《我係窮郵差，專門幫陰陽相隔嘅親人送信》（書局上架中）: 26

 
其實我真係好想說服佢，不過真係唔知點可以同哩一個女仔講清楚。
 
 
然後我哋一直喺客廳度等，等呀等，都唔見有啲咩特別嘢發生。
 
 
「我想講⋯⋯妳屋企有無咖啡？因為我⋯⋯」
 
 


點不知我望向佢，佢已經一早瞓咗，仲早過我，總好熟睡嗰種，點叫都叫唔醒。
 
 
⋯⋯
 
 
第一次見到有人係咁。
 
 
喺等待嘅不知不覺間，我都一齊瞓著咗。


 
 
直到我塊臉覺得有啲㾗癢嘅感覺，先至張開眼，第一眼就見到王胤瀅喺我嘅臉前盯住我。
 
 
「嘩！」我嚇到彈起身，唔小心推開咗佢，搞到佢跌咗落地下。
 
 
「唔洗咁大反應呀⋯⋯你終於醒啦？」
 


 
「對唔住⋯⋯但妳鍾意用啲咁剌激嘅手法叫起身㗎咩？」
 
 
「唔係呀⋯⋯」她搖搖頭，好似有啲嘢想講又無講咁。
 
 
「唔係咩呀？」
 
 
「你琴日係自己入嚟瞓㗎？」