《我係窮郵差，專門幫陰陽相隔嘅親人送信》（書局上架中）: 124

 
 
「下面無回應呀，好似當無哩件事咁。」
 
 
「咁奇怪？」
 
 
我返到房，無嘢做之下，就上網睇新聞。
 


 
咁啱啲媒體開始整專題訪問，研究近期大量出現嘅自殺事件。
 
 
記者喺一邊訪問專家：「陳教授，近期咁大量嘅自殺案件出現，好多人都話同社會風氣轉壞有關，你又點睇呢？」
 
 
書卷氣深濃、金絲眼鏡嘅教授回應：「社會風氣同人一定係有關係，因為人係群體嘅生物，當大量媒體報道，有所謂自殺潮出現時，確實會令更多人選擇死。」
 
 


「即係風氣係主因？」
 
 
「不過咁，通常自殺潮都會有特定嘅身份，例如學生咁，今次就⋯⋯」
 
 
「咁究竟點解會出現咁大量嘅事件呢？警方都話案件亦無任何可疑的地方。」
 
 
教授神情嚴肅咁講：「暫時都未能夠解釋到哩啲事點出現，唯一比較似嘅線索係，好多自殺者都聲稱喺夢入邊見到一個男人，哩一個男人會唔會係關鍵呢？又點解會咁大量嘅人目睹哩一個男人呢？」


 
 
記者點點頭，連番同意咁樣講：「無錯啊，哩件事都喺網上面瘋傳。」