我在籠外的復仇: 第十一集

「軍爺！」我跟阿光向面前的軍爺打招呼，而我的眼睛一直留意看著軍爺旁邊的手下，一有機會我就可以下手，直接把這個殺人狂殺死，為我兩個朋友報仇。 

「阿輝，你終於肯番黎啦？以後幫番我手一齊打天下，無左你我地弱左好多阿，以後有咩事，軍爺一定照住你架喎。」軍爺向我道。 

「無問題。」我軍爺向微笑了一下，「如果你今日出到呢個門口，我一定跟你.....但係唔會有呢個可能。」我的內心向我傳出這一番說話。 

「聽阿光講，呢個就係虐打你家姐既人啦下話！打你家姐即係打我家姐！擺佢入籠，點火！」軍爺向他的手下道。
 
「原來軍爺今次想用火將家姐男朋友困在鐵籠監生燒死，咁就o岩啦，等我一次過將你地全部燒死啦，咁就無人可以秋後算帳。」我看著鐵籠旁邊的天拿水微笑著。 



軍爺的手下把家姐男朋友放在鐵籠中，一切準備就緒，只等軍爺下令倒天拿水和點火，就可以將呢條打家姐既仆街燒死.......「我好憎條仆街，等我親自黎！」我向軍爺自動請纓，希望可以親自下手，當然這也是我計劃之中。 

「哈哈，阿輝，睇黎以前既你終於番黎啦，唔再做一個婦仁之仁既懦夫。拿！火柴！」軍爺把火柴交給我。 

我走近天拿水的位置，一手拿起四瓶，在這房間內亂掉...... 

「彭！」「彭！」天拿水瓶碎裂的聲音，使我戰意更加高漲....... 

「你做咩阿！捉住佢阿！！」軍爺好像還跟不上我突然發難的狀況。 



阿光是第一個首當其衝扑過來制伏我的人，但我當然敏捷地躲開。自從我記得番大部分事情以後，我覺得自己敏捷和好打了很多，也許我失憶前係一個好好打既人都未定。
 
當我在躲避眾人的攻擊時，我已經順利逃到樓梯旁邊，「再見啦軍爺，阿光。」隨即我燃點起火柴，掉進地上的天拿水中，整層二樓隨即起火。 

「反骨仔！你咪撚走阿！全部人同我捉撚住佢阿！」軍爺瘋狂地大聲叫道，此時一樓的手下仍未知道發生甚麼事情。 

「我係為我兩個朋友報仇架，我要你地全部人收檔！永別啦，軍爺！」我一支箭跑出大門口，用大門旁邊的掃把把門鎖上，然後用雜物塞住大門。 

「哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈！」這一刻我很興奮，原來報仇係咁興奮，殺人係咁興奮........ 



我一邊倒天拿水一邊狂笑起來，享受著殺人的快感.... 

我知道今日之後，所有仇我都報晒，應該死既都死晒。 

「哈哈，各位永別。」說畢，我再次燃點起火柴，掉向用雜物塞住的大門口。
 
「彭！彭！彭！......救命阿！救命阿！」我聽到幾把熟悉的女聲呼救著。 

「李婷，吳詠恩，張兆雯......」對！我忘記她們三個還在裡面，我太大意了！我從一樓衝忙地跑出來，忘記帶她們一齊走。 

「你地唔洗驚阿！我而家開番門救你地。」正當我想推開門前的雜物，我發覺火勢已經漫延到門外。 

「救命阿！救命阿！...............................彭！！！」當危急之際，屋內突然傳出巨大的爆炸聲.......之後我再聽唔到三個女生們求救的聲音。 

如果我再唔走，下一個死既可能係我，「李婷，吳詠恩，張兆雯.....對唔住，一切當係你地做污點証人指証凱晴既惡果啦。」 



我急速向外跑，突然又傳來一下巨大的爆炸聲..........