煉獄屍港: 第七章 - 衝突(2)
肥輝牛肉刀與我的身體心臟位置只差咫尺之間，任何人都來不及阻止，一剎那間我覺得我自己生命已經危在旦夕，突然間把刀停止沒有任何郁動就連肥輝動作都靜止了，原來我下意識之間發動了我的超能力。
權哥見到肥輝動也不動即時大叫：『喂！停起到做咩丫！郁手啦！！』
當然肥輝呢個時侯點到郁唔到因為我現在控制緊他的身體，他無奈地說：『權哥唔係我唔想郁手，
而係我唔知點解郁唔到……』
權哥破口大罵：『吊！你鬼上身丫！？郁唔到！』
『可能真係……』肥輝無奈地回應。
『一陣真係餵你食屎！！』權哥大罵。
正當他們分心對話時，我本想控制肥輝揮刀向權哥攻擊，但此時頭覺得很痛很痛差點令 我集中不到精神，所以我沒有做出這個舉動，雖然我沒有控制肥輝做出其他行動但我成功 令他停止了動作，我趁這個機會還擊。
我一手搶去他的牛肉刀，然後去到他身後，『呢一刀我還返比你。』一刀砍向他背部，隨即 應聲倒在地上，因為佢肉厚這刀不會令他致命，KO了肥輝後我即刻想上前幫stanley 但 我突然覺得頭暈暈雙腳撐不起身體，正想倒下時有人扶住我。
『諾銘，死得未丫?你背瘠流緊血wor。』stanley問。
原來扶起我既人係stanley，佢唔講我都唔記得我背瘠流緊血，比人砍一刀又用超能力唔怪 知我會腳浮浮。
我躲在地上虛弱地答stanley：『個刀唔係太重……止到血就無事……個兩個金毛男你攪掂左??』
Stanley唔知起邊度搵到塊布即時幫我包紥傷口跟手指指我前方說道『只不過係D臭飛古惑仔唔難對付。』
佢係一個受過訓練既紀律部隊他一身肌肉已經正明了我擔心佢係多舊如。
『我抖陣就無事，你過去幫wilson佢地』我說。
我和stanley 視角轉向 wilson 個邊但我眼前見到的畫面我有小小唔相信係事實。
黎謹既然用鐵鎚還擊令其中一個手拎牛肉刀金毛男節節敗退，黎謹揮鎚速度越來越快力度 亦越來越大，金毛男只能勉強迴避格擋，看他表情都相當辛苦，所以他想還擊係唔會有可 能的。
但不知是否我有傷在身有小小眼花，我見到黎謹臉上是笑但呢種笑係興奮既笑。
終於金毛男有一下迴避不到比黎謹用鎚大力咁打中隨即甩開把刀，但黎謹沒有給金毛男有 喘息機會飛身噗上金毛男身上，有一刻我以為佢變左喪屍噗上去咬金毛男，原來佢噗上去 用鎚喪扑金毛男身體。
『你剛剛用邊隻手拎刀?』黎謹笑著問金毛男。
但我覺他的笑容令我有一點心寒……之後恐佈既事就發生。
『關你能事丫！』金毛男用粗口回應。
黎謹一邊搖鎚仔一邊向金毛男說：『關我能事？唔關我碌能事嫁。』接著黎謹用空洞眼神望向金毛男在從口中一個一個字吐：『我 問 多 你 一 次 你 剛 剛 用 邊 隻 手 拎 刀 ？』
金毛男發難：『死癲仔！！！關你能………呀呀呀呀呀！！！！！我隻手丫！！！！！！！』
未講完個『事』字金毛男突然大聲慘叫，原來黎謹已經狠狠地用鎚扑落金毛男右手掌心。
『問極你都唔講我唯有自己估。』黎謹繼續用空洞眼神望向金毛男說。接著再說『唔知我逐隻手指咁扑落去你ｈｉｇｈ唔ｈｉｇｈ呢？』黎謹笑望著金毛男。
『救……救命丫……佢……佢癲嫁！！』金毛男驚恐地求救，『呀呀呀呀呀！！！』金毛男再一次慘叫。
黎謹先由右手尾指開始扑，扑每一下金毛男都痛不慾生地慘叫，右手每一隻手指都被黎謹 扑到扭曲及變形，但黎謹臉上充滿著一個滿意的笑容，終於金毛男忍受不到痛楚暈下來了。
呢刻我真心覺得黎謹仲恐佈過喪屍……
此時另外兩個金毛男衝上去想救被黎謹捉住的金毛男，但比wilson 及 Stanley 攔住。
原來我食緊花生既時候 Stanley 已經行動緊。
此時 Austin 行去黎謹身邊抽起他的衣袖說：『你好同我走！』
『係咪出黎抖下氣都唔得丫？人地既大佬』黎謹說。
Austin沒有說話只是怒視一下黎謹，黎謹接著說：『走囉，唔洗咁兇既。』
話畢，黎謹好似鬼上身咁合上雙眼陣了一陣，之後開眼：『Austin 做咩事??』
雖然不明白Austin及黎謹點解有咁既舉動，但呢刻不是想其他事的時候。因為我地成個打 鬥過程忽略了一個人……就係權哥。
權哥突然大叫：『你地全部都唔郁，再郁佢地就冇命！』
唔知起幾時原來權哥已經捉走左麗慈、進仔、王師奶仲用膠紙封實她們的口。
『你唔係好好打嫁咩??』權哥問。
『你個仆街，放開麗慈丫！！』wilson 憤恕說。
『我唔放你又吹得我漲咩?』權哥輕佻說。
此刻 Wislon 氣在心頭衝上前時，權哥重重一腳踢落王師奶肚皮上，同時他吩附另外兩個 金毛男撕開麗慈及進仔口中膠紙。
權哥不停踢王師奶，但王師奶仍然被膠紙封口因此不能叫出聲。
『嗚嗚嗚…嗚嗚…唔唔…好再……踢媽咪』進仔抽泣地喊著說。
『小朋友我都唔想踢你老母嫁，鬼叫個哥哥要衝上黎，叔叔驚驚丫，我一驚隻腳就唔聽話。』權哥陰險微笑說。
『小姐，你仲唔叫你條仔退後我就繼續嫁啦。』權哥說。
『wilson，唔好衝動你行返後先，再後咁王師奶會死嫁』麗慈勸導wilson。
Wilson無奈地行退後，如果我唔係有傷在身我一定會用超能力攪9佢。
氣話還氣話，但現時我地既情況真係束手無策。
『你而家想點?』stanley 問權哥。
『警察哥哥又重復問問題，我想點你唔係唔知。』權哥答stanley。
Stanley 沒有出聲回答只有恕視權哥。
『個師奶仲有用，捉埋佢入去。』權哥指揮著金毛男。
正當權哥他們一行人步入街市時，再橋的遠處聽到一連串咆野獸的哮聲…………….