[愛情]《溝女最緊要就手》: 第四章 ·【十二】

「👌🏿妳都係吖，唔好玩咁夜🌝」

我覺得🌝月亮這個emoji表情flirty，帶點調情作用。

「喂阿臣，你嘴角含春今次咩事？」
Raymond一手奪去我的手機，再打開Coby的WhatsApp頭像。

「新對象囉...」
我嘗試搶回手機，不過失敗。





「咦？師兄識食喎...」他擺出猥瑣表情，繼續說：「腰幼、下盤大，fit得黎有啲肉地喎！」

「佢跳舞㗎嘛，同埋我眼光唔差囉。」
「阿臣大個仔喇，哈哈.....」

沒想到一見面就被Raymond揶揄作弄一番，或許這是男生替朋友高興的方式。

幾句對答為我加添幾分遐想，幻想有Coby做女朋友的日子應該很好玩、幸福。

「今晚飲盡佢啦！」




「Raymond哥，我今晚仲要返去同佢傾電話。」
「哇，有女喇，有毛有翼曉飛喇！」
———————————————————
「喂，返到屋企未？」
Coby的來電並不意外。

「吓？我啱啱散band咋...妳呢？」
「我好聽話㗎，但你自己叫人早返，自己就咁遲返！」

正當我在苦惱如何回應，Coby已轉移焦點，看來她只是隨便說說。





「不如我哋玩個遊戲？」
「好吖。」

果然是Coby，她生活每分每秒都離不開玩樂。

「嗱，呢個Facebook messager小遊戲就係咁嘅，系統會隨機出問題，我揀完答案你就要估我揀邊個選項，之後到你。」

聽起來頗有趣，何況進一步瞭解Coby正是我想做的事情。