[愛情]《溝女最緊要就手》: 特別篇：Raymond的回憶錄

Raymond的回憶錄
***********************************************
「原來已經咁夜架喇，要送你返去喇！」
「你今日叫咁多餸，我飽到行唔郁喇！返到去又要做運動減肥。」
「有幾肥呀？等我睇下。」
說完，Raymond把女生抱了起來。

「街度好多人啊，快啲放低我。」
「我抱起咗你，就永遠唔會放低。」
聽到Raymond的甜言蜜語，女生的心早已樂透了，只是不表現出來。




「好啊，咁你要抱我到巴士站，唔准放低架！」

在路上，兩人說個不停，他仍然抱著女生。
「如果我同你阿媽一齊跌落水，你會救邊個先？」
「好心你唔識游水就著救生衣啦！」
女生拍打Raymond的胸口
「你個負心漢，竟然唔親自救我」
說完掙脫，跑到巴士站。

「唔好嬲啦。」說完從後來一個擁抱。




「好喇，已經咁夜，送到呢度啦。」
「俾我陪你等埋巴士啦。」
「應承我，巴士到你就要返屋企，你聽日仲要返工。」說完替他整理衣領。

也許這就是愛情的吸引之處，兩人完全旁若無人，眼中只有對方。

巴士很快就到了，Raymond送女生上車並目送巴士離開。此時，他打開女生寫給他的信，從工整的字跡可以看出女生的用心，紙上還散發著一陣香水味。

他開始奔跑，追著女生坐的那輛車。女生看到後既驚訝，又覺得好笑。自言自語地說「傻瓜，仲追上來！」然後做手勢示意他上車。Raymond並不是甚麼運動健將，但他追了三個站，喘著氣地坐在女生的旁邊。





「你仲乜唔聽話？」
「掛住妳吖嘛。」
女生雙手抱著他的手臂，靠在肩膀上慢慢入睡。

回憶總是美好的，就如巧克力的包裝，你不把它拆開，你永遠看不到裡面過期的巧克力。

此時相簿已沾滿淚水，Raymond將手放在冰冷的相片上，逐一感受相片內的餘溫，然後翻到下一頁。

「我抱起咗你，就永遠唔會放低。」