【短故寫自己野】因為果個女仔，我開始寫故: 1.第一次接觸

「郭大俠，比波呀！！！！」

我從左路切入中間，輕鬆交出直線傳入禁區


「食屎啦！」

皮球剛剛好落到我既好友吉仔腳下

面對住龍門，吉仔大力抽射






「砰！！！！」

皮球飛出底線外


「喂，你射乜呀吉仔！！！」






「屌你老母呀！」



眾隊友屌聲四起，包括我在內


「吉仔，你徙哂我d傳波呀！！！」







「屌..對唔住囉.....鬼叫響學校練波得個爛鬼籃球場咩，落返草地就係我既天下啦！」



呢個留skinhead頭既就係我既老友吉仔，趙吉祥


我同吉仔由中一既迎新日就識，亦因為有足球呢個共同語言，我同佢第一日已經friend過打band

就算依家同吉仔唔同班，我地都仲keep住係兄弟









「郭大俠，hold波！」

我接應踢右翼阿源既大腳傳球，心口控定，響禁區頂背對中堅肥威


肥威性格急燥，響B grade果陣都經常落腳犯規


我襯住佢想出腳偷波，踏出右腳，以左腳推球，轉過肥威


「咩..咩話！！」






「嘿」

我順勢拉起左腳，抽向死角




「砰！！！」

皮球擦柱而過，直飛入球場外既室內


仆街啦

個波直中裏面既一個人





力度大到差啲打到佢落地



「唔...唔好意思呀...有冇事呀...」

我馬上跑過去，連忙道歉


「....冇事...」

眼前既女仔，五官端正，聲線甜美









「咦..呢個咪係A班果個...林思晴..」

我同佢四目交投


林思晴由中一開始就已經係多列前矛既精英份子，同時亦係head perfect

而我就只係一個成績中規中矩既波牛，所以我同佢都算係兩個唔同世界既人



佢點一點頭


「唔..唔好意思...」我繼續道歉，因為我知道呢球一定好痛


「唔緊要...」佢講完呢句就走，行出校門


呢一次，係我同佢既第一次接觸



「喂搞邊科呀！」

吉仔跑到我既身邊，問


「頭先球波射到人姐...」我道


「抵啦，頭先仲笑鳩我！」

吉仔拎起足球:「返去踢波啦站長！」