【無限輪迴】【Sad End】缺乏愛的人 唯獨有這點英勇: 0之5 初嘗酸（3）

星期六，我就比一個旱天雷一聲響弄醒了。竟然比預較鬧鐘的10點鐘早了1小時，於是我就早一些梳洗以及裝扮一下，務求以一個最佳狀態去見夏薇。


最後我選了紅黑色的格子襯衫，一條粉藍色的直腳牛仔褲以及一雙米白色的converse低筒鞋，以當年來說可算是時髦了。


然後11點鐘我就開始由元朗出發到天水圍銀座戲院。沿途我就發短信給夏薇，看看要不要預先買些甚麼。原本應該早一天去做這件事，但自昨晚起她就沒有回覆我的短信。直到約定時間，她終於回覆了。她這樣說：「你返去啦，我今日唔會出來。」我問：「無啦啦咁發生咩事？」隔了一會她都沒有回覆我，我就打了兩次給她。可是，兩次都被她掛斷了。
然後再過了半小時，她就發了個短信給我說：「諗清楚之後，我覺得我地都係做朋友會好啲。」






愕然之際，她再發多個：「原因就係，你應承過我短期內你唔會講比其他人聽我同你發展中嘅事，但結果你同左幾多個人講？你唔好怪人地做咩喺我面前講，只係咁啱見到我同你啲message，就幫你講好說話。原本係好事來，但你應承過唔同你講㗎嘛。如果咁小事你都無口齒，我可以相信你比嘅承諾嗎？」原本想否認，但記起早幾日打機時我確實有問羊咩佢地意見。我就說：「對唔住，係我錯，你比次機會我啦好嗎？」她就說：「總之我已經決定咗，唔好搞咁多嘢令到朋友都做唔成。」然後，她就沒有再回我信息。


究竟發生了甚麼事？好混亂，我真的摸不著頭腦。自從那天起，我跟夏薇都沒有談過任何話，一句也沒有。


經過幾個月，過了一個冷冰冰的聖誕假期、新年假期。放年假前的一天放學，籃球隊的教練都是學校最大的體育老師李sir招攬了我加入籃球隊，好像是因為欠缺一個高大的人打中鋒。而我當時中一已經有175cm嘅身高，當然無咩問題。於是一放假我就展開了只有自己一人的秘密特訓。


3月的某一個晚上，我再次收到夏薇的信息。她說：「張柏浩你點呀？聽佢地講呢個假期你都唔見咗人，你究竟做咩？你之前都唔係咁。」我當下又驚又喜，但生怕又跟她會像之前一樣，於是我說：「無呀，都是咁呀。不過多左嘢搞咪無蒲頭。」隔了一會，她說：「但你係咪有必要同佢地講聲？你知唔知佢地擔心你？佢地係咁問我你發生咩事，我就係唔知你咩事先搵你。」原來只是看看我怎樣，於是我說：「無穿無爛好地地，做咩鬧我先？」她說：「唔開心唔係大曬，你估我唔知你為咩唔開心？」不妙，如果這樣她又對我不理不睬怎辦？於是我就向她說了個謊：「no la，我只係煩惱緊關於Heman嘅事喇。（Heman是我班的一位女同學）」隔左一會，她就說：「睇錯你，原來你嘅中意同愛係咁嘅一回事，不知所謂！不過你中意啦，最緊要你唔好再咁喇。」






其實你又明不明白我最害怕的是由無話不談變成無話可說？