「無啦啦多左幾個家姐同細妹 Season 2」: 朋友

「蝙蝠俠」突然消失係賓客面前，大家都嘩然。

而家只要我死口唔應，咁就應該可以過關喇。

Ellen：「阿明，俾我。」

俾你？俾咩你..哦！你指呢個。

原來我仲拎住個面罩。

我即刻遞左比Ellen，Ellen接過之後亦即刻戴起左佢。

話時話…唔見左Ellie既？

Anna：「唔係你以為邊個去熄燈啊傻仔明。

」

原來係Ellie熄架…？不過...你又識讀心架Anna?

Anna：「不過你頭先做得好好呀。

」

佢講完就打左我心口一下。

我：「收到科先再讚我啦…而家就讚有d言之尚早啦…」

係，台上個MK仔係度四圍望，睇死佢都係想搵我出黎架喇。

不過多得咁，佢都無理二家姐，二家姐已經開始慢慢行落台。

我：「Sarah，Yui，你地趁而家去接二家姐返黎先喇。」

Sarah，Yui：「好。」

等齊人就趁亂走人…一於係咁。

MK仔：「係個度！同我捉住佢！

」

係，佢指住我，仲令到全場人都望哂過黎我地度。

我一臉無辜咁指住自己，扮哂唔知發生咩事咁。

好快，台上既南瓜頭就衝到埋黎，將我地團團圍住。

MK仔亦擺出一副勝利者既姿態走埋黎，真係好想打多佢一次。

MK仔：「到此為止喇，陳先生。」

我：「我？我做乜野到此為止？」

MK仔：「你自己做過乜你自己知啦阿Batman，你點解要…」

我：「你話我係頭先係台上個個痴線佬？你有乜證據吖？

」

呢一切都係個MK仔安排，目的係要我地係咁多賓客面前出醜。

但係，唔係所有在場既人都知道我就係頭先個「Batman」。

我突然醒起呢個事實，捉住呢點我就可以甩身。

頭先佢同我耍無賴，而家輪到我喇。

我：「你呢個指控好嚴重喎，你咁即係話我係公眾場合打鬥同襲擊人啫。」

「如果你無確實既證據就講呢番說話，我可能會保留追究既權利。」

佢當然無證據啦，如果唔係我邊膽咁大口氣講野。

MK仔：「你…！你套衫明明就同頭先個Batman一模一樣！你仲想抵賴！？」

我：「嘩咁都可以做證據？你話我著住成套蝙蝠衫就話啫，大哥我而家只係著住套黑色西裝，大把人都係咁著架喎，唔比其他咁著既人先係架？」

「定係其實只係你想針對我呀？咁樣即係莫須有啦，如果係既話，我咪唯有認囉。

」

我擺出一副毫不在意既姿態，引黎全場大笑。

係呢個時候，二家姐都係Sarah佢地既攙扶下返到黎我地身邊。

大家姐一見到二家姐返黎就成個人精神返，即刻攬住二家姐仲係咁掃佢背，埸面有點溫馨。

好喇，咁而家就只係差Ellie就齊人。

MK：「你仲想狡辯！？你陳煒明個名早就臭名遠播架啦，靠人上位，專係唔睇場合搞事，甚至連七星都唔放在眼內既死癲狗！！

」

喂，會唔會太過…

「睇黎唔放七星係眼內既人係你先岩喎，域天既。

」

喂呢把聲好似係邊度聽過咁既？

「我諗你個名先係臭名遠播囉好無，係人地個Party度非禮主人家，而家仲搞埋呢D小動作？」

呢把女聲都好熟！

MK：「邊個！夠膽就同我出黎！！唔好係度整古做怪！」

個MK一聽到非禮件事就突然好鬼激動，好似比人刺中要害咁。

「可以呀，我地唔同你，唔會藏頭露尾。」

呢句野既主人，好似離我好近，我feel到。

果然，有兩個身影推開左其中一個南瓜頭，出現係我地面前。

佢地同大部分賓客一樣，都係戴住面具，但係佢地好快就除低左，向大家表露佢地既身份。

係諾儀同阿雪。

無錯，係七星。對於有兩個七星出現係呢度，大家都好surprise，個MK更加係。

我對於兩個舊「朋友」出現都有少少驚訝。

MK：「點解七星會…

」

諾儀：「你真係同傳聞既一樣，一個只係識吃喝玩樂既二世祖，居然連自己公司有份主辦既Party請左咩人黎都唔知？」

MK：「哈，就算你地出現係度又點？你地可以做d乜？想包庇呢個人？」

「今日我係唔會咁輕易放過呢班人架啦，居然敢係我既Party度搞事。」

雪：「咁如果我話我有證據證明呢個Party係你呢個小人佈既局，想要曹家二小姐係眾人面前受辱呢？」

阿雪呢句說話一出，全場都嘩然，只有我地無動於衷。

因為我地一早就知道呢件事喇嘛。

MK：「你..你講乜呀！我唔知你講乜！信唔信我告你誹謗！

」

雪：「係啊？咁我地去片啦。

」

係阿雪一聲令下，會場既舞台居然徐徐落下一個投影屏幕。

屏幕好快有畫面，可以清楚見到有一個人比兩個人捉住左。

被捉住既人被問到佢既身份，佢好快就答左佢係域天既職員，仲講到明係「Leo少」既人。

「我都係跟Leo少既說話去做架咋…佢話之前曹家條八婆令佢出醜，所以佢今次要有仇報仇，仲要順手整一整個咩陳煒明，響一響自己個朵咁喎…真係唔係我既主意黎架！求你地放過我啦！！