煉獄屍港: 第十九章 - 小時候

『如果我可以早D來到老媽子就唔會…就唔會…變成喪屍。』我自責地說。

『係我保護唔到你老媽子…係我錯…係我錯…係我錯…』老豆砸地飲泣說。

我做左三十年人都未過老豆傷心到砸在地上飲泣，終於我也忍不住淚水，攬著老豆痛 哭……

『點解…點解…香港會冇啦啦攪成咁?點解會無啦啦有喪屍?點解！』我痛哭地不停重覆說著。

『諾銘，你媽媽已經變左喪屍係事實，節哀順變。』Wilson拍拍我膊頭說。





我一手撥開wilson隻手。

『老媽子就係老媽子！佢未死！』我激動回應wilson。

『你清醒下啦，你自己都見到剛剛你老母想咬我地丫，佢已經變左喪屍啦，你唔諗住帶埋隻喪屍一齊走！』Wilson不客氣地說。

『你講乜能野！』我一拳揮向wilson臉上。

『打9我？接受現實啦！』wilson還擊。





但我此終有傷在身不敵wilson , wilson 壓在我身上。

『而家呢個情況生死真係好能平常，我地而家同件會識行既食物無分別，一行出去隨時就比喪屍食，權哥單野你唔係咁能快唔記得！末日來臨好多泯滅人性既仆街都會出哂來隨時攞你命，又要驚喪屍又要防仆街，你仲有時間傷心！』wilson壓在我身上恕說。

我…沒有回應wilson我選擇了沉默數分鐘。

『我天生就有心臟病，記得六歲個年剛剛讀完幼稚園我就要入醫院做一個心臟大手術，老媽子同我講個手術只得5成機會成功失敗左我就會死，但如果唔做我就過唔到20歲，最後老媽子選擇搏一次，個手術要人做6個小時老媽子坐起手術室門前等…等…一直等我呢個衰仔出來…我好好彩當時原來有個女仔與我一樣做相同手術，我就手術成功推得返出來，但個女仔就失敗……

之後我留院個兩個月老媽子每日都會過來探我，我住瑪麗醫院但我從前住新界，以前交通無現在咁方便，一來一回都要成4個幾鐘但老媽子唔怕辛苦每日都會來探我呢個衰仔，仲會單老婆餅比我食又有玩具玩，每次見到老媽子我都會好開心，但每次她一走我就喊個不停。





個陣仲好細個，但我好記得有一次我唔想再住醫院我夜晚偷走出院，但最後都比護士發現她們驚我再偷走之後綁住我隻腳唔比我離開將病床我喊到收唔到聲。

老媽子教我接紙心心，個陣佢仲話接多三十張我就可以出院，個陣我得六歲學摺心心簡直難隨登天，不過就係因為要摺心心我就沒有喊叫出院。』我流著淚同wilson說

『…對唔住…』wilson扶起我。

我慢慢起身行前去老媽子身邊，在褲袋拿出一個紙心心。

不停發狂掙扎的老媽子見到我手上的紙心心，突然沒有掙扎那對反了白的雙眼望著那 個紙心心上寫著的字句。

就係這個時侯外面突然有數聲巨響。