一個遇上女神，再忘記她的故事: Chapter 59

是晚由於工作關係，我比較晚了出席，佈局大概是先進行一份簡單的晚餐，再二十男二十女分成二十組，用三分鐘時間認識對方，三分鐘後男方便會離席去下一個女性的桌子繼續交談。如果在三分鐘內你對女方有意思，可以在預先給你的備忘紙上剔上女生的名字，如果女方同時對你有意思，那麼大會便會把雙方的聯絡方法交給對方，一切就是這麼簡單。
 
如果一切就是這麼簡單...
 
我的編號是五號，先跟同屬五號的女生交談，但就在我打算脫掉外衣開始時，我在背後看見一個女生。這個十五號的女生深深吸引著我。無論她的神態、外表、舉手投足，都像告訴我這是我一直要找的真命天女。甚至乎為了捉緊與她傾談的短短分鐘，我可以放棄我跟另外十位女性交流的機會...
 
「喂你係咪黎Speed Dating架?」
「做媒都做得Pro啲吖。」
「你唔想識女仔你咪唔好黎囉!」
「都唔知你做乜粒聲唔出。」




「喂你係聾定啞呀，我冇諗過黎Speed Dating會有啲咁差既Experience囉。」
 
接連跟十個女性接觸，無論她們說甚麼，我都無動於中，甚至乎她們說完後，我都沒有給予任何反應，不管她們說甚麼問甚麼，我也保持沉默，那怕是給予一個最敷衍的微笑。因為我在這十個三分鐘，不停構思著如何跟這女孩打開話匣子，只要我在第十一個三分鐘能夠成功，我不介意前十個三分鐘白白浪費。
 
有試過遇到你的真命天女嗎？如果從來一次來個最有準備的表白，你會花多少心思去構思那個表白的台詞？如果真的覺得一句我愛你便可以把她弄到手，那你愛她嗎？又對得起自己對她的感情嗎？
 
我的行為漸漸吸引到別人的眼光，但我不介意，我完全知道自己在幹甚麼，只要在第十一個三分鐘可以成功，就算別人的冷眼側目我也可以一笑置之。
 
終於，第十一個三分鐘，來了...
 




「我叫Henry，今年廿八歲，而家係喺一間奶粉生產商度做Key Account Manager，我呢三年黎都冇拍拖，你可能會問點解，我希望我呢三分鐘可以講清楚比你知。
 
十一年前我遇上一個女仔，我好愛佢，事事以佢為先，但後尾原來佢一直都冇鍾意我，我受左好大打擊，嗰種崩潰到而家我都瀝瀝在目。直至到我大學二年班，我認識左另一個女性，佢叫Tracy，亦即係我既初戀，佢教曉我乜野係愛，佢既愛令我淋浴喺一片溫暖之中。但好唔好彩，原先第一個女仔再次出現，拆散左佢地。
 
我本身以為呢個女仔會因為同前男友分手有所教訓所以改過自身，所以就同左佢一齊，但我竟然笨到信佢第二次，而第二次，同第一次一樣，佢根本冇鍾意過我，只係將我當做一個開玩笑既對像。同佢分左手後，我好後悔，我想過死，亦都試過死。但大難不死既我開始重新去諗點樣定義愛。原來要人去愛，要去愛人，首先要愛自己，呢幾年我開始為自己打算，我想番一個好男人。
 
其實我都有諗可能我同我第一個女朋友---Tracy之間已經無緣，但我都想好好打理自己，等有一日我再見番佢嗰陣令佢對我有信心，又或者如果可以比我遇到下一個Tracy，我都可以知道點樣去愛。經歷過咁多，我真係好後悔，我唔係後悔當日點解要比CaRmen呃兩次，因為呢啲都係我自己攞黎。然而我最後悔既，係點解當日喺APM，面對住有理說不清既誤會，我都會比最愛我既人離開我，如果有得比我揀多次，我一定會喺嗰陣捉緊佢隻手，咁成個結局就會唔同晒。但發生左已經發生左，冇得再番轉頭。
 
如果你聽完我講我既情史，仍然有興趣繼續同我保持聯絡，你可以喺張紙度剔我個名。我為我發生過既野道歉，亦都想同你講，我每一日都好掛住你，Tracy。」
 




坐在我面前的，正是Tracy!