我心坎…
 
離遠看見Tracy行過來，我知道我猜中了，我們的緣份，尚有一線機會可以挽回。
 
「Tracy。」我叫著她。
 
啪!
 




Tracy沒有回應我，只是走到我面前狠狠地打了我一記耳光，然很凶巴巴的看著我，我實在不懂回應。難道她是想報復嗎?如果是真的，那倒好，我曾經負了你，你想報復也是理所當然，而我亦十分甘心。
 
但慢慢，Tracy開始由仇恨的眼光中滲出淚水，更鼻紅紅地哭了。
 
「衰人!衰人!衰人!」突然Tracy撲進我懷裡，不停的打我胸膛。
 
「Tracy…」
 
「你個衰人，你知唔知我好掛住你，你做乜唔搵我，我等你搵我等左六年呀!點解你個衰人改左電話唔同人講呀。你係咪真係要掉低我一個呀?嗚…」Tracy邊哭邊說。
 
「唔係呀Tracy，我有試過搵你，但你都改左電話呀。」
 
「死蠢，我嬲死你呀!我以為改過個電話等你搵我唔到我就可以重過新生活，我呢幾年一直努力做野，諗住可以做一個女強人去忘記你，但我唔得呀!忘記唔到呀!點解我要忘記唔到你呀!點解我要咁愛你呀衰人李智傑!點解你唔可以出啲力去搵下我。我就係諗如果我改埋電話你都可以搵到我我地係真係有緣，如果你係愛我點解你唔盡力啲搵我呀。」
 
「對唔住，我當初諗住怕迫得你太緊，唔敢搵你。」




 
「我有講過介意咩?你以前咁既Background我都冇介意過，點解你唔先同我道歉呀死蠢死蠢死蠢!」
 
「對唔住呀…我係應該做主動搵番你…」
 
有多少人與愛侶吵架後，礙於面子不敢跟對方道歉?又有多少段感情，因為那些該死但微不足道的面子而消失得無影無踪?如果可以再選擇一次，如果可以再從頭來一次，你會否用盡一切的努力，去跟那個她說一聲對不起，再緊緊捉著她的手和她渡過下半生?在一段關係面前，自己的面子，算甚麼?
 
「你知就好，我呢幾年淨係拍過下散拖，諗住有個伴重新開始過，點知我望住佢地，就諗起你，到最後我都唔敢拍拖呀!你點補償我呢六年既青春呀?」
 
「對唔住，真係好對唔住，我以後唔會再走，如果下次你走我一定唔比你走!守行為都唔比你走，留案底都唔比你走，對唔住呀!」
 
「鳴鳴…Henry，我真係好掛住你呀!」
 
「我都係呀Tracy…」
 




原來，六年的空白期，並沒有把我倆的感情減退半點，反而再重逢，令我們更珍惜對方。
 
再沒有多餘的對話，只餘下一對闊別六年的戀人緊緊地相擁，再次近距離感受大家的呼吸、大家的心跳、大家的體溫，以及…大家的愛…
 
我愛你，Tracy…就算再有多少個CaRmen在我身邊，我最愛的，也是你…
 
「Tracy…」
 
「嗯?」
 
「不如我地喺番埋一齊吖…」
 
「你指係我做番你女朋友?」
 
「嗯。」




 
「我唔會再做你女朋友!」突然Tracy把我推開。