《我係窮郵差，專門幫陰陽相隔嘅親人送信》（書局上架中）: 35

王媽死咗之後，王胤瀅成個人好似無咗靈魂咁。
 
 
「喂，妳唔好做傻事呀。」喺醫院嘅外邊，我同佢講哩句。
 
 
但行唔夠幾步，佢依然都係呆下呆下咁行，我諗由佢一個人，應該同送佢去死無分別。
 
 
我決定留返低。


 
 
我哋去咗堅尼地嘅海旁，佢坐喺海邊，一路望住海一邊飲酒。
 
 
佢飲到係咁咳，一睇就知佢係一個唔識飲酒嘅人嚟。
 
 
「唔識飲就唔好飲啦。」




 
「我唔係好明⋯⋯點解個天會拎走我一切嘅嘢。」
 
 
佢哩句說話係指住佢屋企講。
 
 
「妳哋最後都見到一面呀，而且王媽媽都知道妳已經無誤會佢，我諗係最大嘅安慰嚟㗎啦。」
 


 
「但我欠佢嘅嘢，點樣都還唔返畀佢⋯⋯我⋯⋯好憎欠人嘢⋯⋯」
 
 
「我明。」
 
 
「你明？」你知無咗親人嘅痛咩？」