「無啦啦多左幾個家姐同細妹 Season 2」: 女生

之後Sarah佢地都同我講返係開學個日佢地既見聞，同我估既一樣，佢地每個都好受歡迎。
 
唔意外啦，佢地個個都係靚女，受歡迎都係正常。
 
分班結果就係Sarah係A班，Anna係B班，Ellen係E班，至於Ellie就同Yui一齊係D班。
 
都好既等Ellie陪住Yui，老實講我最擔心既就係Yui，畢竟佢長期都係屋企做女僕。
 
而家有Ellie同佢一班，Ellie咁聰明，一定可以好好take care Yui既。
 




嘩不過屌你老母D書都幾貴下…每年買書感覺都特別深刻…
 
選修料…之前讀Econ 同BAFS，但呢兩科我都讀唔掂，不如趁機會轉？Geog同Bio喇就，聽人講呢兩科可以成日出去玩。
 
咁即係買埋呢幾本…好，快快手買埋，唔好要佢地等咁耐先。
 
「唔該~我要呢幾本~~」
 
啊屌，諗一諗就俾人打尖添。
 




不過由佢啦，對方係靚女。
 
嘩！佢對我笑呀！！好甜呀個笑容！！
 
就係佢買完書轉身準備走個陣，佢對我笑！
 
嘩…仙氣呀…
 
「先生？你係咪要買書架？」
 




仆街。
 
買完書之後我地都返左各自既屋企，準備聽日先再見，因為D書實在有點重。
 
返到屋企我就好似平時咁過，各自做自己野，得閒又搵下對方傾計咁。
 
話咁快，一日了。
 
新學校比想像中好玩好多，氣氛好好，同學暫時望落都好好人，無乜野需要擔心。
 
呢兩年應該可以好好咁讀書，過返d貼地d，低調d既中學生活啦。
 
1/9呢一日我仲係咁諗。
 
到左第二日返到去見到黑仔同阿希，佢地第一時間交左一張Form比我叫我填。




 
我：「咩黎架，我唔會加入咩黑社會架。」
 
阿希：「屌快D填啦，我地要自己開個動漫Soc呀，岩哂你架。」
 
係喎，佢地㝷日已經話要組soc，原來係動漫Soc，不過學校會批動漫soc架咩？
 
我望一望佢地遞比我既Form，上面寫住日本文化研究會。原來係咁，想用呢個名呃學校。
 
「所以你就代我去享受啦，阿明。」
 
係我猶豫緊Join唔Join既時候突然諗起尋日晨哥講既說話，於是我不假思索，直接寫左自己個名上去。
 
阿希：「爽快！我鐘意！好啦你就係我地既內務副主席啦！」
 




屌呀！我打算做個普普通通既會員咋喎！！
 
係我想同佢地講唔好個陣，佢地已經唔再係我附近，佢地兩個好開心咁拎住份Form走出班房門口。
 
仆街，佢地唔係諗住即刻拎去交呀？
 
我意識到唔係好對路，即刻一躍而起，追上去打算搶份Form過黎先算。
 
不過當我追到出去個陣，發現阿希同黑仔都企定定係度，好似尊佛像咁。
 
咩事呢？哦原來佢地撞到人，仲要係個女仔，嘻你兩個今次仲唔仆街？
 
咦咪住先？點解呢個女仔咪熟口面既？