《我係窮郵差，專門幫陰陽相隔嘅親人送信》（書局上架中）: 64

一邊離開陳太太嘅木屋，王胤瀅一臉不解咁問：「點解陳太會咁激動嘅？仲有份禮物⋯⋯」
 
 
「我都唔知⋯⋯」
 
 
「正常心愛嘅老公寫信畀佢，佢激動都好正常，但佢哩種激動又唔似係⋯⋯開心，同埋手扣會唔 會奇怪咗啲⋯⋯」
 
 
我一樣唔太明白。


 
 
「咁而家去搵你媽媽先。」我話。
 
 
王胤瀅點點頭，忽然一把神秘嘅女聲唔知喺邊度傳出，大聲咁叫：「小心呀！」
 
 
我哋轉身，
 


 
「啊！」
 
 
原來一隻黑色嘅守衛拎刀企喺我哋後前。
 
 
龐大嘅身驅、兇惡嘅面貌，又好難怪人唔驚嘅。
 
 


「放心，佢哋唔會⋯⋯」我正想話無事時⋯⋯
 
 
剎那間，隻守衛喺我哋未嚟得切反應，已經一刀揮斬過嚟我哋中間！