【短故寫自己野】因為果個女仔，我開始寫故: 8.兒時夢想

整個聖誕，我完全沉醉於優子之中

書都冇溫過，結果final又考左pat屎出黎



不過，唔撚理了~


「呀...優子好正呀...」





每日lunch time我都拎出手機睇住優子既blog圖


「話說好似下個月又會有member黎香港搞握手會喎」

「希望係yukirin啦..好想睇老婆仔呀..」

「我就覺得係阿醬啦..」





兩個月前我同吉仔仲笑緊景俊毒，估唔到依家我地都落埋呢個深坑


「咦...好毒呀你地！三個圍埋響度睇AKB！」

阿sa伸哂脷咁，扮到好嘔心咁:「估唔到郭大俠你都睇埋一份！」


「你唔明架啦阿sa，優子真係好正架」






阿sa睇左我個電話mon幾眼

「車，靚女少少之嘛」


「但係點都靚過你啦！」

「你講咩話？！」

同阿sa鬥氣，係我既每日任務



無幾耐之後又要上堂






「郭煒靖！」

周sir凶神惡剎咁望住我:「聖誕假果—份作文功課呢？！差左我成兩個禮拜，幾時交呀？！」


「哈哈哈..係喎，聽日交！」嬉皮笑臉係我對付老師既武器


「仲聽日？！之後考試我廢時催你咋！」

周sir講得非常決絕:「今日5點半前交，交唔到既話一個缺點！」






「係...」

唉，睇黎今次走唔甩啦



放左學既班房實在太嘈，唯有落去圖書館度做埋份作文佢啦


我一打開份工作紙

「兒時的理想」


「哇屌...乜撚野題目黎架...」





頭兩分鐘，我完全落唔到筆


「咁老土點寫呀....」



「咦，係郭靖你呀？」

林思晴拎住本書，坐響我前面


「hi..」我輕輕打個招呼，又繼續埋頭思考






「做緊作文呀？」

「嗯..」


思晴睇一睇工作紙上既標題

「兒時的理想，幾易寫丫」


「咁都易寫？好老土喎！」


「呢啲題目起碼都叫發生過，唔似啲議論文要你諗論點」

思晴用心分析:「最簡單就係諗返，自己細個有咩夢想」


「夢想呀..」

我努力翻查大腦記憶體:「我成日都會諗好多故仔，所以細個都諗過做漫畫家，但後來知道漫畫家響香港好難搵食之
後就冇再諗啦，依家都唔識畫畫啦」



「竟然係咁...完全無諗過你係個咁多野諗既人喎！」思晴感到驚奇

「都過左去啦..」



「咁你諗過啲咩故仔呀？」思晴再追問

「都係啲冒險、勝利友情努力果啲皇道漫畫咁啦，不過畫得太差，啲稿都掉哂啦」


「咁可惜？！我好想睇下呀..」

「咪玩啦，我自己睇返都想撕爛佢」


「不過，如果你寫故既話，咪可以將自己諗既故事講出黎囉！」




「寫..寫故？」