被創造的黑暗世界: Ch2 《迷城》
推開命運之門，進入命運門廊。
……………………………………………………………………………
回到小羽家後，費達將日行的傷口包紮好，也向他不忘道謝。「Ok 啦！多謝你保護小羽。」
「舉手之勞啫。」
「費達先生，頭先嘅事你有咩頭緒？」小羽向巨熊問起情況。「點解有人想將我帶走？」
「係因為……你身份特殊，刺客組織想帶你番去研究。」
「因為我係吸血鬼？」
「部分正確。係因為佢地太難搵到流浪吸血可以鬼。」
「又係喎……我噤耐以來一個同類都未見過。唔通佢地曾經神秘消失？o_O」
「唔係呀！故事說來話長，好耐之前，人類被演化出來，其後，又進化出獸人、吸血鬼同超能力者。人類成為人數最多，卻係能力最差嘅物種。為左排除異己，佢地將亞人們趕到地底，亞人又將地底建立自己嘅國度。當然，地上世界同地下世界係唇亡齒寒嘅關係，地上的繁榮係靠亞人嘅努力，人類實在太可恥！」
「我突然覺得好羞恥，話時話點樣落去地底？」日行稍為緩和了現場氣氛。
「陳同學，地底世界的黑暗唔係人人都承受倒，你確定要進入黑暗世界，只為滿足自己口既好奇心？」費達一句冷箭嚇得日行咽了一下口水。
「佢嘅意思係地底嘅事太殘酷，可能傷害到你弱小心靈。(^_^;)費達先生唔好再嚇親人啦！」
「地底同地面嘅連接口係好隱蔽，凡人不能隨意發現，只有獲得認可嘅人才可以進入其神秘境界。」
「入口好難揾，唔知就好難入，知道位置才可進入。╮(╯▽╰)╭」
「呢個就係入口位置，要生要死，自己決定。」巨熊從口袋中掏出地圖並放在桌上。
日行小心翼翼打開地圖：「入口竟然係……」「冇錯，全部都係。紅圈嘅位置同數量可以證明地下世界嘅巨大無比，亦係人類冷血嘅證據。」
「佢地花左幾多年造？」
「花左一個世紀喺世界各地建造，花左一個世紀收埋呢個秘密。」
「咁仲收埋咗咩？」
「一個真實世界。唔通亞人唔係人，地底生活唔係世界嘅一部分」
「大叔，我決定左要去，去揭發佢地嘅陰謀。」
「我都要去。」小羽望向巨熊。「我想搵我嘅同類。我好孤單，我想認識佢地。費達先生，求下你啦！」
「但係我花咗禁耐就係為咗避免你被佢地揾到？」
「而家都有人揾到嚟啦！唔通你要我被佢地就咁捉走！」
「如果你係要咁，冇人阻到你。」
費達將地圖交比日行。「交比你啦。仲有，一定一定要小心林桀。」
日行離去。小羽和費達也分別回到自己的房間。小羽不斷地思索着神秘的地底世界，期待地等待探索新世界，不，回到「家」的機會。
而費達則目不轉睛地望着一幀照片，照片上有着一對與別不同的年輕情侶，男的長着圓圓的耳朵，而女的有着尖尖的耳朵。
巨熊默默地歎息着：「十六年了，機會終於來到了，不，係大魚上釣了。索妮亞，計畫終於成功，終於可以揾到嗰個可惡嘅生化人。」
……………………………………………………………………………
幾日後，日行在地鐵站月台默默等待女神出現。
他心想：政府將口設計成地鐵站，是為了甚麼？方便運輸還是其他用途呢？但係依地圖上所示，地底人要經過一條長樓梯，才能到達地鐵站。不管了，這次我要幫幫小羽，為了……
他突然感到頸部有明顯刺痛，嚇到他毛骨悚然，立刻轉身一看，是個乳臭未乾的吸血鬼。
「我還打算將你的血吸到一乾二淨，你做咩轉身？」
「你做咩舉起兩隻手指，一睇就知係惡作劇。」
「我諗住做勝利手勢啫……慶祝我成功吸到你D血！Y(＾_＾)」
「夠啦……係時間入去參觀。」
「係呀！地底世界，我嚟啦！」
他們走到月台末端，前面有一道鐵門。
「門上面除咗貼住不准進入，我都睇唔到任何野喎？唔通張地圖係假嘅。但係……」
「問號？」
「我曾經見過有個啊伯入咗去，佢明顯唔係職員。唔通佢係白撞？」
「吓？你話你見唔到有字？我見到大大隻字寫住第176號通道喎，仲有寫住，凡讓機密散播者，將會受到亞人事務及管理局拘捕。」
「有字？」
「係啊！我睇到但係你睇唔到噤奇怪。」
「可能係專登令人類見唔到而設計。」
「其實，我第一次嚟哩到，係費達唔比嚟……可能佢一早就知道地底嘅事。」
「但係，點解佢到而家先比你去地底？真係奇怪。」
按照地圖上的指示，他們趁其他人唔注意時打開鐵門，偷偷地潛入。果然有一條往下的長樓梯，緣樓梯而下，到達一個入口。日行推開大門，都被眼前的景象嚇壞。
地底城市是個大岩洞，洞底有數之不盡的蒸氣工廠，不停冒出蒸氣推動着齒輪運行，就像回到過去般。
他們走進這座地下都市，看到的是數之不盡的獸人在辛勞地工作。小羽不斷地利用自己的紅外線視力，掃視周圍的人。
「我嘜嘢都揾唔到，任何一個同類都搵唔到。」
「哩到只有獸人，其餘嘅吸血鬼都唔知去曬邊？十分奇怪。」
他們走着走着，發現自己被人用同樣的目光看着。
「唔同我地先係異類？」
「你終於明白我嘅感受……等陣，我聽到有小朋友喊緊。」
「吓？邊到有啊？」
「跟住嚟。」小羽向前衝，日行模模糊糊地跟上去，在城中狂奔。
「等陣啊！我咩都聽唔到喎……」日行跟著小羽跑了二十米也聽不到哭聲。
突然小羽終於停下來了，她環顧四周，搜尋着那微弱的聲音。她走進了一條內街，再走入一條窄巷。「你們喺度做咩？」
日行終於跟上了,他除了看見小羽的身影外，還看到一群惡霸正在欺凌一個小女孩。
「關你鬼事咩，八婆！」惡霸首領轉身向着小羽叫囂，惡霸們是一群可怕的狼狗獸人。「我喺到收保護費啫，唔通你都想試下我拳頭嘅滋味？」
「總之，你欺凌弱小就無恥。」
「吓？D雜種你都保護？佢係半貓人，佢無資格有尊嚴咁生存。你好快D走啦喎，除非……」
「除非咩啊？！唔通，佢唔係人咩？」
「佢係人，低等級D啫，唔忘記你地人類係最低級㗎。」
「低唔低級係你分㗎？」
「睇嚟，你真係好想食一拳……」
首領準備揮一拳時，小弟們突然阻止。「大佬等陣，你睇下佢隻眼……」
「吸血鬼？」首領看到小羽的眼睛，嚇了一嚇？
「如果打佢，恐怕林桀會算帳……」
「今日就咁算數……走啊！」首領和小弟落荒而逃。
「你有冇事啊？」小羽走去那小女孩，那女孩是半貓人，有着白頭髮，一對貓耳朵，一對人類耳朵和一條白色的尾巴。
「多謝你啊…」小貓女可能受驚過度，顯得十分害怕小羽。
「唔好怕我啦。」小羽安慰着她。「我係好人嚟㗎。」
「小羽，頭先班人提起林桀。唔通林桀真係一個危險人物？」日行思索着。「佢地怕咗你，全部逃走曬……」
「走開啊！我唔想同吸血鬼有任何關係！」小貓女突然大叫。
「琪琪，哥哥喺度，你唔洗驚！」突然，一把聲音從他們背後傳來。「等我嚟對付吸血鬼啦！」
那是一隻黑貓，不，是貓人。他提着木棍向前衝，一下子打暈了小羽。
「你也不可以放過！」日行也應聲倒地。
……………………………………………………………………………
「啊！頭好痛……」日行從痛苦中醒來，發現自己身處不知名的地方，手腳也被綁起來。在旁邊的小羽也被五花大綁。「小羽，快D醒。」他將小羽搖醒。
「呢度係？」小羽問到。
一個身影走上前，是個女人。「歡迎來到地下秩序組，你地好快D講你地嘅目的啦，女吸血鬼。我一D都唔驚林桀嗰班人。如果唔講，唔好怪我唔客氣。」
……………………………………………………………………………
另一方面，有一個人站在蒸氣都市的最高點。一隻飛蛾飛向那人，他是253，孤高的他看着繁忙的鬧市。
「搵到嗰隻吸血鬼嗱……但係被班秩序組捉咗？」253從那隻飛蛾身上獲取了重要資訊。「多謝你啊！之後就係我嘅工作啦。」253化作一群飛蛾以及蝴蝶，飛向充滿着迷團的城市中。
……………………………………………………………………………
Ch3 《燈蛾》
在各種孤獨中間，人最怕精神上的孤獨。