由嗰日起，我扮成TB媾女: 21

巴士慢慢由郊外駛至市區。韓國嘅城市唔算好靚，無香港咁繁華，亦都唔似日本咁有特色，實際啲嚟講更加似一個進化版嘅大陸，不過空氣好少少咁解。

「我下個站就到喇，你真係唔同我一齊玩呀？」佢問。

「唔喇，依個旅行我真係好想自己一個靜一靜」

雖然睇得出佢好唔捨得我，但如果我依家狠心啲，將來就會後患無窮。

「咁好啦，我都唔逼你喇...」





巴士喺Macy間酒店嘅門前停下，意味住我地即將分別。

「我到喇...」

「嗯，你自己小心啲喇」

佢耷低頭，眼泛淚光「我可唔可以攬吓你啊...？」

我笑住咁話「Sure」





然後佢即刻將我緊緊抱住，大聲喊咗出嚟。

「嗚嗚...依個世界無人好似你對我咁好嫁」

我輕輕撫掃住佢背脊

「傻豬嚟嘅，只不過係你未遇到啫...」