每個人，都試過鍾意一個讀VA既女仔: 第六十六章

「呢到要數我地同佢最熟，你覺得有咩辦法可以令佢打起精神呢？」肥正與加拿大仔一五一十地說了我的故事後問道。
 
「吓……啲人唔係話時間可以沖淡所有野咩？」
 
「我就係驚佢唔知要沖幾耐先淡！佢條友仔中毒太深，講到好似冇咗條女唔得咁，我驚佢做傻事呀。」肥正的擔心看似是有點不必要。
 
「唔係呀，你睇吓你，呢頭分咗手，第二日就風騷快活人咁啦！」加拿大仔帶點諷刺味道。
 
「我點同呢？大佬我識得玩呀嘛，我知道愛情唔可以投放全副心機落去呀嘛！但係條傻仔仲覺得條女放響第一位，自己先放第二名。」
 




「唉……呢啲野邊到我地班男人老狗搞架？搵條女俾佢好過啦！」
 
「邊到搵條女俾佢呀……」肥正抓癢後腦問道。
 
「你條舊菜囉。」
 
「你都傻既，佢一定唔肯同kitty一齊！」肥正聽罷立馬否決。
 
「邊個叫佢同傑哥仔拍拖呀？我係叫你搵佢開解吓傑哥仔啫。」
 




「又好。」肥正掏出手機，但未有打上一字。
 
「妖，怕咩尷尬呀？佢之前先打完電話俾你！」
 
「……」
 
你啱。
 
果不其然，kitty在隔天的午飯時間便來到了班房。
 




因為我實在是沒心情，嚥不下半粒米，因此也沒有隨著肥正二人到操場。
 
整個課室裡，只剩下我和kitty二人。
 
「知你鍾意食朱古力，請你食呀。」kitty於桌上放下一件朱古力蛋糕和一條繽紛樂。
 
我未有執過，也未有說話，左手依舊在單行紙上圈。
 
「想唔想知道點解cynthia到最後都係放棄同你一齊？」
 
這記問題，震驚得我連筆都握不穩。此時我才發現原來圓鉛筆一早已沒墨。
 
「不過我都只係聽返嚟，唔知係咪真……」kitty想試探我的反應，微微探頭看向我。
 
「響你送頸巾前一日，佢同miss.Wat傾咗好耐計。」她見我臉色未有太大變化，便開始講起因由。




 
又係miss.Wat！
 
「不過佢地傾咗啲咩就真係唔知啦，但係多多少少都係關於你架啦，如果唔係佢又點會唔要你喎。」
 
Miss.Wat這女人，我恨不得直接衝去va房，繼而暴打她一頓！
 
「聽cynthia嗰日既語氣，我諗你都係唔好再搵佢好啲啦……因為……」kitty正想如何用一個婉轉的表達方式。
 
「因為佢覺得你好煩。」
 
最後，她還是原汁原味地把話道出。
 
「嗯……」這已是我最大努力所發出的聲響。
 




「快啲食野啦，食甜野會開心啲架﹗」
 
KITTY甚至替我打開蛋糕的包裝紙。見她盡了力地逗我開心，出於好意，我也執起叉子，一細口一細口地品嘗著。
 
可惜的是，依舊地味如嚼蠟。
 
「你知唔知點解，我一直都唔講野呀？」
 
這句話，我是寫在包裝紙上。
 
「點解呀？」KITTY見我首次與人交流，馬上打起精神來。
 
「因為只要我一開口講野，我就會喊。」
 
「我明白呀……但係你咁樣會令你身邊啲人都好擔心你……」




 
「如果你地真係想幫我既，靜靜地坐響我身邊做自己就得啦。」我目無表情的寫著﹕「俾我知道你地一直都響我身邊就夠啦。」
 
KITTY看罷，未有答話。
 
整個班房，就只剩下時鐘滴答滴答的聲響。
 
嗯，現在就只有時間才能帶我離開這陰影。
 
同學開始回來，KITTY也不好意思再在這逗留再久。見肥正和加拿大仔到來時，於他倆臉旁耳語著什麼，便悄悄地離去。
 
KITTY與他們說上了什麼，我不知道。
 
但我想他們做的事，卻默默地發生。