【短故寫自己野】因為果個女仔，我開始寫故: 5.林思晴

冇得踢波練波既日子真係好難捱


「唉，淨係得返學既生活好苦悶呀！」

我鬱悶地吞住眼前既咖哩牛腩飯


「搵其他興趣囉！」





景俊無時無刻都想拉我入坑:「一於跟我地，做AKB飯，追返哂綜藝節目，包你唔怕悶！」


「唔撚俊就講得啱啦，自從推左yukirin之後，我成個人生即刻充實哂！」吉仔飲住凍檸茶，含春笑道

(飯=fan=粉絲，推=支持)


「好兄弟！下個月su醬黎香港啦，吉仔你去唔去呀？」





「緊係去啦！郭大俠你都跟埋黎啦！」



「唔駛啦，唔想好似你地咁痴線」

雖然我都係一個鐘意聽日本樂隊既人，但係始終都唔太接受睇idol既瘋狂行為

握個手又幾百，省啲錢暖肚好過









「思晴，不如我地食呢間囉」

「嗯！好呀」


當日被我省中既思晴，跟住佢既朋友走入餐廳


思晴亦都留意到我，對我點一點頭







「咦..比你省中果條女喎..」

「眼甘甘咁，鐘意人呀？」


「痴線啦！」

我嘆一口氣:「我只係想再同佢好好咁道歉姐...」



「食飽飽，又要返去做狗！」

我地三個食完飯，一路行返5E班班房







「郭煒靖！」

聽到呢把聲，我已經知仆街啦



「哈哈..係你呀周sir！」

我笑口勢勢咁回頭對住周sir


「你仲笑得出？你差我果份中文閱讀報告幾時交呀？」周sir嚴肅地追問我






「哈哈聽日交聽日交」


「仲聽日？！你差左我成兩個星期啦！今日5點前交唔到既話，留一個禮拜堂！」

「係...知啦...」



睇黎今次都係難逃一劫


「唉仆街啦..最憎做閱讀報告」





我對住景俊同吉仔道:「喂，陪我落去借書丫」


「彩你都on9！我地返去睇返尋晚集akbingo啦！」

(akbingo=AKB48既綜藝節目)


「屌你地兩個..冇義氣！」



我落到三樓既圖書館，入面多人到水泄不通

「嘩，lunchtime姐，駛唔駛咁多人呀...拿拿聲拎本Q版特工上堂抄算！」


我行到流行小說果行

仆街...冇哂Q版特工既？！


「屌，有冇咁受歡迎呀..咁借咩好呢？」



「唔該..唔該...」

身後既某人篤一篤我


「做咩呀？」


原來，係林思晴