一個遇上女神，再忘記她的故事: Chapter 24

Tracy說完後，我靜默了很久。套用回我的情況，我知道CaRmen的種種缺點，但我卻仍然愛她，愛情真的是不能用科學或對錯去解釋的東西。
 
雖然我仍未能放開CaRmen，但我終於明白了一個道理，愛情是一個無法問「點解「的題目。「點解佢唔鍾意我? 」 「點解我對佢咁好佢都要Hurt我? 」 「點解出盡力都追唔到佢」 「點解我放唔低佢? 」，如果愛情真的是可以解釋的話，那愛情便會成為一門學科了，你有見過有大學學位是Bachelor of Love Affairs嗎?既然飽讀詩書的博士和研究人員也不能摸索出一個有根據的愛情學派，更何況是我們這些平凡大眾?
 
又或者，所有「點解「都可以簡單的用一句「因為」去解答，因為無緣…
 
分手過後、追求失敗、戀情無疾而終等等，如果可以大徹大悟的用「無緣」來作為故事的句號，人生便會少了很多痛苦。
 
有很多人只是口裡說無緣，然而，又有多少人甘心的打從心底說一句「無緣」而能夠坦然放手?口裡說不，身體卻很誠實…
 




徹底地接受無緣，才是最有果效的忘情水。破執…滅苦…
 
「我明白你既意思，但我未Ready好…」一番思量後，我回答Tracy，我不能說我們現在無緣，只能說…時機未到…
 
「我明呀，我都唔expect你會為我做啲乜野，放心喎，我真係一啲唔開心都冇。喂，夜喇，行去搭車喇…」Tracy邊走邊說。在我眼中，她真的是一個很成熟的女生，居然可以若無其事的繼續我們餘下的行程。
 
「唔好因為唔接受我而覺得唔開心，我冇expect你接受我，反而我講左出黎之後仲舒服左添。」臨分別前，Tracy補上一句。然而從她面上，真的找不到一絲落寞的痕跡。
 
回到宿舍，我便將Tracy的事情告訴軒仔。
 




「達哥真係神機妙算，果然比佢估中，咁你諗住點?」軒仔在宿舍邊打機邊跟我說。
 
「我都唔知呀，無端端有個女仔話鍾意我，仲要係咁認真，唔好話未試過吖，諗都未諗過呀?」我回答。
 
「咁但係你聽佢講完之後你開唔開心吖?」
 
「少少啦，但又唔係開心到中頭獎嗰隻，咁我始終放唔低CaRmen吖嘛。」
 
「咁又係，我地搵下達哥問下計。」
 




有骨氣…
 
「達哥，你今次真係勁喇，咁都比你估中Tracy真係鍾意Henry。」軒仔甫坐下便立即說。
 
「大膽!我達哥邊係靠估，我係神機妙算，算無遺計，智多星加文曲星托世。由於我太勁既關係，你地以後可以叫我神算達、智多達又或者文曲達，各位兄弟，點睇?」達哥聽到「估」字便怒目圓睜向我們怒哮，相信是近期打機未能破關而影響心情。
 
「係既神算智多文曲達，咁以你高見Henry應該點做?」軒仔問。
 
「Henry仔，你，鍾唔鍾意Tracy?」達哥就如一個有份量而慈詳的長者，微仰下巴問道。
 
「我都唔知呀，佢同我示愛我係有少少開心既，但又唔可以話好開心。」我回答。
 
「唔，如果係咁，我文曲達贈你一句四字真言。」
 
「係咩呀?」




 
「隨遇而安。」
 
隨遇而安，多麼言之無物的四字成語，遇到問題時，人當然要隨遇而安，難道要隨遇不安嗎?但苦修中國四書五經的達哥既然有這句看似言之無物的批示，我便只好跟從他的意見，不作任何舉動，且看後事發展如何。