新婚前夕, 我穿越了時空: 第七章
由於學校係用單雙日制時間表上堂, 所以第日我係唔會見到君君。
今日LUNCH之前嘅堂大部份時間都係同JON, EDDIE仲有一個叫CAROL嘅女仔做GROUP ACTIVITY
登登~~~就係煮野食啦!
上FOOD& NURTITION嘅好處就係可以食, 連午餐錢都慳返, 真係一舉兩得~
係老師講解完要做嘅程序之後, 我地就分返自己嘅小組開始實習。
根據老師幫我地分工嘅安排, 今
日負責切野嘅係EDDIE, 煮野係我同CAROL, 而JON負責洗野。
可能EDDIE比較少做家務, 所以佢切野比較慢…結果CAROL首先等得唔耐煩
「你切完未呀? 我地鑊都燒紅左兩次啦!」
「等等啦! 你好趕咩? 你咪炒住D洋蔥先囉!」
「炒咩洋蔥姐! 我地要用成個, 你切左10分鍾先切得半個洋蔥! 煮一半唔煮一半呀?」
係CAROAL同EDDIE鬥緊咀嘅時候, JON已經係其他組度偷左D野食(花生)返黎, 佢一路食一路講
「你地唔好嘈啦, 快D煮好過啦! 你睇下人地個組煮得幾好味」
JON你真係拉得一手好仇恨值….為左可以快D落堂, 我決定出手
「EDDIE, 不如比我切呀~我切野好拿手架!」
我係講呢句說話嘅同時拎左EDDIE手上面把菜刀開始切剩低嘅材料, 唔駛一陣已經將要用嘅野預備好交比CAROL
「快D煮啦! 催催催!!」 EDDIE好不屑咁同CAROL講
「你切嘅咩?」 CAROL 不甘示弱還擊, 同時將材料放入去鍋到炒我只可以講嘅係
CAROL煮野食的確係幾香, 而且仲唔係一般香, 連其他組嘅組員都問CAROL可唔可以試食!
「有得食未呀?」面對呢種不可抵抗嘅香味, EDDIE終於都要認低威
「未熟你係咪食呀? 再催就唔比你食!」
我終於第一次親食感受到咩係「要控制男人…首先要控制佢個胃」
可能因為CAROL煮嘅野睇落好真係好好食, JON好快就做好清潔嘅工作, 然後一齊離開班房去試食。
落到CANTEEN搵好位之後, JON 同EDDIE去左買野飲, 得返我同CAROL係度…
我嘗試打開話題去紓緩下呢個咁尷尬嘅氣氛
「估唔到你煮野食咁叻喎」
「係咩? 平時都係間唔中係屋企幫下呀媽手煮下之嘛」
「咁你呀媽煮野食一定好好食啦!」
「OK LA」
然後又係沉默嘅DEAD AIR…..我剩係可以默默咁望住眼前嘅美食, 但係又唔可以自己一個食先…呢刻我真係好想EDDIE同JON快D返黎…
「袁固陸」
有人拍一拍我, 打破左呢個漫長既DEAD AIR拍我嘅人原來係君君, 點解佢會係度嘅?
唔通佢專登黎搵我? 係我仲FF緊嘅時候
「尋晚同你講嘅野你考慮成點呀?」君君繼續講
「UM……」
「唔好UM….啦! 成承我啦, 好冇?」
「嗯, 好啦! 你唔好嫌棄我就得啦」
「唔會, 我去上堂先啦!」
講完呢句君君就急急腳走左。面對住君君嘅主動撘傘, 我感覺到有D怨恨嘅目光望住我….
「你女朋友幾可愛丫」 CAROL 冷冷咁講出呢句
「佢…佢唔係我女朋友黎架! 你唔好誤會呀!! 人地咁靚, 成績又好, 好似我呢D肥仔點配得上佢呀」
「唔係你女朋友佢又會轉堂咁小時間都黎搵你?」 CAROL開始發揮佢八婆嘅本色
「佢數學堂坐我隔離嘅, 佢搵我幫佢手做羽毛球學會既COMMITTEE 姐」
「咁你冇諗過溝佢咩?」CAROL窮追不捨
「傻啦! 我自己知自己事!」
第一次認真去望住CAROL,清爽嘅短髮. 加上對水汪汪又圓又大嘅眼睛, 皮膚比起君君仲要白, 而且身材都好似唔錯....
目測都有C…唯一美中不足既CAROL 咀型唔算太靚。
雖然係咁,CAROL都算得上係班裡面數一數二嘅靚女。CAROL 好似感覺到我視姦緊佢, 佢狠狠咁掘左我一眼
就係呢個時候, EDDIE 同JON都返到黎
「你地返黎就好囉~快D開始食啦! 我好肚餓啦!」 我即刻轉移左CAROL嘅集中力
「係囉! 最衰都係EDDIE, 明明話買可樂, 去到又要三心兩意, 左諗右諗之後咪又係買返可樂!」
「明明係你自己話唔想返去對住個八婆…叫我留耐D….」
CAROL聽到EDDIE 講完呢句, 本來集中係我身上嘅仇恨值瞬間比JON拉走晒, 不愧為我認識嘅人中拉仇恨值最叻嘅人…
「JON 你冇得食!」
CAROL一邊講一邊將頭先係班房打包落黎嘅食物分成2份大1份細, 佢同EDDIE一人一份細嘅, 然後就將大個份分比左我
所以話女人真係唔可以睇小, 佢應該係報我岩岩視姦佢嘅仇, 望住JON對住我份午餐流晒口水, 我決定分返D比佢食
「JON~我同你SHARE 啦!」 我一邊講一邊將我個份分一半比JON
「呢D咪兄弟囉! 識左十年個個都唔分比我! 都係袁咕碌好」
「咁你上次都借左NOTES比我抄姐」
「好GAY呀你地兩個! 我聽日就申請轉組, 唔阻住你地幾個HEHE!」 CAROL見離間唔成有小小唔開心
係我同JON比CAROL窒緊嘅時候, EDDIE 已經食完佢面前個碟野
「你地幾個食唔食架? 唔食我食埋佢架啦!」
「咩唔食呀! 我好肚餓呀!」
因為知道今日上堂會煮野食, 所以今朝冇食早餐就出左門口嘅我一早就餓到個肚咕咕聲響。EDDIE一句說話就比左我同JON一個落台階
「食食食, 你已經成個波咁啦! 仲掛住食」 CAROL 好似仲未下火
「唔好嬲啦~ 我下次請你食朱古力啦, 好冇?」 我嘗試TUM返CAROL
「你話架! 唔記得你就知死!」
LUNCH TIME結束之後我地就係CANTEEN 分道揚鏢係差唔多放學嘅時侯,
「一陣去體育館等我」君君SEND左個短訊比我
「你做乜上堂玩手機咁曳呀?」
「你估我想架? LUNCH TIME搵你你又掛住陪女朋友!」
「我邊度黎個女朋友呀? 你介紹比我?」
「岩岩係CANTEEN個女仔都幾靚丫~」
「個個係同班嘅組員黎架! 一陣去搵你做咩呀?」我廢事比君君再追問落去, 於是轉返話題
「你黎到先再講啦!」