《我係窮郵差，專門幫陰陽相隔嘅親人送信》（書局上架中）: 29

 
「哩層⋯⋯」娟姐諗咗一諗：「我都無辦法解釋，不過人間係⋯⋯」
 
 
「係無鬼，只有陰間嘅人呀嘛，我明白嘅。」
 
 
只係我一直諗緊王胤瀅嘅案件。
 
 


係屋企發生嘅事，無論係我無啦啦去咗第二張床，同埋檯上面出現生果都好，的確好奇怪。
 
 
「總之聽你前輩講嘢就無死。」
 
 
「我知道，係佢救返我一生，我點會敢唔聽佢說話。」
 
 
「同埋⋯⋯哩排你都係小心啲啦⋯⋯」


 
 
「點解咁講？」
 
 
 
娟姐突然聲線壓到好低，靠近我耳仔講：「你都知你老細不嬲都搵緊方法慳錢㗎嘛。」
 
 
「但我人工都已經唔多啦畀佢壓到。」


 
 
「問題同另一個世界交流，洗費大嘛，就好似嗰對『門』。」
 
 
「我估佢唔會掛。」
 
 
「人呀，其實咩都做得出㗎，你唔好諗到咁美好。」
 
 
「嗯⋯⋯我都係處理好手頭上嘅事先再諗哩啲。」我望住王胤瀅寫好嘅信。
 
 
唯一嘅辦法，睇嚟真係要落一落陰間，睇下究竟發生咩事。