新婚前夕, 我穿越了時空: 第二章

雖然唔知發生緊咩事, 但係我都選擇出左門口先, 因為再賴係屋企唔走肯定有排比咕碌媽哦….因為係轉校生既關係, 返到學校第一件事係先要去校務處報到, 同埋拎SCHEDULE…我仲好記得10年前當我第一次踏入呢間學校, 我今年既councilor 係一個精通8個語言既光頭伯, 突然間返到10年前, 又要由高中開始學起...我應該係用一個咩心態去返學呢…就算我同其他人講我個意思係由10年後既末來穿越返黎我諗都冇人信GA LA…但係我唔搵個人去講我又好難去接受呢個事實, 我剩係想搵個人話比我聽呢個係一場夢, 夢醒之後我一樣係照原定計劃同我拍左拖4年既女朋友結婚, 然後繼續我地安穩既生活…另一方面我又有小小期待呢個唔係夢而係事實, 因為我可以去做返D野去彌補我呢10年裡面既所有遺憾。 就係咁, 我懷住一個好很複雜既心情行左入校務處, 坐左係張梳化上面等入房搵COUNILOR報到…等左大概10分鍾, 果然如我所料, 一個年約60既光頭佬係間房度行左出黎, 然後用一個好詭異既淫笑同住我講
「You are yuen, right? Come with me」
跟住佢入左OFFICE 之後, 光頭佬就介紹佢自己叫NIKKON, 又講左D關於呢間學校既野, 佢教邊科, 可以點搵到佢等等…但係呢一大堆廢話我都冇心去聽, 唔係因為我已經聽過一次, 係因為我一直係度諗
「如果我同佢講, 佢會唔會信D 咁荒謬既事…一陣佢以為我痴線唔比我讀書點算…雖然我都唔想讀, 但係唔跟返住以前發生過既事去做, 我會連原有既生活都返唔到去GA WO…」
NIKKON比左SCHEDULE我之後同我講今堂可以唔上, 下堂開始跟時間表上。正當我準備行出OFFICE 門口之際, 我鼓起勇氣問左佢
「我知道呢件事對你黎講可能好不可思議, 但係你可唔可以聽我講小小野?」
NIKKON用好友善既目光望住我, 佢同我講有咩問題我隨時都可以搵佢, 但係佢而家要見下一個學生, 佢叫我放LUNCH既時侯再去搵佢。於是我就由校務處行左出黎, 行左落樓下CANTEEN, 我見到我細佬都坐左係度等上下一堂。 我細佬叫袁固仁, 佢係其他人眼中係比我聽話比我乖, 仲係一個好識諗, 偏向成熟既人, 所以咕碌媽從來都唔需要擔心佢。而我同佢既關係只可以用萍水相逄黎形容, 如果佢唔係我細佬, 我諗我呢世都唔會同佢有任何交流。直到有日咕碌爸語重深長咁同我講話呢個世界咩都有得簡, 唯獨親人你無得選擇。到我真正明白呢個道理既時侯, 我同我細佬既關係已經好似南北韓既關係咁惡劣。既然有機會重頭黎過, 我想做D野去修補我同細佬既關係。 於是我慢慢行近我細佬, 而我細佬好似有心避開我咁, 佢見我行埋黎就執野起身走… 我叫住佢
「仁仔, 有野同你講呀! 唔好行住啦」
「我冇野想同你講WO, 有屁快放」
「我想同你講件事, 認真架, 可能你會覺得我痴Q左線」




「你不嬲都係痴Q左線架啦, 乜事呀」
「啦, 你聽住啦, 唔好笑呀, 打7你架」
「講啦, 7頭」
「我係10年之後黎架…..」
「你係真係痴Q左線定未撚訓醒?」
「我講真架!」
「妖, 我上堂呀, 無乜事唔好係學校叫我仁仔, 叫到成個貨幣咁!」
唉…點算, 連細佬都唔信我…雖然我知道係好難叫人相信D咁無稽既野…算啦, 我都係去上堂啦…