「無啦啦多左幾個家姐同細妹 Season 2」: 隱瞞

Cody並未好似Kathy咁走埋黎同我地打招呼，而係自己一個人返左學校。

我地三個互相望一望，都決定唔理咁多，繼續返學校算。

或者我終於知道自己應該做D咩好，先去查一查Cody同Kathy兩個會比較好…

唔可以驚動晨哥…咁應該搵邊個好呢？Ellen好似已經有個天地網，但我咁去問佢一定會惹佢懷疑…即係Ellen都唔可以搵…

仲可以搵邊個呢…呀！！！仲有佢！！阿希！！





但佢呢排成日痴住Kathy，要點先可以唔俾Kathy發現到我係度查緊佢呢…

既然係咁，倒不如先查左Cody先。

於是我決定係一陣午讀之前既小息探一探有關Cody既野。

Lunch time之後既堂都係選修科，阿希佢選擇左同Kathy一齊坐，我並未有機會可以接近到佢。

都係專心上堂先喇。





雖然我係咁諗，但我一諗起Kathy同Cody有可能同李生所講話查緊我既
人有關係甚至就係個個人，我就無辦法專心上堂。

我既煩躁甚至影響到坐係我旁邊既人，浩賢。

浩賢：「做咩呀你？有心事？」

我：「做乜咁問？」

浩賢：「你un腳un到就快踩穿個地板喇，個樣仲咁恐怖。」





我：「咁呀…點講好呢..？你覺得Kathy點？」

浩賢：「居然我地會諗埋同一樣野，你都覺得佢有問題？我覺得佢成日有心隱瞞住D野咁。」

連浩賢都係咁諗？

一知道搵到同自己有相同諗法既人，我就顯得相當興奮。

我：「例如呢？我就覺得佢好似唔係咁簡單咁，扮到好nice咁。」

浩賢：「扮nice呢點，我都覺得係，我女朋友話見到佢平時係學校係黑口黑面架。」

黑口黑面..？但係平時Kathy係我地面前係好開朗，成日笑，好多野講wor…





我：「咁即係…」

浩賢：「如果簡單D諗，佢咪係收緊我地兵囉。尤其係前面個傻仔，可能已經做到上校級囉。」

如果真係只係收兵咁都好D，之但係…

算啦，都唔知點同浩賢講好，唔通話我覺得Kathy好似查緊我咩。肯會比佢話我唔好咁多幻想。

呀不如問埋佢Cody d野都好。

我：「eh…咁Cody呢？我見佢好似成日都唔講野，氣氛好陰沉下。」

浩賢：「你問親都係問女既，你係咪咁想拍拖呀。」

我：「關心下同學啫，同埋我有女朋友架啦。」





浩賢：「哦，原來你有女朋友架啦，係咪個班女插班生其中一個？」

我：「點解你咁講既？」

浩賢一下拮中我既星名點，搞到我個人即時顯得有D慌張，仲唔小心掃左個筆袋落地，要浩賢幫我執返。

浩賢：「冷靜D，係阿希話我知既，佢話頭先撞到你同兩個我地級既插班生食譚仔，我咪咁諗囉。」

我：「哦…哦哦…」

浩賢：「咁…邊個係？等我到時見到唔好叫錯嘛。」

我：「哈哈…有機會話你知吖。」





浩賢：「你都係度隱瞞緊d野喎睇黎…」

我：「哈哈，只係覺得未係時候講啫。」

浩賢：「明既，你想知Cody D乜？」

我：「佢…一直都係咁架？神神秘秘咁？」

浩賢：「佢以前邊係咁，我記得佢以前好活躍，仲做過兩次班會主席。」

「佢係幾時開始變到而家咁呢…好似係上年既事，大家個陣仲好關心佢，以為佢出左咩事，但佢自己咩都無講。」

「聽阿希話，佢好似係失戀，佢一直暗戀既對象拍拖了。」

我：「咁之此之後佢就好憎男仔？」





浩賢：「嗯？唔係吖，有時黑仔同我搵佢佢態度都好好架。」

吓咁點解佢頭先掘住我呀？