[愛情]《溝女最緊要就手》: 第三章 ·【十六】

「阿....」
咦？好像有人叫我。
「阿臣！」
我脫下左邊耳機，定一定神，四處張望。

「阿臣！唔認得我喇？」
這把低沉的聲音....是Coby！

今天Coby的頭髮還是沒有放下來，但裝扮沒有mass dance當天火辣，黑白間條T-Shirt配黑色闊腳褲，反差太大讓我沒有把她認出來，老實說這個風格正是我喜歡的。





「原來Coby你都係上呢科㗎？」
「係吖，但點解我每堂都唔見你嘅？」
「umm......」

Coby送我一個詭異和虛偽的笑容，說：
「哦，你跩喇！走堂！」
「errr....啲人話大學五件事吖嘛！嗱，住hall、拍拖、走堂、做兼職同上莊！」

第一次近距離接觸Coby，我有點緊張。談話間，我的視線停留在她的臉上，她除了畫眉，還畫了眼線。眼線順著眼皮伸延到眼尾，再微微拉長，眼睛顯大，自然不造作。





「喂！阿臣，你有冇聽人講嘢㗎？」
「吓？做咩？」
「我問你大學五件事做齊未？」

可能我看得太入神，忽略了她的提問。
「哦，我頭先諗緊present啲嘢，哈哈。um....五件事差 住hall 同 拍拖。」

「阿臣，睇你個樣唔似單身喎！」
這句話比箭頭上的刃還要鋒利，直中我的要害。我吐了一口氣，希望自己能冷靜下來，這句話不但附有傷害性，而且比粗口還要難聽。甚麼「不像」，單身是鐵一般的事實。





「還好啦...咁妳呢？妳咁靚女，肯定好多男仔追啦。」
「都係㗎。」

我不禁倒抽一口涼氣...