[愛情]《溝女最緊要就手》: 第三章 ·【十九】

「其實純粹想搵條友呻下，你唔介意㗎嘛？」

我們才剛坐下，Coby就說起這些欠打的話。甚麼「介不介意」？根本就是passive aggressive，難道要我正面拒絕嗎？礙於她是Zoe的好友，加上個性活潑、「剛烈」，唯有就範。今晚將會是一場苦戰！

Coby拿起筆和點餐紙，純熟迅速點好兩人的份量和種類，然後交給店員，遞上後不忘附上一句「Thank you」。

「咁我開始講喇...」
「咪住先，我又好奇喎。點解妳唔搵Zoe傾，要搵我？」
「um...你唔覺得將自己所有嘢話俾同一個人知，嗰種感覺好赤祼、好尷尬咩？」





她的回答讓我一下子不懂得反應，雖然聽起來很奇怪，但像是很有道理，令人不得不認同。

我附和說：
「都係嘅，要留返少少空間俾人地同自己....」
「你都覺呀？！哈哈....」
Coby說的時候語調帶點調皮，她的inner child似乎從來沒有收起來，而是跟本體融合在一起。

「咁我真係開始講㗎喇？」
「好呀！」





起初Coby在講一些不痛不癢的小事，交代如何與前度相識、相處。我們一邊吃燒肉，一邊討論。

「哦，咁個男仔肯定想咁做啦！」
「你聽埋先啦，插咩嘴呀！」

看來Coby需要的是注意和聆聽，討論比較次要，我嘗試安撫她情緒。

「好...好...我淨係聽」