每個人，都試過鍾意一個讀VA既女仔: 第四十一章

「係咪佢嚟m先咁呀？我聽講條條女嗰幾日都特別燥底。」加拿大仔的答案，我也有想過。
 
「又唔係個個女仔都咁樣既……傑哥仔都睇咗佢幾個月，如果係m到既話，理應第一個月已經出事，冇理由去到今日先搞啲咁既野。」肥正再次當起偵探。
「咁你到底有咩高見呢？」
 
「冇，你依家可以做既係等待。」
 
「咁我要等啲咩同埋我要等幾耐呢？」我平生最討厭的就是等待，就連別人遲到也厭惡極了。
 
「你依家吓吓chur住人，就算人地唔嫌你煩都驚咗你啦。你都識講，佢話到明鍾意一個人生活，你想入埋去既，咪俾少少時間佢習慣吓囉。」




 
他說的話，我無法反駁。但，我卻心有不甘。
 
「我剩係想拉近同佢之間既關係……咁都有錯咩？」
 
「冇，你冇錯。」雞脾姐看不過眼﹕「問題唔係響你到，而係佢身上，佢都仲未準備好，你迫佢只有反效果。」
 
我一時無法回答，雞脾姐見狀也直接地下了記大招﹕「做男人，就唔好成個女人仔咁痴住唔放，咁樣只會令人覺得你係一個長唔大既細路……」
 
而且唔會有女人鍾意唔成熟既大細路……




 
這席話，cynthia也有說過類似的。
 
嗯，的確有時我活像小孩般，但要認真起來的話，我絕不輸給成年人﹗我也可以替我自己打算好將來的路。
 
「你講得啱……」我激動得拍枱站立於桌椅之上﹕「我麥俊傑就係要話俾佢知，我唔係小朋友﹗」
 
「喂，做咩企上張櫈到成個三歳細路仔咁呀，快啲落返嚟啦﹗」
 
誰不知，下一位老師進課室的第一句話已把我成個人打至萬丈深坑之中。




 
沒有cynthia的幾天，我總是隨身也帶著手提電話，生怕未能第一時間接收她的信息。
 
當然，我無時無刻也在留意住她的上線時間，期待著她的「在線上」會變成「輸入中」。
 
好幾時，我都差點把持不住想要發信息找她，可惜老是想不到開場白而就此作罷。唯一能帶給我一點慰藉的，是她ig中的一張照片。
 
說是照片，倒不如說是組圖更為合適，是cynthia在前天水運會時與眾人的合照。而當中，我就是在組圖中的正中央。
 
二人戴著傻瓜眼鏡的合照。
 
每每看見這照片，總能令我產生動力，好讓我繼續向自己的夢想出發。
 
而那天小息時與miss.tin的談話，更是無疑用作推動力。
 




「嗱，你知我唔係啲咩剩係識講道理既老師嚟。我都做過中學生，我都有試過響學生生涯入面拍拖，所以我唔會話咩拍拖影響成績。」
 
「或者咁講呢，拍緊拖既時候真係唔會影響讀書，但係響一齊既前一步，啫係所謂既曖昧期呢，就真係會影響心態啦。」
 
「你到底想講咩呀？」我實在沒什麼閒情逸致聽她說過去，著她趕快道出重點來。
 
「你無時無刻咁諗住人呢，其實唔會改變到啲咩，反而會令到你個腦聽唔入上堂教既野。你要做既，係改變你個人同性格。」
 
「話改就改咩？」說到底，還不是廢話嗎？
 
「你係鍾意人既，冇野係改唔到……」miss.tin步回教員室前，留下了最後一句。
 
「鍾意人既，就咩都唔好諗咁去馬啦，青春唔係好多架﹗如果唔鍾意既，就唔好再花咁多時間響佢身上，專心讀書啦。」
 
或許在自己將來的道路是怎樣，自己也不知很清楚了解，但在此時我只有一個希望﹕就是不管之後的路是如何，我都希望身邊一直陪著我走的是cynthia。




 
若然大家都有試過等待人時，你便會明白是有多麼的難堪。你不知她會否出現，而你又不想放棄，但你心中卻盤算著最壞打算……