每個人，都試過鍾意一個讀VA既女仔: 第五十二章

這消息，無疑地把我的心情從低谷中硬扯回到高峰。我所指的高峰並不是我很興奮，只是對這件事感到好不激動。
 
「幾時既事呀？」就連加拿大仔也沒想過肥正會說出這番話。
 
「尋日囉，不過你地放心喎，你見我依家都仲笑得出就啫係冇乜野啦。」說得也是，肥正為何能夠若無其事般？
 
「因為我地都知道，分手係為大家好。」
 
肥正突然地感性，彷似是鄺俊宇上了身般，害我和加拿大仔都不太習慣。
 




「啫係點呢？」
 
「簡單嚟講，我地係好和平好理性咁分開。」
 
原諒我實不能理解什麼叫作和平分開，二人相愛便一起，不愛便分關，哪有因為相愛而分開的道理？
 
「總知一句講晒啦，再見亦是朋友，就係咁簡單。」肥正豁達地作出一個吸煙的手勢，一幅「DON'T GIVE A FUCK」的表情。
 
當然，我還是不明瞭他所說的大道理，恐怕其實他只不過是掩飾內心的悲傷吧。
 




「唉……連你地呢對咁理想既都散埋……到底呢個世界係咪真係有真愛？」我突然想起C AllStar的天梯，但卻是CYNTHIA唱的版本。
 
「咦？你啱啱係咪有野想講呀？」話題突然的回到了我身上。
 
「冇呀，我只係覺得好肚餓想問吓你地有冇幫我買野食啫。」
 
我未有把腦中的話說出口，畢竟相比起肥正的現狀，我的顯得小巫見大巫吧！
 
再者，雖他口裡就不上心，但我深知他痛得很，因此我也不必加重他精神上的負擔。
 




「收皮啦，鬼叫你唔跟我地落去。」
 
就算沒有了愛情這一方，總有朋友在身旁……對吧？
 
不，我還是覺得cynthia重要得多。
 
但面對著她風雲變色的個性，的確令我有點兒不知所措。
 
「放心啦，佢過幾日都冇野架啦。」我還是在WHATSAPP上一五一十地跟KITTY道出事情來﹕「你都知佢份人係點架啦。」
 
「咁又係既……」其實我找KITTY並不是因為她較為中肯。剛好相反，我就是因KITTY說的話不中立而找她傾訴。
 
因為佢會講一啲我想聽到既野。
 
「咁你嗰到點呀？」我未有直接地把「分手」二字說出﹕「聽講……出咗事喎。」




 
「其實我又唔覺得係出咗事喎，依家咁咪幾好。」
 
「分咗手喎，咁都好？」我還是不爭氣說了。
 
「咁我地係好和平咁分手呀嘛。其實我地都好明白就算再咁落去，只會令大家都唔開心，咁點解唔分開，俾大家一個喘息既空間？」
 
也許是因為我還未對戀愛有任何接觸，KITTY說的每一顆字我都有聽懂，但加起來就是不明箇中的玄機。
 
「我地太了解對方啦，大家都知道點樣先可以俾到對方快樂。與其話分手，不如話我地已經將關係再昇華到第二個層次。」
 
對不起，她這解釋只會讓我更聽不懂。
 
「咁……所以係咩層次呢？」
 




「後天既屋企人。」
 
……
 
「咁……其實最重要係你地都覺得開心啫，我作為你地兩個既朋友，都會支持你地既。」我隨口說著什麼有的沒的，一心只想把話題帶過。
 
「喂，話說你係咪鍾意香薰架？」KITTY突然把話題一轉。
 
「係呀，做咩咁問呀2」
 
「冇呀，尋日CYNTHIA冇啦啦問我你鍾意啲咩，我一時答唔出，剩係好似聽肥正講過你間房永遠都有支香薰。」
 
估不到那死仔還是蠻有我心的﹗
 
咦，等陣先……




 
CYNTHIA做咩冇啦啦問我鍾意啲咩既？