[愛情]《溝女最緊要就手》: 第二章 ·【廿二】

在路上，Bella和Kelly不住向我解釋實驗原理，甚麼第一印象，甚麼空白時間引發凝聚力....聽得我似懂非懂的。

「知唔知點解要問你哋咁多條問題？」
「鬼知咩？慘過玩馬騮搶球啊！」
我只想知道Sally為何會出現？

「方便你哋self-disclosure啊！」
「講中文啦，妳以為自己係abc咩？」
果然世間上的女性都不會顧及男性的感受，我們根本沒有求知的意欲，卻硬要我們回應。





Bella聽完這句勃然變色，不聲不吭。我心知不妙，連忙解釋。

「講笑咋，唔好認真。」
「哦...」

她的回應彷彿帶點稚氣，看她擺出一副不瞅不睬的樣子，還是讓她冷靜一下會比較好，於是開始與Kelly聊起來。

「係呢，其實妳地點揾到Sally來嘅？」
「話乜你咁快記得人哋個名？對人哋有意思？」
糟糕，slip of the tongue！我偷瞄了Bella一眼，沒有任何動靜，我才放心問下去。





「哦，唔係啊！只係好奇你哋點搵到個靚女。」
「Sally係我中學同學來嘅。」

我心頭一震，那麼Kelly會不會知道我和Sally的過去？這是絕對不能讓外人知道，雖然不是什麼天大的秘密，但我總是有種心虛的感覺。

「咁佢有冇同妳講過啲乜？」
「乜你今日講嘢咁奇怪嘅？哦，你係咪想知人哋對你印象點？曳喇你！」
「唔係呀....」
「Sally淨係同我講有嘢做走先咋，至於佢對你有冇意思....要問過先知，哈哈！」