《我係窮郵差，專門幫陰陽相隔嘅親人送信》（書局上架中）: 99

 
 
「阿哥。」
 
 
「嗯？」
 
 
「你係咪已經準備好啦？」
 


 
「乜嘢？」
 
 
「之前你講過，話有啲重要嘢想畀我同媽咪知嘛。」
 
 
「嗯⋯⋯我會準備。」





喺哩個時候，王胤瀅打斷我問：「咁即係咩事？」
 
 
我望住碗拉麵濃郁嘅湯，真係諗唔返係咩事。
 
 
「我一時講唔返⋯⋯」
 
 


「喔⋯⋯你係咪失過憶？」
 
 
「我都唔知。」
 
 
佢點點頭話：「咁你繼續講，可能之後會記返起一啲嘢。」
 
 
接連嗰幾日，我都收到嗰個人寄嚟嘅WhatsApp，但我一直都無回應過。
 
 
直至佢嘅一則訊息係咁：「你會有危險。」