夾錢中左六合彩頭獎, 但keep飛果個唔見左...: (40)

正當我地想拼死一搏果陣, 孱仔突然怪叫左一聲,然後五體投地咁跪在係我地前面。 

只見佢一邊叩頭一邊哀求道:「Pat姐! 妳大人有大量, 佢地成班飲到醉哂, 唔知自己做緊mud家, 妳千祈唔好開槍殺我地呀!」 

呀Pat撓起雙手道:「唔開槍都得, 我地都係求財者, 你地俾得出一億, 我咪當咩事都無發生咯。」 

孱仔連忙道:「得得得, 其實我地今晚中左六合彩頭獎, 獎金岩岩好有一億。」 

「咁都俾你諗到得出?」呀Pat冷笑左一聲, 道: 「我理得你地啲錢點來吖, 一係交低錢, 一係交低條命。」 





「原來我條命值成億家。」發仔好開心。 

砰! 

子彈射斷左發仔既一撮頭髮。 

「嘻嘻, 你地興用槍來剪頭髮咁過癮既。」發仔笑道。 

「咁撚渣家你, 咁都射唔中。」泥頭指住開槍果個鬼佬道。 





孱仔嚇到全身發抖, 道:「Pat…Pat姐, 我係…講真家, 你俾一日時間我地…返香港攞獎金, 筆數…我地點都會還俾妳…」 

呀Pat一打手勢, 身邊果兩個鬼佬即時將佢捧左上檯。 

只見佢居高臨下咁睥住我地, 道:「哈, 咁我又唔驚你地走得去邊, 之但係我個人記性唔好, 所以我要係你地每個人身上面都留低一啲特徵, 等我客易啲記得你地個猫樣。」 

「嘻嘻, 你地睇下, 佢條底褲係肉色家喎。」發仔打側左個身向上昅。 

「好睇呀呢。」呀Pat皮笑肉不笑道。 





「OK 啦, 通常都係啲老人家先會著呢隻款, 嘻嘻。」發仔道。 

呀Pat忍無可忍, 下令道:「笑呀喇, 第一時間將呢條友棚牙整到有咁樣衰得咁樣衰!」

上番總統套房之後, 孱仔吩咐我地將所有野收拾好哂就走人。 

「點解我個頭好涼爽，同時又好火辣辣咁既。」我摸住自己既光頭問道。 

「唔…呢隻Hello Kitty既色都唔靚, 早知就揀Snoopy 啦。」大舊照住鏡苦惱道。 

「Yeah! 我打中左黑色喇!」泥頭當正發仔係冒險樂園隻小丑, 不斷攞花生去掟佢棚牙。 

「到我玩喇。」紅棍又開左包花生。 

「咁多位大佬, 唔好玩住啦, 我地要執野走啦。」孱仔道。 





「走? 走去邊呀?」發仔問道, 一粒花生打中佢既眼角。 

「我地依家爭人地成億呀… 要返香港撲水呀…。」孱仔沒好氣道。 

「你都戇鳩既, 話俾就俾呀, 叫呀Pat過來同我含撚!」泥頭霸氣道。 

「哎呀…如果俾唔出錢, 人地就會隊冧我地六個家, 你地頭先都見到佢地有好多枝槍家啦。」發仔猶有餘悸道。 

紅棍走去孱仔面前, 大聲道:「一個大波妹就想收我紅棍皮?! 我依家就返香港吹雞!」 

大舊舉腳贊成道:「好! 江湖事, 江湖了!」

孱仔手騰腳震道:「咁樣既話, 如果俾佢地知道左, 我地未去到碼頭就死左啦, 就連張六合彩飛都會俾人搶埋…」 





「無撚有錯!」我跳起身道:「所以張飛都係擺係啲安全既地方穏陣啲。」 

「喂, 呢度有個保險箱喎!」泥頭係房入面嗌左出來。 

我地急急腳走左入房。 

紅棍一見到個箱就嗌道:「Absofuckinglutely infuckingcredible呀! 張飛就放係度啦!」 

大舊皺眉道:「等等, 我覺得咁樣都唔穏陣, 如果可以有個人係個箱入面守住既話就Per撚fect喇…」 

我地同時不懷好意咁望住孱仔。 

「痴撚線家你地!」孱仔拔腿就跑。 

但未跑出兩步, 孱仔就俾紅棍攔腰抱起。 





「呢啲咁重要既任務, 梗係搵最有份量既人擔當啦。」紅棍道。 

「救命呀!! 我屌爆你地老母, 我屌…」 

孱仔既呼叫聲隨住保險箱度門關上而消失。 

「之後就係set密碼喇。」 

正當我思索緊有咩七位數字既密碼果時, 保險箱門邊既縫隙突然伸左個用一千蚊摺成既心出來。 

「呀, 孱仔真係有我心喇。」我笑道。 

「你set左咩密碼呀, 嘻嘻」發仔問。 





「6991908」我邊輸入邊道。