每個人，都試過鍾意一個讀VA既女仔: 第四十三章

她依舊是這樣子的給予我一個單字。
 
可能我是一個很容易便滿足的人吧，雖說有點無奈，但見她還是願意跟我聊天，已心滿意足。
 
開玩笑的。
 
我還想要更多。
 
「我響屋企坐響電腦面前溫唔到書，不如……」我的樣子活像電影中的奸角般舔著下唇﹕「我地一齊去自修室呀。」
 




「我慣咗自己一個人溫書。」
 
看情況，她的確是拒絕了我。
 
不，我還有一招﹗
 
「你唔係都想我成績好啲咩……最多咁啦，我保證去到自修室我真係溫書，唔會嘈到你﹗」
 
「咁煩架你。」要不是在句尾出現了一個emoji，我真的以為她是在鬧脾氣。
 




「我係咁架啦，你要迫我讀好啲書，咁我之後就可以搵多啲錢養埋你啦。」
 
「咁你一定養唔到我。」
 
「最多我嗰份儲埋唔用，俾埋你洗啦﹗」
 
「好呀，可以洗埋你嗰份﹗」
 
漸漸地，我和她都忘記了整個星期的冷戰，回到了最初一起相處的快樂時光。
 




我還真的不太清楚，到底是她的情緒過於不穩定，還是其實所有VA人都是如此。
 
但所謂愛屋及烏，再者，我也絕非一位成熟且理性的人，就讓我倆一起互相忍耐著雙方，同時享受一起的愉快吧。
 
「喂，你係約咗我架？」
 
我帶著睡眼惺忪的神情倒坐在床上，查看電話顯示的日期。
 
星期六。
 
但很快，睡意便不攻自破。
 
仆街我約咗cynthia﹗
 
「嚟緊嚟緊，你依家響邊？」我趕緊從溫暖的床舖躍下，到洗手間梳理著。




「你樓下，快啲落嚟啦，好凍呀﹗」
 
這我倒是記得起來，現在都步入十月中，氣溫都開始變冷。天文台昨天也有說冷空氣什麼的。
 
「俾多五分鐘我啦，好快﹗」我隨手抄過一件外套放進背包裡，希望它今日能夠大派用場。
 
「你唔好再遲啲。」
 
這是與cynthia見面後，第一句跟我說的話。
 
「見你呀嘛，緊係要執靚自己啦﹗」一記連消帶打，輕易地解決這問題。
 
「吓你咁叫執咗架啦？」cynthia笑說，伸手捏著我的臉珠﹕「屎忽點解你咁肥既？」
 
「肥仔唔好咩？我可以俾到好多溫暖你喎﹗」我一手搭住她的肩膀，往圖書館自修室的方向進發。




 
「講明先呀，你真係要溫書，唔可以嘈住晒架，如果唔係下次唔同你嚟呀﹗」cynthia再三叮囑道。
 
「知道啦媽媽。」我無心裝載道，只好借用玩笑帶過。
 
若是「自修室，學屆既蘭桂坊」這本書能夠早一年推出，我燜我一定會購買以作學術之用途。
 
但不要緊，反正我今天是來溫習的，對嗎？
 
理論上的確如此。
 
很可惜，眼皮闔上最後一刻，我依稀記得是物理科其中一條公式﹕E = mc∆T。
果然，在學習的地方睡覺永遠比自己家中的床來得還要好，我不清楚自己睡了多久，只記得醒來的地方，頸上掛住一條頸巾。
 
係CYNTHIA今日戴住嗰條。




 
「話說呢條頸巾……睇落唔似係買喎，邊個俾你架？」
 
「咦你醒咗啦？」她除下耳機，想必是認真的溫書著。
 
「做咩見我訓咗都唔叫醒我喎……」
 
「如果叫醒你之後，你係咁煩住我仲得了既？」
 
只見她伸手想接回頸巾，但我卻未有交回，反倒是把頸巾展開，與她一同戴上。
 
「我都好凍。」
 
當然，動動腦筋也知道，這又是一個所謂「善意的謊言」。
 




CYNTHIA沒有正視我，但卻對著沉悶的筆記暗笑。我想……她也樂得不說穿我內心吧。