《我係窮郵差，專門幫陰陽相隔嘅親人送信》（書局上架中）: 62

 
 
陳太太大概三十到尾，風韻猶存，睇得後生嘅佢應該迷絕唔少人。
 
 
「你好陳太太，我係嚟自人間嘅郵差，受親人嘅委託，有信畀陰間嘅你，而哩位係⋯⋯」
 
 
「佢嘅助手。」正當我係度諗點介紹王胤瀅時，佢又再次搶先一步講。
 


 
「⋯⋯」
 
 
「人間嘅⋯⋯信⋯⋯？」陳太蹙眉問。
 
 
「無錯呀。」
 
 


佢一邊接過我手上嘅信，一邊小心翼翼問：「係⋯⋯邊個畀我⋯⋯？」
 
 
「係你老公。」