《我係窮郵差,專門幫陰陽相隔嘅親人送信》(書局上架中): 82
佢叫得出我嘅名,即係代表佢真係識我,但問題奇怪嘅係,我的確唔認得哩個人。
「你到底係⋯⋯」
「我係你朋友,我哋成日都三個人一齊玩嘅阿龍。」
阿龍。
哩個名好似藥引咁令我個頭有撕裂嘅感覺。
佟蓳萓嘅聲音又喺我腦海浮現。
「我介紹一個好玩嘅朋友俾你啦最多,當係多謝你幫我補習啦,又教我識字。」
「我介紹一個好玩嘅朋友俾你啦最多,當係多謝你幫我補習啦,又教我識字。」
「佢叫阿龍呀。」
「我真係唔記得你⋯⋯。」
「你真係⋯⋯唔認得啦?」
「唔好逼我⋯⋯」我用力推開佢,將佢反倒喺地,然後一邊拼命狂奔,一邊話:「我真係唔識你!」
「唔好走!」
佢仍然喺後面對我窮追不捨,我究竟做錯咗啲咩事?