[愛情]《溝女最緊要就手》: 特別篇：魔女

「啊啊啊..........」
「你叫乜鬼野啊，坐低啦！」高個子邊說邊把胖子壓到石頭上。
「唉，你都唔係第一次啦，當食生菜....」我笑道。

好不容易再讓三個男生聚在一起，三人對著大海訴說心中的不快，以酒精對抗刺骨的寒風。

「條女又放我飛機喇！臭魔女！」胖子雙手揮舞，場面有點滑稽，但氣氛卻讓人笑不出來。胖子繼續說：「次次都係咁！」
「咁你咪唔好理佢囉！」高個子雙目反白，作出一個無奈的樣子。「但.....但係我鍾意人吖嘛！」我拍一拍高個子，示意他別作聲。

此刻空氣好像凝固了，萬物都在傾聽胖子的哭泣聲。他用紙巾止住涙水，再次說起話來：「高佬，唔係個個好似你咁好彩....」高個子，顧名思義個子高，人有錢又帥，唱歌、打籃球都是頂級，更在中六那年趕上尾班車，以情歌把同桌追到手，可惜人總有缺點，公開試10分也拿不到。





胖子繼續說：「你死好彩，最後一年溝到女，我地已經過咗deadline喇。」說完把手搭在我的肩膊上。「今日你先係主角，關我鬼事。」高個子說起話來「啱啊，我呢家身邊啲女同學個個mk拜金，邊似我呢加呢個賢良淑德，哈哈！」這時我也按奈不住，「上堂lecture 左邊一個偽韓，右邊一個偽ABC ，卸妝之後肯定嚇死寶寶。」

「唉，都係中學好！」胖子說完拿起一瓶伏特加，一口氣把它喝乾，自稱酒筲箕的他下一秒已醉呼呼地躺在地上。「Next One!」高個子指著我。我擺出一副神氣的樣子，道：「我先唔會俾魔女迷住，忽冷忽熱，將人玩弄於手心之中。」

「令令令.....」
「我＂老婆大人＂打黎，你飲住先。」
即使高個子站在遠處，我隱若聽到他應戰聲。
「陪fd啊，係啊......好快返.....咩啊......」看來他要花上整晚才能整頓好。





我從銀包拿出一張八年前的合照，說聲：
「早抖，阿怡！」


每個男的心中，都有一個魔女