「無啦啦多左幾個家姐同細妹 Season 2」: 約會
我拉住佢,不停跑不停跑,直接帶左佢離開學校。
途中佢有嗌過我,問我到底想帶佢去邊,但我都無答佢,只係一味跑。
直至去到學校附近既商場,我先停低。
Sarah:「你做..乜呀..阿明,帶住我係咁跑…
![](https://lihkg.com/assets/faces/normal/dead.gif)
佢上氣唔接下氣咁講,睇黎我太chur佢喇。
![](https://lihkg.com/assets/faces/normal/sosad.gif)
我:「你記唔記得我之前應承過你會搵次放學帶你去食野?
![](https://lihkg.com/assets/faces/normal/angel.gif)
Sarah:「有咩?我都唔係好記得喇哈哈。
![](https://lihkg.com/assets/faces/normal/biggrin.gif)
搞錯呀,我咁自責自己唔記得左件事,原來佢自己都已經無左件事!
![](https://lihkg.com/assets/faces/normal/angry.gif)
我:「算喇,唔記得都唔緊要,咁就當我地而家兩個去拍拖喇。」
Sarah:「咁如果係拍拖,不如我地等埋Yui佢地喇,我諗五點左右佢地就得架喇。」
唉點解佢突然間變到咁鈍架…
我:「唔係吖,你明唔明呀到底…」
Sarah:「明咩啊?阿明你好似自從聽完lulu個件事之後就怪怪地咁既?
![](https://lihkg.com/assets/faces/normal/oh.gif)
我:「你咁都唔明?而家我就只係想同你一個去拍拖咋!
![](https://lihkg.com/assets/faces/normal/angry.gif)
我扮嬲咁鬆開佢隻手,自己一個行左去。
只係行左一陣,我就已經聽到跑步聲。
我一擰轉身,就已經見到佢跑緊埋黎,仲一下撲埋黎。
我feel到有水滴到落我塊臉,加上佢個身係度震緊,我好快就意識到勢色唔對。
佢居然係度喊緊?
![](https://lihkg.com/assets/faces/normal/@.gif)
我:「喂你做乜啊…無啦啦喊都有既…」
Sarah:「對唔住呀阿明,點解我會咁蠢架咁都唔知道你想點..
![](https://lihkg.com/assets/faces/normal/cry.gif)
聽到佢呢個所謂「原因」,我即刻嚇到推一推開佢。
我:「你就係因為呢樣野喊!?」
Sarah:「係啊…因為我真係好蠢吖嘛…咁都唔明男朋友既心思…仲激嬲左你…」
我:「唉呀傻既,我無真係嬲架,玩下你咋,唉呀俾你嚇死我啦!」
我忍唔住再抱返佢,仲不停掃佢背,
Sarah:「我真係好無用架,比起Ellen佢地,我簡直就係垃圾咁…次次阿明你需要幫手我都做唔到D乜…」
佢愈自責,我愈心痛。
佢點會係無用呢,如果佢無用,我就連無用都算唔上。
我:「你點會無用啊…係你造就而家既我架,而家我地咁多個之所以過得咁開心,都係因為你咋。」
Sarah:「因為…我?」
我:「因為我真係好鐘意你,所以先會有勇氣挑戰阿偉,係佢手上搶你返黎,再開啟之後既一切一切。因為你,我先會有Yui佢地,之後做七星做學生會。」
「所以你話喇,你係咪好有用先?」
其實我而家都唔知自己講緊乜,我組織唔到,我只係將我心入面既野全部講哂出黎。
如果唔係因為Sarah,或者我而家仲係聖所羅王,而聖所羅王仲會係以前咁,玩階級制度。
佢,改變左我一生。
Sarah:「係咪真架..?」
佢聽左我9up一大輪之後終於都唔再喊,陰公,因為我玩玩下搞到佢喊到眼仔都紅哂,好內疚。
![](https://lihkg.com/assets/faces/normal/frown.gif)
我:「係吖,所以唔好再話自己無用啦好唔好?因為如果你係無用即係我比無用更無用。」
Sarah:「好喇咁…」
我:「咁我地而家真係去拍拖喇好無?」
Sarah:「好!
![](https://lihkg.com/assets/faces/normal/biggrin.gif)
響亮既聲音,咁先係架嘛。
之後我帶住走去街市,去我平時同阿希佢地買芝士麵個間小食店度。
我:「你想食乜呢我既好有用既女朋友~」
Sarah:「你買乜俾我我都食。
![](https://lihkg.com/assets/faces/normal/bouncy.gif)
真係好難想象十分鐘前呢個女仔仲係喊到九彩。
我:「咁呀,阿姐,俾兩個冷麵我!」
冷麵我諗佢未食過喇掛。
![](https://lihkg.com/assets/faces/normal/slick.gif)
但出乎我意料,佢並無好驚訝既反應,只係係我身邊好開心咁食個冷麵。
我:「你…之前食過?」
Sarah:「嗯!之前同同班既女仔出街個陣已經食過一次!
![](https://lihkg.com/assets/faces/normal/biggrin.gif)
我:「唉呀,仲諗住帶你試新野添…
![](https://lihkg.com/assets/faces/normal/chicken.gif)
Sarah:「唔緊要啦~咁今次係我第一次同你食嘛,同埋我又未試過呢間既冷麵,算係新野既~
![](https://lihkg.com/assets/faces/normal/bouncy.gif)
可惡,居然俾佢氹返轉頭都有。
之後我就同佢兩個人穿梭商場同街市,享受屬於我地獨處既美好時光。
佢笑得好似比平時都更開心,撒嬌既次數都更多。
我諗得閒都要咁做下先得,唔只對Sarah一個,對Anna佢地都要。
到我地開始返學校既時候,我先發覺我地已經拎住一袋二袋既零食。
一時忘形就咁添…當買埋比Anna佢地喇。
點知,一入學校門口我就比Ellen佢捉住左。
Ellen:「搞錯吖,我地四個做野做得咁辛苦,你地兩個居然偷偷地走左去拍拖!?
![](https://lihkg.com/assets/faces/normal/angry.gif)
我:「無呀其實我係同…咦人呢!?」
當我試圖化解佢既怒氣既時候,Sarah居然一支箭跑走左。
吖真有你的。
![](https://lihkg.com/assets/faces/normal/sosad.gif)