每個人，都試過鍾意一個讀VA既女仔: 第三十九章

「如果咁樣落去既話，會唔會真係俾你溝到佢架。」與CYNTHIA食過飯，再約她回到學校後，我也回家洗澡，隨即與加拿大仔和肥正二人打機通話。

「乜你好唔想我溝到女咩？」

「唉你地就好啦，依家得返我一個啦。」

「大佬，我連叫你陪我食飯都唔肯呀，唔通個天真係會跌條女去你屋企咩？睇住呀，上路唔見咗。」肥正沒好氣地說。

「喂，不過講開又講，其實CYNTHIA都冇你同KITTY講得咁差啫。」





「我邊到知咁多喎，平時都係KITTY同我講架啦。不過CYNTHIA響佢嗰班到又真係冇乜朋友，啲人話同佢相處唔到喎。」

「吓？點解呀？」加拿大仔八卦問道。

「好似話咩條女好反社會人格，又唔鍾意同人相處，乜咩都唔鍾意……總知就好厭世啦﹗」

「係咩？但係聽佢講，佢同佢班VA人都好團結喎。」我忙著應付敵人，隨便地回答著他。

「咁佢地全部人都有問題架嘛，實傾得埋架。」





「喂，你信唔信我唔GANK你嗰條路？」聽到肥正有意無意是說CYNTHIA壞話，戓多戓少有半點不爽。

「做緊咩？」一記Whatsapp信息傳來。

好了，現在出現了一道十分危急的問題。

CYNTHIA搵我，到底我應該揀打機，定係揀佢呢？

你話呢？





「冇呀，睇緊書啫，做咩呀？」聽說，說善意的謊言不會下地獄。

「如果打電話俾你既話，阻唔阻你？因為我唔想打字。」

「朋友們，再見啦。」我於SKYPE說下遺言後，立馬打電話給她。

「做咩呀？」我的聲線變得無比的溫柔。

「悶。」

「咁……我陪你傾吓計好冇？」與此同時，我也正專注於螢光幕上，實在分身不暇。

「嗯。」

等等先……好似有問題。





「做咩……咁冷淡呀？」我試探一下她的反應。

「唔開心。」

「講嚟聽吓啦。」因我所控制的角色死亡了，所以我得以專心於解決CYNTHIA的炸彈。

「我唔係唔知點解啲老師個個都咁八婆，連人地做咩都要管住。」她的忍耐力終於到了爆發點。

「你講緊……Miss.Wat？」對喔，她不是十分崇拜Miss.Wat嗎？

「嗯。」

咩話？





「佢見到我地今日響條街到……之後我一返到學校就係咁俾佢抽水。」

「對唔住呀……我真係冇諗過會咁……」的確，今天的我是過份衝動。

「之後成班人都要一齊笑我……真係好憎同人相處交流。」CYNTHIA喝了口水繼續道﹕「好憎呢間學校，好憎人類。」

「你冷靜啲先啦……」我覺得她的反應避免有點過於敏感。

「你唔係我，你唔知佢地點話我﹗」

「……」我無言以對，同時肥正打在遊戲裡打字道﹕「你條仆街如果再唔郁既話我就檢舉你﹗」

「我真係好想快啲畢業，唔想再留響呢間學校到。」

藝術家性格﹕非常敏感同時亦好厭世，導致好難同人相處。





「唔好諗咁多啦，訓一覺就冇野架啦。」我嘗試安慰著她，但總覺得帶著半分敷衍。

因為再不玩遊戲的話，恐怕真的會受到肥正的檢舉。

「我發覺同完你呻完之後呢，係會唔知點解特別嬲。」這問題十分簡單，因為我正在幹大事呀﹗

如果你唔係響我打緊機既時候打俾我既話，我相信我會更加有耐性。

「其實好小事啫，你咪唔好理佢地囉。」也許……是我不太懂得女生的心在想什麼吧。

「算啦，冇野啦。」

「唔係……對唔住……」我再三止住了角色的動作﹕「咁你依家想點呀？」





「咩都唔想，我剩係想靜吓，再見。」

就這樣，cynthia便掛斷了來電。