每個人，都試過鍾意一個讀VA既女仔: 第三十二章

我這番舉動，說穿了就是把我和CYNTHIA的友誼放上了賭桌上，但照KITTY說的話，如果我不這樣做，我定會後悔一輩子。

「我唔係一個平易近人既人，身邊既人都因為我啲脾氣而離開我。」

「我唔會……只要你唔趕我走，我一定唔會從你身邊消失。」

「條路自己揀，仆街唔好喊。」她還是未有正面回答，只給了我一句十字金言。

「你既意思係……」





「早啲訓啦，屎忽。」在這句話後，是一顆紅色的愛心符號。

睇嚟呢晚，我會訓得好甜。

好甜。

「戀愛大師，你完全估錯晒喎。」

隔天，加拿大仔於班房拿出他剛剛於M記購買的早餐大無私樣地吞嚥著﹕「傑哥仔得米喎。」





「你聽清楚先啦，依家條女係話肯俾佢追，有話追到手啦咩？」肥正搶過他的薯餅﹕「真正既情場高手，呢個時候先會發功。」

「我就唔信佢係你口中既情場高手啦。」我正趕著抄寫功課，頭也不抬的回應著。

「呢啲咪高手囉。」

就在此時，肥正的目光再也不在我們二人身上，而是桌下的手機。

「做咩呀，條女搵你？」我瞄了一眼後隨即再專注於功課之上。





「嘻，我呢啲兒女私情小事啦，你嗰邊大件事啲。」肥正乾脆把手機放進書包裡，好讓無法得知有否信息。

「唔係喎，聽講唔小事架喎……」加拿大仔自覺說多了話，立馬合上嘴巴。但還是被肥正揪個正中﹕「邊個同你講架？」

「傑哥仔今早返學撞到我，之後同我講架。」

「咁你又響邊到得知呢？」

「咪就係從你條女口中得知囉，好心你啦，著緊佢多啲有幾難喎。」我總是認為肥正身在福中不知福。

「你啲細路仔，邊到明咁多呀。」說到這裡，肥正忍不住搖頭嘆息。

「唔明咪講到我地明囉。」加拿大仔「八公」的性格又再次出現。

「冇既……咁一齊耐咗，自然就會冇好似一開始嗰時咁熟情架啦，咁咪可能見少咗佢，關心少咗佢囉。」





「咁見返多啲，關心佢多啲咪得囉，好簡單啫。」加拿大仔對症下藥道。

「你咁死蠢都諗到，你估我諗唔到咩﹗不過佢又覺得我係扮野，唔係出至真心喎。」說罷，肥正忍不住無奈地笑了一聲。

可是，我愛莫能助。

「咁……點算？」我無法想像這問題有什麼解決方法。

「我都唔知，不過如果一直都係咁既話……你明架啦。」

「有咩唔啱咪約出嚟三口六面傾晒佢囉。」加拿大仔依舊一臉「I DON'T GIVE A SHIT」的樣貌說著。

「唔啦，廢事啦，拖得幾耐得幾耐啦，話唔定個問題會自自然咁冇咗呢﹗」肥正無可奈何道，從書包中掏出英文教科書。





「係喎﹗我又唔記得第一堂係英文﹗」加拿大仔立馬跑回自己的座位上等待著MISS.TIN的來臨。

「又話自己好鍾意MISS.TIN，連幾時上佢堂都唔知﹗」肥正暗笑著。

「你見佢上次英文個分同我一樣就知咩事啦，嗰期見邊個靚就話鍾意邊個，係一隻好純正既狗公。」

「不過講開又講，我都係好懷疑你個女神。」

「正哥，我知你好擔心我，不過你就即管俾我試一次好冇？」CYNTHIA昨天發給我的信息，現在還刻進我腦海中。

「我唔係唔俾你試呀，只係……」

「咁你就唔好再成盤冷水由頭淋到隻腳到啦。」這句話的道理簡單得很。

條路自己揀，仆街唔好喊。





「有咩幫到手既，即管開聲。」肥正從後拍拍我的膀臂，無形地給予了我一股極大的力量。