(18+)驚悚短篇 [人肉工廠]千祈唔好亂番大陸玩: 02
[鬼節精選] [人肉工廠]千祈唔好亂番大陸玩
02
六人一到埗酒店，不曉得是否因為正值鬼節，我和阿瑩已經莫名不安，她甚至鬧著要退房，經眾人一番說服才肯跟大家去游泳。
而我早把古怪的想法拋開，醉心欣賞眼前泳池裡這一片風光了。
大波Suki果然穿了性感的白色比堅尼下水，害我無法專心和池邊浸水的靛晴聊天。
白色泳裝如果濕了，會不會透底呢？
「頭先阿瑩咪話接到個神秘電話嘅，」她憂慮道。「其實係我聽㗎。」
「咩嘢電話？」我把視線由Suki移回靛晴。
「我同澤明入房無耐電話就響起，」她瞄瞄我。「對方無出聲，我喂咗兩下只好收線。」
我恍然：「哦！你哋唔使驚啦。聽講大陸有啲酒店係咁㗎，可能係妓女想搵生意。」
她笑笑：「咁我就放心好多喇。」
不如你擔心澤明同Suki好過啦——此話咽在喉嚨正猶豫要不要說出來。
雖然我和澤明及他好友Suki第一次見面，但他們倆個之間的互動不像普通朋友，更不要說明明和女友旅行卻帶女性朋友來。
「哇！」倏地潑水的阿瑩把我嚇一跳。「嚇鬼死咩。」
她無視我，對靛晴說：「我幫你趕走個死姣婆，你陪吓你條仔啦。」
這我才注意到Suki正和澤明、Calvert在淺水區玩得興高采烈，Suki跟在澤明身後跑呀跑，大乳跟著搖呀搖。
如果我跟澤明和Calvert一樣高大有型，早也加入了！不不不，比起Suki這種膚淺的女生，還是有氣質的靛晴好！
看著自己男朋友和火辣的女生鬧成一團，靛晴選擇離場。她低頭說：「唔喇，差唔多夠鐘食飯，我想上房沖涼先。」
吃完自助晚餐才晚上七點多，Calvert提議出去逛逛。
「喂你哋望吓，我哋係咪住喺七樓呀？」在酒店門口外不遠處，阿瑩回頭指向酒店說。「成間酒店好似得我哋住果層著咗燈咁呀！」
全幢酒店才十層左右，透過玻璃窗看確實只有一樓大堂和第七層亮燈。
不時與阿瑩唱反調的Suki說：「唔係呀嘛！咁少人住間嘢一早執笠啦！」
Calvert打圓場：「行啦行啦，我想買宵夜呀。」
距離酒店兩至三分鐘路程的步行街，是案發第一現場。
在我印象中，稱得上「步行街」，一般是該區最熱鬧的地方，無論白天晚上。
可是，這裡冷清得令人懷疑是否走錯路。沒有五光十色、沒有喇叭播歌，店裡店外只有幾個身穿淺藍制服的路人。
再走前多一會，終於有點人氣。阿瑩說：「前面前面！」
我們來到一個廣場，裡面有一班人正在跳廣場舞，廣場周圍有些小攤販。
Calvert帶前過去：「睇吓有無串燒先！」
靛晴對澤明悄悄話：「酒店啲人又話係步行街，但好似好少人咁。」
「大陸有啲地方係咁㗎，附近又無咩民居或者酒店。」
我忍不住道：「但我發現咗樣嘢，你哋覺唔覺成條街行嚟行去嘅人都好似係果班人咁。」
「吓？咩意思？」Suki一臉無知地問。
靛晴問我：「你係咪想講，佢哋都係著住藍色制服？」
「其實我都留意咗好耐！」阿瑩呼道。「佢哋啲制服上面有晒佢哋個全名喎，勁奇怪囉。」
我補充：「仲有每次經過都係咁望住我哋，同酒店班人一樣！」
「哦，」澤明解說。「應該係工廠工人之類，大陸比較大規模嘅工廠都會有制服、上面繡自己個名㗎。」
Calvert揶揄：「咦，好熟吓喎兄弟。」
Suki維護澤明：「人哋呢啲叫識得嘢多囉。」
「唔似得啲人乜都唔識，淨係識問點解。」阿瑩漾起可愛的微笑，正宗的笑裡藏刀。
「喂！」Suki生氣地急停步，不曉得是否錯覺，她的雙峰好像跟住震一震。
「講番轉頭先，」靛晴冷靜地把話題拉回。「啱啱見到有圍欄圍住幾座灰色大廈，可能就係工廠？」
我說：「咁都好怪啦，呢度成區嘅消費都淨係靠間工廠。如果無班員工，咁所有餐廳超市咪要執笠。」
因為酒店入住率又低、附近又好像沒甚麼民居似的。
「結論係，如果無咗間工廠，呢度所有嘢都跟住無晒，咁成區就會變咗廢墟咁。」阿瑩眨了眨漂亮的大眼。
她說得對。
工廠可以說是這區的命脈，幾乎全部店舖要依賴它為生，換言之，所有人對它經營的事都隻眼開、隻眼閉。
想到這裡我甩甩頭，笑自己未免FF得太多，應該快快手買完宵夜回酒店、好好享受今晚才對。
只是十分鐘過後，所謂的 "FF" 卻續一發生了。
——待續
通知一下大家，個人專頁改名為「橘子綠茶的星塵」。
想下一回加速出快啲，大家幫手like&comment吓丫~