直播主的告白: 第四章

你對我的仁慈，只會令我愈想擁有。
每逢晚宴，我也成為了他的女伴。而每晚佢都會出於禮貌車我翻屋企。

有日晚宴後，當我上左車後，佢突然傾身幫我扣好條安全帶! 個時嘅我就好似一個蠟像禁，成個人彊硬左。

“你做咩唔扣安全帶!”

“…唔記得左……”個時嘅我少女心爆發左出黎。

落車嘅時候，佢同我講左一句話





“睇埋你上樓我先走!”

“唔洗啦! 行前兩步都係啦!”

“深夜吖!都係等多你一陣姐!”

“嗯!”

“上到去sent 過短信比我!”





簡單嘅幾句說話，係第一次有男生同我講佢會等我。由此時開始，我地會用短信黎傾計，講下大家嘅最近發生嘅事，漸漸我地成為左朋友，而我對佢嘅好感也因此大增，至少係我禁大個女以來第一次有戀愛嘅感覺。
生病嘅時候，佢比起我嘅父母更長氣。

“你食左藥未?”

“退左燒未?”

“依家點吖? 仲有無頭痛?”





“快啲瞓! 你聽日都係唔好翻工住! ”

心情不好嘅時候，比我朋友更關心我。

“ 你發生咩事?“

“ 開心啲啦!”

“ 你記住有咩事都可以搵我架!”
依啲感覺係我從來都無感受過，同擁有過。
但原來……………………………………………… 這只是像仲夏夜之
夢一樣。

直播主把公眾評論關閉。
送禮項目設為不接受禮物。




直播人數為55700