《我係窮郵差，專門幫陰陽相隔嘅親人送信》（書局上架中）: 44

 
「點解你會做哩種工嘅？」搭緊叮叮，穿越中央圖書館時，王胤瀅一臉八卦咁問。
 
 
「搵錢囉。」我無望佢就咁講。
 
 
「得哩個原因？」佢好似有啲唔信。
 
 


「如果妳聽要啲好偉大嘅原因，我就無啦。」
 
 
「只係大把工都可以賺錢啦，洗乜一定要哩份？」
 
 
「你知唔知人死咗，點解要留喺煉獄？」
 
 
「為咗賞還自己嘅孽，還清先可以去下一個地方。」


 
 
佢好似唔太理解咁望住我。
 
 
「人嘅人生，好多時其實就係造孽同還孽之間徘徊。」
 
 
好快咁，我哋就到咗目的地，香港大學。
 


 
我哋約咗係香港大學嘅圖書館見，係古書群之中，見到一個頭髮花白，但應該只有四十幾歲嘅男人。