「無啦啦多左幾個家姐同細妹 Season 2」: 欠缺

二家姐咁就走咗。

不過睇到佢最後個笑容，應該唔會有乜問題啦？

希望佢今次呢個trip可以玩得開開心心，真係可以散心啦。

大家送完二家姐機之後見到時間都唔早，所以各散東西，各自返去自己屋企休息。

第二朝，我地六個又係學校門口見到，不過Ellen呢，就變到隻熊貓咁，仲呆下呆下。

我：「嘩你咁大個黑眼圈既？尋晚好夜訓咩你？」

Ellen：「啊…四點先訓…好攰…唔想講野…」

Sarah：「嘩四點？你搞咩搞到咁夜呀？」

Ellie：「佢尋晚整理緊陸運會D文件，又睇緊謝師宴同畢業禮D野所以咪咁夜先訓囉。」

Ellen：「仲有好多好多活動想搞…」

Yui：「我地唔係話今日放學先再一齊做架咩？…」

Ellen：「無所謂啦…反正都做好囉係咪先…咁我地今日放學咪可以早D返屋企囉哈哈…」

Anna：「哦~~估唔到你係咁偉大架喎，居然會犠牲自己既休息時間。

」

Ellen：「哈哈…我仲犠牲埋我既美貌添呀，阿明我係咪抵讚先…有無咩表示先…呵…

」

Ellen咁無精神既樣我都係第一次見，陰公囉真係。

我：「嗯，真係辛苦你啦，好抵讚。

」

我一邊講一邊輕輕摸佢個頭，但佢睇落好似唔太受落，扁唒嘴。

Ellen：「吓…得呢D咋…好hea囉…錫啖都得掛…

」

我：「喂呢度學校黎架…咁多人望住…點錫呀…

」

Anna：「係喎，話時話Kathy呢？佢唔係同你兩姐妹一齊返黎？」

Ellie：「啊，Kathy佢…佢話想自己一個諗清楚，所以佢呢排可能都唔會返學。」

我：「諗清楚？有乜要諗清楚呀佢？」

Ellen：「好多野啦總知，你唔洗擔心，佢係我度好安全既。」

我：「我無擔心，只係好奇啫，有你係度我好放心，你係我地最可靠既學生會會長嘛。

」

Ellen：「嗯，唔講咁多啦，我而家真係好想訓覺，返上去班房訓陣先…

」

佢講完就一個人行去樓梯既方向，大家都係佢後面跟住佢，怕佢會行行下暈低。

點解我以前做學生會會長無佢咁辛苦？話咁快又就到lunch time，我呢D學生哥又係時候諗下食乜做晏就好。

唔…都係去睇下Ellen先再諗食乜啦，佢今朝個殘樣實在太令人在意。

黑仔：「喂阿明，食乜好？阿希話佢今日終於肯找返學會接力條數喎，一於食窮佢啦。

」

偏偏係今日先找數？黎得唔係時候喎，用乜理由推佢地好呢…

我：「喂今日Kathy無返喎，佢都有份跑你唔係諗住唔請佢咁衰仔呀？

」

黑仔：「你咁都唔明？個衰仔想等Kathy返黎用找數做籍口約人食lunch呀。

」

阿希：「嘻嘻，識做啦你兩個，而家找咗數先，到時唔好煩我呀。

」

我：「唔…你講到咁，搞到我好想玩野添…

」

阿希：「你咪a你，我報警tim a。

」

我：「哈哈咁岩我今日有其他緊要野做同唔到你地食，咁我個餐都留返遲D食啦。

」

阿希：「契弟你係咪同我玩野呀。

」

我：「唔好咁激動住，我lunch time真係有野想做先，唔好諗到我咁衰先得架。

」

阿希：「你係先好講呀，咁遲D先請你兩個啦，今日繼續各自各俾！

」

黑仔：「屌又無free lunch食啦？

」

呼…總算推咗佢地…

之後無耐就打鐘，正式宣布午飯時間開始。

大家都向樓梯既方向湧去，而我就停係Ellen班房前面，一方面等人流散去，另一方面都想接Ellen。

不過就算人流已經散得七七八八，我都係未見到Ellen行出黎。

Anna：「喂傻仔明，等緊Ellen？

」

原來係我等Ellen既期間，Anna同Sarah都已經黎咗，而Ellie同Yui都係旁邊既班房出咗黎，大家都係第一時間問我Ellen係邊。

我：「唔知呀，我一打鐘就行過黎，但到而家都未見佢出黎。

」

Sarah：「果個會唔會係Ellen？伏係檯度訓覺個個。

」

Sarah指向Ellen班房，入面又真係有個長頭髮既女仔訓緊覺，不過好衰唔衰睇唔到個樣。

我地唯有行入去睇，一睇，真係佢，行近d仲可以聽到佢鼻鼾聲。

平時咁好精神，咁好活力既Ellen居然攰到扯哂鼻鼾…

我地有嘗試過叫醒佢，不過都係唔成功，係咁聽到佢話「俾我訓多陣啦」。

我：「點算好呢？我唔想由得佢訓，怕佢一陣訓醒肚餓又無野食。」

Sarah：「um…帶佢去學生會室，我地買野食返黎，到時再試下叫醒佢？Yui我地入學生會室應該無問題架可？

」

Yui：「如果有學生會會長在場既話應該無問題既…不過我地點帶佢落去？佢而家訓到咁…

」

Ellie：「去拎部手推車返黎？」

Anna：「唔洗咁麻煩啦，我地一人抬一隻手腳咪得囉。」

Sarah：「咁好似好肉酸wor，俾人見到唔係咁好掛。」

正當佢地開始為點樣帶訓到半昏迷狀態既Ellen落學生會室而討論既時候，我做咗一個決定。

我：「唔洗啦，我揹佢咪得。」

聽到我咁講，佢地幾個既第一反應都係吓咗出聲。

Anna：「揹佢？傻仔明你？

」

Ellie：「唔好夾硬黎呀阿明，我家姐都好重下架。

」

我：「可以重得去邊吖，唔好講咁多啦一於咁話，再唔快D既話Lunch time就會過架啦，行啦我地。」

「揹個一段路仔，我呢個男朋友再唔掂都做到既。

」

佢地聽完之後再無阻撓我，而我都係Sarah佢地協助下揹起咗Ellen。

都唔係好重啫，都係重過個書包多d。

搞咗咁耐，我地六個終於可以離開班房，仲兵分兩路，一team去學生會室，另一team就去買野食。

我揹住Ellen，自然就係學生會室team啦，同行既仲有Yui同Ellie。

一去到學生會室，我就輕輕放低Ellen係梳化上，自己就坐係佢旁邊。

行咗咁多層樓梯，搖得咁犀利佢都仲可以訓到咁冧，佢真係好野。

佢訓到咁冧個樣，原來都幾可愛，同平時總係嘈喧巴閉，講個不停既佢有種反差。

我伸手去摸下佢塊臉，順手幫佢整理下佢亂咗既頭髮。

Ellie：「佢真係好努力好搏命去做呢個學生會會長。」

Ellie一邊講一邊坐低係Ellen既另一邊，仲幫手一齊整理Ellen既頭髮。

我：「嗯，佢真係一心一意為同學，希望大家可以開心。」

Ellie：「話哂學生會會長係佢一直以來既目標吖嘛，而家終於做到佢又點會俾自己做得差吖。」

我：「係囉今日見到佢咁chur令我諗返自己個陣好似好輕鬆咁，我個陣係咪太依賴你地呢其實。

」

Ellie：「啊，因為大家做既方法唔同啫，家姐佢係因為唔想大家因為自己定既目標同標準太辛苦所以先選自己一個chur盡，而阿明你就係想大家一齊行，一齊做好件事。大家方向都唔同。」

我：「又氹我，我知自己其實好渣架，幾乎每次大事都會炒車，要大家幫我。

」

Ellie：「但你就係有個份魅力令大家都願意去同你一齊面對吖嘛。