夾錢中左六合彩頭獎, 但keep飛果個唔見左...: (29)

從MK仔首打油詩，我開始了解到依家既形勢。 

「照咁睇，我地中左一億呢單野已係喺黑幫度揚開左，所以佢地先係咁搵人追殺我地。」我推斷道。 

「問題係呢單野一開始究竟係點揚開既呢？」大舊皺眉道。 

「方唔係呢個仆街飲醉左酒，大喇叭周圍同人講咩。」泥頭將茅頭直指發仔。 

「我屌你呀，如果真係咁，你生花柳單野應該所有澳門人都知喇。」發仔道。 





「咩撚野花柳呀，話撚左係尿道炎咯！」 

呢兩條友一見番面就開波。 

「依家啲線索斷哂，我地點算？」紅棍問。 

「咁又未必。」我回應道：「至少我地知道Phoenix係喺金沙度做，我地大可以過去睇下咩環境。」 

「唔好自作多情啦，都話左條女只係扮識得你咯，佢喺邊度做可能完全唔撚關事家。」發仔道。 





我望住訓喺地度既Phoneix, 唔知點解硬係有一種似曾相識既感覺，總覺得我同佢應該唔只係陌路人咁簡單，於是道：「我既直覺話俾我聽,喺金沙一定會搵到我地想要既野！」 

「車，我夠有直覺泥頭一早死撚左啦，依家佢咪又係生勾勾咁企係度柒。」發仔道，然後又側頭避開左泥頭既一拳。 

大舊諗左一諗，便道：「既然依家毫無頭緒，去下都無妨既，始終賭場周圍都係閉路電視，啲黑幫追到來都唔敢咁倡狂。」 

「咁呢條女點處置啊？」發仔指住Phoenix問，眼神閃爍住淫邪既光芒。 

「嗯，佢害到你咁慘，懲罰下佢都應該既。」泥頭條仆街呢個時候又同發仔fd番。 





「嘩，你睇下佢既睡姿，幾咁撩人。」發仔流埋口水。 

「不如猜包剪揼，睇下邊個先。」泥頭建議道。 

發仔點頭道：「好呀，你地猜啦，睇下邊個幫我接力都好。」 

我心感不妥，便問道：「喂，大舊，連你都俾佢地亂來啊？」 

大舊答：「睇定啲先，我懷疑條女一直係度扮暈。」 

雖然講係咁講，但眼見發仔隻手差唔多要掂到Phoenix個胸果陣，我忍唔住道：「點都無理由係你揸先！」 

就係呢個時候，遠處響起警車既嗚笛聲。 

發仔嚇到成個跳左起身，道：「屌! 唔記得發生爆炸咁大件事，啲居民一定會報警既添。」 





「車，我地純粹自衛，又唔係犯法，驚啲咩？」我不解道。 

大舊搖頭道：「依家搵孱仔要緊，如果俾人帶返差館落口供，一定會好麻煩。」 

「講就容易！依家啲龜來緊，我地點走得甩？！」泥頭焦急道。 

吽！吽！ 

一部純黑色既林寶堅尼突然衝左埋來，然後一個飄移, 就泊左係我地面前。 

「嘩，紅棍！呢次噠左部好野喎。」泥頭興奮道。 

「好碌撚咩！呢啲兩座位跑車點載咁多人啊？！」發仔埋怨道。 





「我見部車咁型咪偷咯，點諗到咁多野者！依家你地坐唔坐吖？！」紅棍惱羞成怒。 

「坐！」 

一班人爭先恐後咁湧左上車。



如果有人喺出面望入車廂，好可能會以為我地玩緊歡樂滿東華。 

「泥頭你個屎忽隊到我塊臉呀。」發仔道。 

「咁撚逼邊有計呀，再嘈我放個屁你嘆呀喇。」泥頭威脅道。 

「大舊，你隻手銀到我背脊呀。」紅棍不滿道。 





「果隻唔係我隻手，我只有下半身貼住你既者。」大舊淡淡道。 

「咁你千祈唔好扯旗呀！」紅棍警告道。 

好彩，我係負責揸車果個，個位置鬆動好多。 

林寶堅尼既性能有實力又有速度, 真係勁過當fit時期既羅比堅尼。 

而我亦終於明白到點解啲人成日話揸呢架車係等於放牛，原來由引擎發出既吽吽聲真係好似牛叫。 

有架靚車揸係手，我出於本能地開衡哂turbo, 係條公路上風馳電掣。 

「呀恆你開咁快托撚咩？！」發仔道。 





「我要所有人都見唔到我既車尾燈! 」我霸氣道。 

「咁你熄左盞車尾燈咪得咯！」發仔道。 

吽！ 

我越俾油，越感覺到家車好似進入左風見車人既Zero領域。 

兩旁既街燈開始幻化成一條條不規則既光帶。 

望住前方燈火璀璨既碼頭夜景，我深切感受到澳門由賭業堆砌而成的繁華氣氛。 

「咦？呢個制有咩用家？」發仔伸手噤左下軩盤隔離一粒泛住紫光既按鈕。 

吱..... 

「屌你老味，唔好撚開篷呀仆街！！」泥頭大嗌。 

「嘩！好撚大風呀！！吹走我喇！」紅棍死命扯住發仔啲頭髪。 

「放手呀！好撚痛呀！」發仔大叫。 

一時間車廂混亂不堪！ 

我連忙噤番個紫色制刪番個篷。 

「好快到家啦！你班仆街同我乖乖地坐定定啦！」我吆喝道。 

「坐你老母！由頭到尾得你一個有得坐喳嘛。 我地一個二個沙甸魚咁撚樣啊！」泥頭抗議道。 

「一日都係紅棍，揀埋哂啲兩座位既自私自利車。」發仔抱怨道。 

「你識撚咩，人地跑車就係要特登設計到咁，等你去飲既時候都唔使車埋啲親戚嘛。」紅棍道。 

「有道理。」大舊點頭道。 

言談間，金沙既紅色大招牌已經出現係眼前。